Feykir - 14.03.2018, Blaðsíða 13
11/2018 13
Þjónusta, verslun, starfsemi, störf og þekking
í okkar heimabyggð er dýrmæti!
Eflum okkar svæði og veljum heimabyggð þegar við verslum
HJÁ ERNU HÁRSNYRTISTOFA
Sími: 453 6069, Skagfirðingabraut 8
Opið alla virka daga kl. 9-17 / miðvikudaga kl. 13 - 20
Verið velkomin
Fyrir vorið, fermingarnar og
önnur tilefni og vinsælu gjafa-
bréfin fáið þið hjá okkur...
ÍÞRÓTTAFRÉTTIR Fleiri íþróttafréttir á Feykir.isF
Dominos-deildin í körfubolta : Tindastóll – Stjarnan 87–67
Þriðja sætið Tindastóls
eftir sigur á Stjörnunni
Tindastóll og Stjarnan mættust í
lokaumferð Dominos-deildarinnar í
Síkinu sl. fimmtudagskvöld. Stólarnir
höfðu tapað í tvíframlengdum
steinbít í Njarðvík á mánudagskvöldið
en í sömu umferð höfðu Garðbæingar
kjöldregið Keflvíkinga. Það var því
mikilvægt fyrir Stólana að eiga góðan
leik og komast á sigurbraut fyrir
úrslitakeppnina. Það gerðu þeir svo
sannarlega eftir flotta frammistöðu í
síðari hálfleik og niðurstaðan tuttugu
stiga sigur. Lokatölur 87-67.
Leikurinn var jafn í fyrri hálfleik. Hester
byrjaði vel en það var þó Viðar sem var í
miklum ham og setti þrjá þrista í fyrsta.
Staðan að honum loknum var 19-16 en
Stólarnir náðu góðum kafla í upphafi
annars leikhluta og gaman var að sjá
Friðrik Stefáns sækja á körfu gestanna
með laglegum gegnumbrotum sem
skiluðu fjórum stigum. Lið Tinda-stóls
komst í 29-19 en Stjörnumenn voru
eldsnöggir að bregðast við og jöfnuðu
leikinn. Þristur frá Hannesi kom Stól-
unum aftur í gírinn og annar frá Pétri
fylgdi í kjölfarið. Stjörnumenn héldu í
við heimamenn en Hester kom Stólun-
um fjórum stigum yfir skömmu fyrir hlé,
40-36.
Stjörnumenn héldu í við Tindastól
framan af þriðja leikhluta en með
tilkomu Helga Margeirs náðu Stólarnir
meira forskoti. Tveir þristar og einn
tvistur frá Helga komu Stólunum tíu
stigum yfir, 55-45, og Hannes bætti við
fjórum stigum til viðbótar eftir laglega
körfu, meðfylgjandi vítaskot og annað
til, eftir að tæknivíti var dæmt á Stjörn-
una. Á þessum kafla náðu Stólarnir líka
upp fínum varnarleik en staðan að
loknum þriðja leikhluta var 63-52.
Helgi Rafn fór fyrir sínum mönnum í
fjórða leikhluta á báðum endum
vallarins. Hann barðist eins og ljón í
vörninni og sýndi fína takta í sókninni.
Chris Davenport, sem var ansi mistækur
í leiknum, setti nokkur góð stig á töfluna
í upphafi fjórða leikhluta og munurinn
varð fljótlega 15 stig og næstu mínútur
léku heimamenn á als oddi á meðan
hvorki gekk né rak hjá Garðbæingum.
Hollý-hú frá Pétri kom muninum í 22
stig og körfur frá Hannesi og Axel
breyttu stöðunni í 87-63 þegar tvær
mínútur voru eftir og sigurinn í höfn.
Gestirnir löguðu aðeins stöðuna áður en
upp var staðið.
Það er auðvitað gömul tugga að segja
að um liðssigur hafi verið að ræða en það
var engu að síður bara þannig. Pétur og
Hannes voru stigahæstir með 13 stig
hvor, Hester var með 12, Viðar 11 og
Davenport, Helgi Margeirs og Helgi
Viggós 8 hver. Stólarnir tóku 53 fráköst
gegn 36 gestanna en í liði Stjörnunnar
var Tómas Hilmarsson með 22 stig og
Róbert Sigurðsson 16.
Einvígi Tindastóls og Grind-
víkinga hefst á föstudaginn
Haukar urðu deildarmeistarar eftir sigur
á Val og ÍR krækti í annað sætið eftir
jafnan leik í Keflavík. Stólarnir gerðu það
sem til var ætlast, að sigra sinn leik og
halda meisturum KR fyrir aftan sig og
tryggja þriðja sætið í deildinni.
Lið Tindastóls mætir liðinu sem
endaði í sjötta sæti og spilar því við lið
Grindavíkur og hefst rimman nú á föstu-
daginn hér í Síkinu.
Eflaust verður um hörkuleiki að ræða
og nú er að sjá hvort Sigtryggur Arnar
nær að spila en hann hefur hvílt í síðustu
tveimur leikjum vegna þrálátra meiðsla.
Fyllum Síkið og styðjum strákana í
baráttunni. Áfram Tindastóll! /ÓAB
Helgi Rafn og Hlynur Bærings háðu marga rimmuna í leiknum og ekkert gefið. MYND: HJALTI ÁRNA