Fréttablaðið - 11.03.2020, Qupperneq 23

Stjórnvöld á Ítalíu hafa
ákveðið að verja 10 millj-
örðum evra, jafnvirði
rúmlega 1.500 milljarða
króna, til að milda höggið af
völdum veirunnar.
B
irt m
eð fyrirvara um
m
ynd- og textabrengl
Þetta flytur sig ekki sjálft!
Sixt langtímaleiga einfaldar reksturinn
ÞjónustuskoðanirTryggingar og gjöld Hefðbundið viðhaldDekk og dekkjaskipti
Kynntu þér kosti langtímaleigu á
sixtlangtímaleiga.is eða hafðu samband
við viðskiptastjóra Sixt í síma 540 2222
eða á vidskiptastjori@sixt.is.
(Atvinnubílar á langtímaleigu koma hreyfingu á hlutina)
Innifalið í langtímaleigu:
Verð frá:
63.900 kr. á mán. án vsk.
Verð með vsk. frá: 79.236 kr. á mánuði.
Pantaðu bílinn á sixtlangtimaleiga.is.
Evrópusambandið hefur til skoðunar að nota sveigjanleika í reglum sínum um ríkisaðstoð til að aðstoða ríkisstjórnir við að mæta efnahags-
legum áhrifum kórónaveirufarald-
ursins. Ursula von der Leyen, forseti
framkvæmdastjórnar Evrópusam-
bandsins, sagði á mánudaginn að
framkvæmdastjórnin væri að skoða
leiðir til að heimila ríkisaðstoð í
„óvenjulegum aðstæðum“.
Þetta kemur fram í umfjöllun
Financial Times. Embættismenn
Evrópusambandsins vinna nú að
því að útbúa tillögur sem aðildar-
ríki geta notað til þess að styðja við
atvinnugreinarnar sem verða fyrir
miklu höggi. Tillögurnar verða
lagðar fram á fundi fjármálaráð-
herra snemma í næstu viku en
hagfræðingar hafa kallað eftir
kröftugri viðbrögðum við efna-
hagslegum áhrifum faraldursins.
Ríkisstjórnir Evrópu undirbúa
nú hnitmiðaðar aðgerðir til að
styðja við tilteknar atvinnugreinar.
Dæmi um ríkisaðstoð sem krefst
sérstakrar heimildar frá fram-
kvæmdastjórninni eru ríkislán á
afsláttarkjörum, skattaafslættir og
frestun á skattgreiðslum. Svigrúm
er fyrir ríkisaðstoð til fyrirtækja
sem glíma við „óvenjulega atburði“
að sögn talsmanns framkvæmda-
stjórnarinnar.
„Framkvæmdastjórnin er tilbúin
að vinna með aðildarríkjunum til
að tryggja að hægt sé að grípa tím-
anlega til aðgerða í samræmi við
reglur Evrópusambandsins,“ sagði
talsmaðurinn.
Þá er verið að skoða leiðir fyrir
ríkisstjórnir til að styðja við laun-
þega sem geta ekki mætt til vinnu
vegna faraldursins. Frakkar, sem
eru á meðal þeirra aðildarþjóða
sem hafa kallað eftir viðbrögðum af
hálfu Evrópusambandsins til þess
að koma megi í veg fyrir efnahags-
kreppu, hafa auk þess farið fram
á meiri slaka þegar kemur að van-
skilum á lánum.
Franska f jármálaráðuneytið
hefur beðið eftirlitsyfirvöld um að
lengja þann tíma sem tekur fyrir
lán að vera f lokkað sem vanski-
lalán. Það muni veita fyrirtækjum,
sem eiga erfitt með að standa í
skilum, og bönkum, sem horfa
fram á hærri eiginfjárauka, meira
svigrúm.
Á meðal þess sem deilt er um
á meðal ráðherra mismunandi
aðildarríkja er hvort þörf sé á víð-
tækri og samræmdri innspýtingu
í gegnum ríkisfjármálin. Sum ríki
hafa sett sig upp á móti aðgerðum
sem geta orðið of þensluhvetjandi
en með frekari útbreiðslu veirunn-
ar getur sú afstaða breyst f ljótt að
sögn viðmælanda Financial Times,
sem vinnur innan stjórnkerfis Evr-
ópusambandsins.
Því fyrr, þeim mun betra
Mohamed A. El-Erian, yfirhag-
fræðingur Allianz og fyrrverandi
forstjóri sjóðstýringarfyrirtækisins
Pimco, ber verðhrunið sem nú á sér
stað á hlutabréfamörkuðum saman
við það sem varð í fjármálakrepp-
unni árið 2008. Í grein sem hann
skrifar í Financial Times segir El-
Erian að hræringar á mörkuðum í
dag megi rekja til þriggja þátta.
„Í fyrsta lagi eru áhrif kórónaveir-
unnar bæði samdráttur í framboði
og eftirspurn. Þetta grefur undan
heimshagvexti. Í öðru lagi er ekki
lengur litið svo á að seðlabankar
geti minnkað sveif lur á fjármála-
mörkuðum með innspýtingu fjár-
magns og enn lægri vöxtum. Vextir
í Evrópu eru nú þegar orðnir nei-
kvæðir,“ segir El-Erian.
„Í þriðja lagi hefur ákvörðun
Sádi-Arabíu um að fara í olíuverð-
stríð, sem hefur lækkað olíuverð um
meira en 20 prósent, sett rekstrar-
hæfi smærri olíufyrirtækja í hættu
og grafið undan fyrirtækjaskulda-
bréfamarkaði.“
El-Erian segir að þar sem rót
vandans megi ekki rekja til fjár-
málastofnana ógni það ekki tauga-
kerfi allra þróaðra hagkerfa, þ.e.a.s.
greiðslumiðlun og uppgjörskerfum,
eins og í fjármálakreppunni 2008.
Aftur á móti geti stjórnvöld ekki
gripið til jafn áhrifamikilla úrræða.
„Of lengi hafa stjórnvöld reitt
sig á að peningastefnan styðji við
hagvöxt. Of oft hafa hagstjórnar-
tæki verið notuð með óskilvirkum
hætti eins og 50 punkta lækkun
bandaríska seðlabankans í síðustu
viku sem fékk dræmar viðtökur á
markaðinum,“ skrifar El-Erian.
Stjórnvöld þurfi því að beita
hnitmiðuðum aðgerðum sem hefta
útbreiðslu veirunnar, hlúa að ber-
skjölduðum þjóðfélagshópum og
leysa sértæk vandamál á fjármála-
mörkuðum eins og lausafjárskort.
Aðgerðirnar þurfi að vera sam-
ræmdar innan stjórnkerfisins sem
hefur of lengi reitt sig á hagstjórnar-
tæki seðlabanka. „Því fyrr sem þetta
er gert, þeim mun öf lugri verður
efnahagslega viðspyrnan,“ skrifar
El-Erian. thorsteinn@frettabladid.is
Aðildarríkin fái að veita ríkisaðstoð
Evrópusambandið skoðar leiðir til að heimila aðildarríkjum að veita ríkisaðstoð til að bregðast við áhrifum kóróna veirunnar.
Tillögur lagðar fram á fundi fjármálaráðherra aðildarríkja snemma í næstu viku. Óeining um víðtækar og samræmdar aðgerðir.
Tóm lestarstöð í Mílanó. Ótti við veiruna hefur lamað framboð og eftirspurn. MYND/GETTY
Óvíst hvort lækkun olíuverðs ýti undir einkaneyslu
Í umfjöllun Financial Times
kemur fram að í venjulegu árferði
séu heildaráhrifin af verðlækkun
olíu jákvæð vegna aukningar í
einkaneyslu og fjárfestingu. Á
meðan veirufaraldurinn gengur
yfir eru hins vegar litlar vonir um
að einkaneysla og fjárfesting vegi
á móti.
Evrópa er eitt af þeim svæðum
sem gætu hugsanlega notið góðs
af lækkun olíuverðs. Þumalputta­
regla Seðlabanka Evrópu er sú
að lækkun olíuverðs um 10 evrur
minnki verðbólgu á evrusvæðinu
um 0,3 prósentustig innan
tveggja mánaða.
„Þetta mun dempa höggið,“
segir Holger Schmieding, hag­
fræðingur hjá Berenberg, í sam­
tali við bandaríska viðskiptaritið,
en hann bætir við að áhrifin á
fjárfestingu í Bandaríkjunum
komi fljótlega fram en ábati til
evrópskra neytenda sé lengur að
skila sér.
Jennifer McKeown hjá Capital
Economics segir að 50 prósenta
verðlækkun á olíu frá byrjun árs
hafi minnkað verðbólgu í OECD­
ríkjunum um eitt prósentustig en
fordæmi séu fyrir því að aukning
í einkaneyslu vegna lægra olíu­
verðs hafi verið minni en áætlanir
hafa gert ráð fyrir. Í ljósi kóróna­
veirufaraldursins sé „sérstak­
lega ólíklegt að heimilin muni
bregðast við lægri orkukostnaði
með því að eyða meiru“.
1 1 . M A R S 2 0 2 0 M I Ð V I K U D A G U R8 MARKAÐURINN