Hugur og hönd - 2019, Blaðsíða 53

2019 HUGUR OG HÖND 53
Ung kona á Akureyri hefur vakið athygli fyrir verk sín
sem byggja á víravirkishefð Íslendinga. Hún smíðar
bæði hefðbundið búningasilfur og færir gamla víra-
virkið í nútímabúning í skargripum og hárskrauti.
Júlía Þrastardóttir hefur starfrækt gullsmíðaverk-
stæði sitt í 4 ár. Júlía er fædd og uppalin á Akureyri
en lærði gullsmíði í Tækniskólanum í Reykjavík. Hún
útskrifaðist árið 2009, en fór haustið 2012 til Flórens
á Ítalíu í framhaldsnám þar sem hún nam leturgröft
og steinaísetningu.
Árið 2009 tók Júlía þátt í Norðurlandakeppni í gull-
smíði sem haldin er á hverju ári í Danmörku. Þetta var
í fyrsta sinn sem Ísland sendi fulltrúa sinn í keppnina
en Júlía hafnaði í öðru sæti.
Aðspurð hvers vegna hún hafi kosið að sérhæfa sig
í víravirki segir Júlía frá því að hún fór 16 ára gömul
á víravirkisnámskeið með móður sinni og fannst eins
og hún hefði fundið hinn helminginn af sjálfri sér.
Aðal ástríða hennar er gamla víravirkið og að kenna
þetta forna handbragð en Júlía hefur ferðast víða og
haldið námskeið.
„Ég hef alltaf haft mikinn áhuga á gamla hand-
bragðinu og verið mjög föst í því að læra upp á gamla
mátann áður en ég fjárfesti í nútíma tækjum. Það er
ekki sjálfgefið að hafa aðgang að nýjustu tækni og
mér fannst til dæmis mjög erfitt í skólanum þegar
við áttum að læra steinaísetningu með loftvélum og
smásjá, eitthvað sem er á fáum verkstæðum í dag.
Þess vegna fór ég til Ítalíu og valdi skóla sem kenndi
ennþá gömlu aðferðirnar. Það er auðvitað erfiðara en
samt meira gefandi þar sem þarf að treysta á eigin
færni og fínhreyfingar."
Nútíminn og víravirkið, hvernig fer það
saman?
„Síðan ég útskrifaðist hef ég lagt mig fram við að
kynna þessa fallegu aðferð sem víravirkið er og sýna
hversu fjölbreytt það getur verið. Þetta þarf ekki að
einskorðast við þjóðbúninginn en þegar ég útskrifast
voru mjög fáir að sérhæfa sig í þessu. Ég vil meina að
ég hafi átt þátt í þessari vakningu sem er núna á öllu
landinu. Ég er búin að vera að kenna námskeið um
Víravirki í nútímanum
H ö f u n d u r : Brynhildur Bergþórsdótt ir - L j ó s m y n d i r : Júlía Þrastardóttir