Læknablaðið - Dec 2018, Page 40

572 LÆKNAblaðið 2018/104
„Læknablaðið er málgagn lækna. Alltaf
þegar blaðið kemur út vitna fjölmiðlar í
blaðið,“ sagði Reynir Arngrímsson, for-
maður Læknafélagsins þegar hann lagði
málefni blaðsins fyrir aðalfund félagsins.
„Þetta er gluggi okkar út á við og tenging
okkar við samfélagið. Við þurfum að hlúa
að því og taka afstöðu til þess hvernig
við viljum hlúa að því í framtíðinni,“
sagði hann um þetta ríflega aldargamla
fagtímarit lækna, en það kom fyrst út árið
1915.
Aðalfundurinn samþykkti eftir um-
ræðu um blaðið að Læknafélagið tæki
reksturinn yfir og héldi útgáfunni áfram
í óbreyttri mynd. Jafnframt beindi fund-
urinn því til stjórnar að málefni blaðsins
yrðu rædd á næsta aðalfundi „og að
fyrir þann tíma verði gerð úttekt á út-
gáfumálunum með tilliti til reksturs og
útgáfuforms og möguleikum á frekari
hagræðingu kostnaðar.“
Fram kom á fundinum að tekjur
blaðsins hafi farið dvínandi vegna færri
auglýsinga. „Við þykjumst vita að þetta sé
sambærileg þróun og annars staðar. Við
höfum orðið þess áskynja að blöð á Norð-
urlöndunum hafi gengið í gegnum svipað-
ar hremmingar,” sagði Magnús Gottfreðs-
son, lyf- og smitsjúkdómalæknir, ritstjóri
og ábyrgðarmaður Læknablaðsins. Áður en
framtíð blaðsins var ákveðin benti hann
fólki á að horfa til ábata blaðsins.
„Ég held að oft sé litið á kostnaðinn
en ekki ábatann, rétt eins og þegar litið
er á heilbrigðiskerfið. Blaðið hefur skilað
miklum ávinningi fyrir félagsmenn,“ sagði
hann og bætti við: „Blaðið stendur sterkt
faglega.“
LÍ tekur yfir rekstur Læknablaðsins
■ ■ ■ Gunnhildur Arna Gunnarsdóttir
Formið á aðalfundinum var nýtt, – og undirfélögin fjögur koma sterk inn, – það var gróandi í lofti og nýja orðið valdefling varð áþreifanlegt. Mynd/Védís.
Aðalfundarfulltrúar snæddu saman á Grand hóteli og við það tækifæri voru heiðraðar fjórar konur í læknastétt: Bergþóra Sigurðardóttir, Guðrún Agnarsdóttir, Helga Ögmunds-
dóttir og Þórey Sigurjónsdóttir sem var því miður ekki viðstödd. Mynd/Védís.
AÐALFUNDUR LÆKNAFÉLAGS ÍSLANDS