Feykir - 14.03.2018, Blaðsíða 3
11/2018 3
Í síðustu viku var Helga
Sigríður Eiríksdóttir,
námsráðgjafi Fjölbrautaskóla
Norðurlands vestra, á
fótboltaæfingu með félögum
sínum í íþróttahúsinu á
Sauðárkróki, sem er ekki í
frásögur færandi nema að því
leyti að hún hné niður og fór í
hjartastopp. Var henni veitt
fyrsta hjálp sem fólst í hnoði,
blæstri og notkun á stuðtæki.
Hún var flutt í kjölfarið með
sjúkrabíl til Akureyrar og þaðan
til Reykjavíkur með sjúkraflugi í
hjartaþræðingu á Landsspítal-
anum þar sem hún dvaldist í
góðu yfirlæti þegar Feykir hafði
samband við hana sl. laugardag.
Hún segist ekki hafa fundið fyrir
neinu áður, en í rannsóknum
kom í ljós eitthvað sem virðist
vera ör á hjartanu sem gefur til
kynna að hún hafi fengið áfall
einhvern tíma áður en ekki
tekið eftir því. „Greinilega
skagfirsku genin,“ segir Helga á
léttu nótunum. Hún segist ekki
hafa fundið fyrir neinu og þegar
hún vaknaði gerði hún sér enga
grein fyrir því sem á undan
hafði gengið. Ekki var búið að
taka ákvörðun um hvað verði
hjá henni þegar Feykir ræddi
við Helgu en hún fór í
segulómun sl. mánudag.
Kannski þarf ég að fá bjargráð
en ekki hefur verið tekin
ákvörðun um það. Einhverjar
skemmdir eru á hjartanu en
vonandi litlar.“
Helga segir að sér líði vel en
er smá stressuð með hvað verð-
ur í framhaldinu. „Ef ég fæ
bjargráð má ég væntanlega ekki
spila fótbolta. Við samstuð gæti
hann stuðað mig.
Ég myndi vilja koma fram
þökkum til allra sem hjálpuðu
mér, fótboltafélaganna, sjúkra-
flutningamanna, Kela [kennara]
og auðvitað læknanna. Held að
Sibbi [Sigurbjörn Björnsson]
hafi farið með mér í sjúkra-
bílnum sem mér fannst gott
vegna þess að við vinnum
saman,“ segir Helga og bætir því
við að erfitt sé fyrir hana að
muna eftir öllu, þar sem allt sé í
þoku hjá henni. /PF
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Sigríður Garðarsdóttir – siggag@nyprent.is
Áskriftarverð: 530 kr. hvert tbl með vsk. Lausasöluverð: 650 kr. með vsk.
Áskrift og dreifing: Nýprent ehf. & 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
LEIÐARI
Guð er vinur minn
Að trúa á Guð er eitthvað sem fólk veltir fyrir sér einhvern
tímann á lífsleiðinni og ekki síst þegar þau tímamót nálgast
þegar unglingar ákveða hvort þeir
ætli að láta fermast eður ei.
Fermingin getur verið af ýmsum
toga en oftast hugsuð sem nokk-
urs konar manndómsvígsla, þar
sem ungmenni eru vígð inn í
samfélag fullorðinna, án tillits til
trúar.
Hjá kristnu fólki er fermingin
staðfesting á skuldbindingu for-
eldra og guðfeðgina í skírnarathöfn
viðkomandi og stendur þá barnið
frammi fyrir ansi stórri ákvörðun.
En eins og hægt er að lesa í þessu blaði, þar sem ungmenni eru
spurð út í ætlun sína, hafa þau ígrundað vel sín mál.
Það er nú svo að margur hefur þurft að ígrunda trúmálin alla
lífsgötuna á enda og þá ýmist komist að því að vel hafi verið valið
með trúfestuna eða þá ekki. Enginn fer í gegnum lífið án áfalla
og vill skapast togstreita hjá fólki um hvort Guð sé góður og leiði
viðkomandi í gegnum ferlið eða þá að hann sé slæmur vegna þess
að hann sé valdur að eða hafi ekki komið í veg fyrir eitthvað sem
hrjáir viðkomandi. Svo eru margir, sem án nokkurrar ástæðu,
trúa ekki á neinn guð eða kasta trúnni í skemmri eða lengri tíma.
Amma mín heitin var trúuð kona og kenndi mér bænir þegar
ég, ungur snáði, gisti hjá henni í sveitinni. Fannst mér gott að
biðja til almættisins, og hafði þá venju, langt fram yfir fermingu,
að fara ekki að sofa fyrr en samtalið við Guð væri afstaðið.
Seinna, á fullorðinsárum, fór ég að velta trúarjátningunni fyrir
mér og komst að því að ég gat ekki samsamað mig henni á nokkurn
hátt. Varð úr vöndu að ráða. Mér fannst að þar sem ég gat ekki farið
með trúarjátninguna með góðri samvisku hlyti ég að þurfa að
kasta trúnni þar sem hún er undirstaða kristinnar trúar.
Velti ég því alvarlega fyrir mér að segja mig úr Þjóðkirkjunni,
eins og svo margir hafa gert, og skipta um trúfélag. En því kom ég
aldrei í verk, sem var í fínu lagi þar sem ég sá að engin lausn væri
að fara í annað trúfélag sem ég tryði heldur ekki á.
Staðan í dag er þannig að ég er enn í Þjóðkirkjunni minni,
með barnatrúna sem amma var svo væn að kenna mér, og mér
líður vel með það. Við Guð höfum rætt málin og honum er sama
hvort ég fari með trúarjátninguna eða ekki – bara að við séum
vinir.
Páll Friðriksson, ritstjóri
Fór í hjartastopp á
fótboltaæfingu
Lífsbjörg á Sauðárkróki
Helga Sigríður Eiríksdóttir. MYND AF FACEBOOK
Þriðjudaginn 6. mars, komu
félagar í Veðurklúbbnum á
Dalbæ saman til fundar í því
skyni að huga að veður-
horfum í marsmánuði.
Fundurinn hófst kl. 13:55 og
voru fundarmenn sjö talsins.
Að venju var farið yfir sann-
leiksgildi spár fyrir liðinn
mánuð og útkoman að
vonum góð.
Í skeyti Veðurklúbbsins segir
að nýtt tungl kvikni 17. þessa
mánaðar í suðri kl. 13:12 og
mun það vera laugardagstungl,
sem þykir gott tungl. Gert er ráð
fyrir að veðurfar í mars verði
áþekkt og veður hefur verið
undanfarið, þ.e. umhleyping-
samt með breytilegum vind-
áttum og fremur kalt.
Reikna má með nokkurri
snjókomu, en hláku inn á milli.
Búist er við léttu páskahreti, sem
stendur þó frekar stutt.
Fundi lauk kl. 14:20
Veðurvísa mánaðarins:
Febrúar á fannir
þá læðist geislinn lágt.
Í mars þá blæs oft biturt,
en birtir smátt og smátt.
Með góðri góðri kveðju og ósk
um gleðilega páska.
Veðurklúbburinn á Dalbæ
Gera ráð fyrir léttu páskahreti
Veðurklúbburinn á Dalbæ
Á heimasíðu
Byggðastofnunar kemur
fram að kostnaður við
húshitun er hvað lægstur á
landinu þar sem hitaveita
er komin í Skagafirði, en
kostnaður við húshitun er
aðeins lægri á Seltjarnar-
nesi, Flúðum, Grindavík og
Keflavík. Viðmiðunareignin
er einbýlishús, 140 m2 að
grunnfleti og 350m3.
Á heimasíðu Svf. Skaga-
fjarðar segir að þegar litið sé
til orkukostnaðar alls sést að
hann er einnig hvað lægstur
á Sauðárkróki af þeim
stöðum sem kannaðir voru
en af 36 svæðum voru aðeins
sex þéttbýlisstaðir með lægri
orkukostnað alls þegar litið
er til algengasta verðs á
heildarorkukostnaði á hverj-
um stað. Rafmagnsverð er
hærra hjá notendum í
dreifbýli. /PF
Skagafjörður
Lægstur
húshitunar-
kostnaður á
landinu
Forsíðumynd Feykis að
þessu sinni er af sr. Gísla
Gunnarssyni, sóknarpresti í
Glaumbæjarprestakalli og
börnum sem hann fermir í
vor, ýmist í Glaumbæjar-,
Rípur-, Reynistaðar- og
Sjávarborgarkirkju.
Þau eru fv.: Óskar Aron
Stefánsson Álfheimum;
Steinar Óli Sigfússon, Stóru
– Gröf syðri; Ólafur Benóný
Jónsson, Varmahlíð; Þorleif-
ur Feykir Veigarson, Ey-
hildarholti; Sigurjón Heiðar
Sigurbjörnsson, Garði; Ólöf
Bára Birgisdóttir, Ríp og
Ragnheiður Petra Hjartar-
dóttir, Sauðárkróki. Á mynd-
ina vantar Dagnýju Erlu
Gunnarsdóttur, Egilsstöð-
um.
Myndina tók Gunnhildur
Gísladóttir, ljósmyndari, við
Alexandersflugvöll. Hegra-
nesið í bakgrunni. /PF
Forsíðumynd
Feykifín
fermingarbörn
Nemendur Varmahlíðarskóla
lentu í tæknilegum vandkvæð-
um við fyrirlögn samræmdra
könnunarprófa fyrir helgi líkt
og aðrir skólar á landinu.
Nokkuð fljótlega leystist úr
vanda flestra nemenda sem
náðu að ljúka prófi en eftir
ítrekaðar tilraunir og viðvarandi
vandkvæði var ákveðið að fresta
töku prófsins hjá hluta hópsins.
„Við leggjum til að engar
niðurstöður verði teknar saman
né gefnar út úr prófunum,
hvorki íslensku né ensku. Einnig
viljum við leggja til að ekki verði
reynt að nýju að leggja samræmd
próf fyrir þennan árgang og
próftöku þeirra aflýst,“ segir á
heimasíðu skólans. /PF
Vandræði vegna samræmdu prófa
Varmahlíðarskóli