Skessuhorn - 27.11.2019, Side 25
MIÐVIKUDAGUR 27. NóVEMBER 2019 25
Félagar í Lionsklúbbi ólafsvík-
ur gengu í hús um síðustu helgi og
seldu súkkulaðidagatöl og happa-
drættismiða í hinu vinsæla leik-
fangahappadrætti Lionsklúbbsins
sem dregið er í á aðfangadagsmorg-
un. Þegar Lionsmenn ganga í hús
og selja dagatölin og miðana færa
þeir bæjarbúum í ólafsvík rafhlöð-
ur í reykjskynjara í samstarfi við
TM. Þetta er þó ekki það eina sem
lionsmenn gera þetta kvöld enda er
þetta gert á fundartíma þeirra og
hluti af starfinu. Á meðan gengið
er í hús að selja standa nokkrir fé-
lagar vaktina og útbúa súkkulaði og
baka vöfflur fyrir sölumennina til
að gæða sér á eftir hressandi göngu
um bæinn.
Bæjarbúar taka einatt vel á móti
sölumönnum Lionsklúbbsins og
var salan góð. Fyrir þá sem að
misstu af lionsmönnum er hægt
að nálgast dagatöl og happadrætt-
ismiða í Hrund, Þín Verslun Kass-
inn og í Olís. Sem dæmi um vinn-
inga í happadrættinu má nefna,
rafhlaupahjól, spjaldtölvu, Bose
heyrnatól, Bose hátalara ásamt ým-
iskonar dóti fyrir stóra sem smáa
stráka og stelpur. Það voru Lands-
bankinn, Olís, verslunin Hrund og
Þín Verslun Kassinn sem styrktu
happadrættið og eru vinningar í
happadrættinu til sýnis að ólafs-
braut 19.
þa
Leikfélag Hólmavíkur sýnir um
þessar mundir Saumastofuna eft-
ir Kjartan Rangarsson í leikstjórn
Skúla Gautasonar. Næsta sýning á
Hólmavík er á morgun, 28. nóvem-
ber kl. 20. Að venju fer Leikfélag
Hólmavíkur í leikferð og sýnir
Saumastofuna í Logalandi í Reyk-
holtsdal á laugardaginn, 30. nóvem-
ber kl. 20 og í Dalabúð í Búðardal
sunnudaginn 1. desember kl. 20.
Saumastofan er eitt þekktasta verk
Kjartans Ragnarssonar og er reglu-
lega sett upp hjá áhugaleikfélögum.
Verkið gerist árið 1975 og segir frá
lífi starfsfólks á saumastofu. óvænt
afmælisveisla meðan yfirmaðurinn
bregður sér frá verður til þess að
það losnar um málbeinið á starfs-
fólkinu. Ýmis leyndarmál koma upp
úr kafinu og fólkið kynnist nýjum
og oft óvæntum hliðum hvers ann-
ars. Þó Saumastofan eigi sér stað
og tíma, hárgreiðsla og fatatíska sé
önnur en í dag og gerist fyrir tíma
samskiptamiðla og snjalltækjavæð-
ingar þá hefur í raun ekkert breyst.
Leikritið fjallar, eins og nánast öll
góð leikrit, um mannlegt eðli. Af
hverju erum við eins og við erum,
hvers vegna gerum við eins og við
gerum og hví erum við svona brot-
hætt og breysk?
Í Saumastofunni stíga níu leikarar
á svið, en auk þess kemur fjögurra
manna hljómsveit og annars eins
hópur að uppsetningunni á einn eða
annan hátt. Elsti leikarinn í sýning-
unni er á sínu 36. leikári með Leik-
félagi Hólmavíkur og sú yngsta,
18 ára, er samt að taka þátt í sinni
fjórðu sýningu í fullri lengd. Starf
áhugaleikfélaga er ómissandi þátt-
ur menningarlífs um allt land, eða
eins og leikstjórinn Skúli Gautason
orðar það: „Starfsemi áhugaleik-
félaga hefur gríðarlega mikið gildi
fyrir samfélagið. Af henni er marg-
víslegur ávinningur. Í fyrsta lagi er
það hollt fyrir þátttakendur. Það er
hverjum og einum hollt að ögra svo-
lítið heilasellunum með því að læra
(oft býsna magnaðan) texta. Það að
setja sig í fótspor persónu í leik-
riti eflir skilning og samlíðan með
öðru fólki. Oft gerir hlutverkið líka
kröfu um gott líkamlegt ástand, svo
að leikararnir komast í ágætt form
á æfingatímanum, þjálfa söngrödd,
danshæfileika og margt annað. Svo
er leiklistarstarf gott móteitur við
samfélagsmiðla- og snjalltækjavæð-
ingu nútímans með allri sinni yf-
irborðsmennsku. Innan leikhópa
skapast oft einlægni, traust og sterk
vinabönd. Í öðru lagi er starf leik-
félaga mikilvæg fyrir mannlífið í
nærumhverfinu. Þau eru oft há-
punkturinn á menningarlífi vetrar-
ins í sínum byggðum, enda marg-
ir sem leggja ótrúlega vinnu á sig
við að gera sýningar að veruleika.
Í þriðja lagi skapar starfið stundum
tengsl á milli leikfélaga.
Leikfélag Hólmavíkur hefur ver-
ið fastheldið á þá hefð að fara jafn-
an í leikferðir með sýningar sínar,
eitt fárra leikfélaga á landinu. Leik-
ferðirnar geta verið mislangar og
misflóknar eftir eðli sýninga, en
nær undantekningalaust hafa þær
heppnast vel og myndað sambönd
við önnur leikfélög, sambönd sem
ekki verða til úr engu. Leikferðirnar
stækka líka markaðssvæðið, því leik-
félög í litlum plássum þurfa kannski
ekki nema eina-tvær sýningar til að
vera búin að ná öllum hugsanlegum
áhorfendum þar á staðnum. Það er
blóðugt eftir alla þá vinnu sem lögð
hefur verið í sýninguna. Svo eru
leikferðir líka alltaf ákveðið ævintýri
og tækifæri til að hitta skemmtilegt
fólk.“
-fréttatilkynning/ Ljósm.
Jón Jónsson.
Útsendingar Útvarps Akraness
hefjast á föstudaginn, 29. nóvem-
ber og standa yfir þar til fyrsta
sunnudag í aðventu, 1. desember.
Að vanda er það Sundfélag Akra-
ness sem stendur fyrir útvarps-
útsendingum fyrstu helgina í að-
ventu, eins og félagið hefur gert
frá árinu 1988. Er útvarpið þannig
fyrir löngu orðinn árviss boðberi
jólahátíðarinnar á Akranesi. Út-
varp Akraness er enn fremur hand-
hafi Menningarverðlauna Akra-
ness 2019, sem veitt voru á Vöku-
dögum í lok síðasta mánaðar.
Eins og undanfarin ár verður
sent út frá hljóðstofunni við Akra-
torg á tíðninni FM 95,0. Dag-
skráin er að vanda með fjölbreyttu
sniði þar sem allir ættu að geta
fundið efni við sitt hæfi. Jólaþætt-
ir nemenda Brekkubæjarskóla og
Grundaskóla verða að sjálfsögðu á
sínum stað, en auk þess eru á dag-
skrá tónlistarþættir, viðtöl, þætt-
ir um samfélagsmál, bækur, list-
ir, jólaundirbúninginn, hvers kyns
afþreyingarþættir, grín og gam-
an. Fyrsti þátturinn fer í loftið kl.
13:00 á föstudaginn og útsending-
um lýkur síðan með árvissum þætti
útvarpsnefndar, sem hefst kl. 16:30
á sunnudag.
Guðrún Guðbjarnadóttir, vara-
formaður Sundfélags Akraness, er
ein þeirra sem situr í útvarpsnefnd.
Hún segir undirbúninginn hafa
gengið vel og að aðstandendur bíði
spenntir eftir að útsendingar hefj-
ist á föstudaginn. „Það er gríðar-
leg eftirvænting í hópnum,“ segir
Guðrún. „Töluverð eftirspurn hef-
ur verið frá fólki að fá að vera með
þátt í útvarpinu að þessu sinni, við
finnum fyrir frumkvæði úr bæjar-
lífinu hvað það varðar sem er mjög
skemmtilegt,“ bætir hún við. „Við
teljum okkur bjóða upp á fjöl-
breytta og skemmtilega dagskrá,
þar sem verða alls konar fjölbreytt-
ir þættir þar sem umfjöllunarefn-
in eru af ýmsum toga. Undanfarin
ár höfum við lagt áherslu á að allir
aldurshópar komi að þáttarstjór-
nun í Útvarpi Akraness. Löng hefð
er fyrir því að 5. bekkir grunnskól-
anna sjái um þætti. Fjölbrautaskóli
Vesturlands er einnig með þátt í ár
og það eru ungmennaþættir í bland
við þetta gamla rótgróna efni, eins
og til dæmis rokkarana sem eru
alltaf á sínum stað. Þannig að það
eru ákveðnir fastir liðir en alltaf
passað að bjóða upp á nýjungar í
bland,“ segir Guðrún að endingu.
kgk
Lionsmenn seldu miða
í leikfangahappdrættinu
Í beinni frá hljóðstofunni við Akratorg í fyrra. Hér ræða Viðar Engilbertsson og Ingi Björn Róbertsson við Sævar Frey Þráins-
son bæjarstjóra.
Útvarp Akranes í loftið á föstudag
Saumastofan sýnd í Logalandi og Dalabúð
Leikfélag Hólmavíkur í leikferð um helgina
Svipmynd frá einu af atriðum sýningarinnar.
Leikhópurinn sem stígur á svið í uppsetningu Leikfélags Hólmavíkur á Saumastofunni.