Fréttablaðið - 18.04.2020, Qupperneq 72

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg. ehf
DREIFING Póstdreifing ehf.
dreifing@postdreifing.is 550 5000
Margrétar
Kristmannsdóttur
BAKÞANKAR
Það er oft talað illa um atvinnurekendur, sérstak-lega eftir hrunið. Það var
eins og við værum öll glæpamenn
að reyna að maka krókinn. Þetta
viðhorf gat farið ferlega í skapið
á mér. Það er ekki svo. Við erum
langf lest að reyna að standa okkur
eins vel og við getum, oft við
erfiðar aðstæður.“ Þessi orð voru
nýlega höfð eftir Aðalheiði í Kaffi-
tári sem var farsæll atvinnurek-
andi í um þrjá áratugi. Aðalheiður
var samfélagslega ábyrg og valdi
oft kosti sem skiluðu fyrirtæki
hennar minni hagnaði því þannig
vildi hún einfaldlega reka það.
Það er ljóst að mörg fyrirtæki
eru að róa lífróður í dag og það
er því miður staðreynd að mörg
þeirra munu ekki ná landi. Tekju-
fallið er gríðarlegt og þúsundir
heimila og fyrirtækja munu þurfa
að leita í sameiginlega sjóði til að
komast í gegnum brimskaf linn.
Á komandi mánuðum munu
hundruð milljarða fara úr okkar
sjóðum til að halda þessum aðilum
á f loti.
Við svona aðstæður kemur oft
í ljós úr hverju við erum gerð – og
sjaldnar er maður stoltari af því
að vera Íslendingur en einmitt
þegar hamfarir ganga yfir. Bak-
verðir af öllum gerðum stíga fram
og leggjast á sömu árarnar við að
tryggja að samfélagið okkar verði
sem sterkast þegar upp er staðið.
Við svona aðstæður eignumst við
hetjur úr ólíklegustu áttum og við
gerum þá kröfu að breiðustu bökin
leggi meira inn en þau taki út.
Við erum lánsöm sem þjóð að
eiga mörg öf lug fyrirtæki sem
þurfa ekki aðstoð við fyrstu ágjöf.
Fyrsta skellinn eiga stöndug
fyrirtæki að taka sjálf og gera
með stolti. Það væri hneisa ef þau
leituðu í opinbera sjóði án tilefnis.
Það hefði Aðalheiður aldrei gert.
Þarftu í raun
aðstoð?
LAUGARÁSVEGI 1
Pantaðu á skubb.is
fyrir kl. 21 og
við keyrum ísinn
til þín sama kvöld
©
Inter IKEA System
s B.V. 2020