Feykir - 14.03.2018, Blaðsíða 17

11/2018 17
Indriði Ægir Þórarinsson
Býður upp á lambakjöt
og kiðlingakjöt í
veislunni
Indriði Ægir Þórarinsson
verður fermdur í
Reykjakirkju þann
29. mars af sr. Döllu
Þórðardóttur. Hann
á heima á Stórhóli í
Skagafirði og foreldrar
hans eru Sigrún
Helga Indriðadóttir
og Þórarinn Guðni
Sverrisson.
Hvers vegna valdir þú að
fermast? -Til þess að stað-
festa skírnina mína og halda
flotta veislu.
Hefur þú velt trúmálum mikið fyrir þér? -Nei, eða afar lítið,
ég hef alltaf viljað vera kristinnar trúar.
Hvernig hefur fermingarundirbúningnum verið háttað? -Við
fundum jakkaföt á netinu og fórum svo eina tveggja daga ferð til
Reykjavíkur og gerðum öll hefðbundnu innkaupin.
Hvar verður veislan haldin? -Hún verður haldin í Varmahlíðar-
skóla
Er búið að ákveða hvað verður á matseðlinum? -Já, það verður
lambakjöt og kiðlingakjöt.
Er búið að ákveða fermingarfötin? -Já, svört jakkaföt og vesti,
rauð skyrta, slaufa og svartir Nike skór.
Hver er óska fermingargjöfin? -Flugmiði til Lettlands.
Fermingin mín
Ásdís Aþena Magnúsdóttir
Fermingarfræðsla á
hverjum mánudegi
og gisting í kirkjunni
Ásdís Aþena Magnúsdóttir býr á Hvammstanga
og mun fermast hjá sr. Magnúsi Magnússyni í
Hvammstangakirkju þann 20. maí. Foreldrar
Ásdísar Aþenu eru þau
Magnús Eðvaldsson og
Ellen Mörk Björnsdóttir.
Hvers vegna valdir þú að
fermast? -Aðallega vegna þess
að ég trúi á guð en kannski líka
smá vegna veislunnar.
Hefur þú velt trúmálum mikið
fyrir þér? -Nei, ekkert rosalega
mikið en ég trúi á guð.
Hvernig hefur fermingarundir-
búningnum verið háttað? -Það
voru fermingarfræðslutímar á
hverjum mánudegi í einhvern
tíma. Við þurfum líka að mæta
í tíu messur. Síðan gistum við í kirkjunni og fórum í ferðir og í
febrúar tókum við próf og skiluðum ritgerð.
Hvar verður veislan haldin? -Í Félagsheimilinu á Hvamms-
tanga.
Er búið að ákveða hvað verður á matseðlinum? -Já, við ætlum
að hafa súpur og einhverja smárétti og svo verða kökur og
sætindi á eftir.
Er búið að ákveða fermingarfötin? -Já, ég keypti mér bleikan
kjól fyrir stuttu.
Hver er óska fermingargjöfin? -Nýr sími held ég.
Ásta „sveitó“ svarar fermingarspurningum
Var ákveðin í að fermast
Feykir sendi nokkrar
spurningar á Ástu
Pálmadóttur, sveitarstjóra
Svf. Skagafjarðar, í tilefni af
því að 40 ár eru liðin síðan
hún gekk upp að altarinu í
Sauðárkrókskirkju, ásamt
fermingarsystkinum sínum,
og staðfesti trú sína. Nokkrir
vatnsdropar hafa fallið til
jarðar síðan þá og ýmislegt
breyst og sjálf á hún þrjú börn
sem öll eru fermd. Hún segir
sama hátíðleikann hafa verið
hjá þeim líkt og í hennar
fermingu og ómissandi að
fólk komi saman til að
samgleðjast.
Hvenær og hvar fermdist þú? -Ég
fermdist í Sauðárkrókskirkju á
pálmasunnudag árið 1978.
Hvað var hópurinn stór? -Við
vorum ekki mjög mörg í heildina
rétt um 30 minnir mig.
Hver var presturinn? -Séra Sigfús
Árnason.
Kom aldrei neitt annað til greina
en að láta fermast?
Nei, það kom aldrei neitt annað til
greina, ég hlakkaði mikið til.
Hvað er eftirminnilegast frá
undirbúningnum eða ferm-
ingarathöfninni sjálfri? -Það er
margt eftirminnilegt, sérstaklega
það sem maður var ekki vanur að
fá. Ég fékk t.d. sérsaumaðan skokk
sem Helga Haraldsdóttir saumaði,
fór í hárgreiðslu til Maríu
Guðmundsdóttur og myndatöku
til Stefáns Pedersen. Maður var
svolítið stressaður við athöfnina
og ég man að ég gleymdi að skilja
sálmabókina eftir í sætinu eins og
átti að gera þegar við
krupum við altarið
og það varð svolítið
fát úr því.
Hvar var veislan
haldin? -Hún var
haldin heima á Hólavegi 19.
Hvað var boðið upp á? -Það var
kökuveisla.
Var eitthvert þema? -Nei ekkert
svoleiðis.
Hvað er eftirminnilegast frá
fermingardeginum?
Það er nú heilmargt, til dæmis
allir sem komu til að samgleðjast
mér, mér fannst það mjög gaman.
Allar gjafirnar sem ég fékk og
hvað allt var rausnarlegt í mat og
drykk.
Einhver eftirminnileg ferming-
argjöf? -Já, ég fékk skatthol frá
mömmu og pabba, það er ennþá
til og býr hjá elstu dóttur minni.
Einnig fékk ég mjög flott úr frá
ömmu og afa á Svaðastöðum.
Áttu eitthvað af því sem þú
fékkst í fermingargjöf ennþá?
-Já, skattholið er ennþá til en
reyndar ekki lengur í minni eigu.
Nú hefur þú sjálf staðið í
fermingu með þín börn. Hver er
helsti munurinn á þeim athöfn-
um og þinni? -Það eru breyttir
tímar, miklu meiri fjölbreytileiki í
öllu. En upplifunin var sú sama,
hátíðleiki og gleði, dásamlega
skemmtilegir dagar.
Hvað er ómissandi í öllum ferm-
ingarveislum? -Fólkið sem kemur
til að samgleðjast.
Eitthvað sem þú villt koma á
framfæri? -Ég óska öllum sem
kjósa að láta ferma sig í ár
hjartanlega til hamingju og
velfarnaðar.
Ásta Pálmadóttir, sveitarstjóri Sveitarfélagsins Skagafjarðar.
MYND: PÉTUR INGI
VIÐTAL
Páll Friðriksson
Ásta ásamt foreldrum
sínum og bræðrum,
Pálma Friðrikssyni
og Svölu Jónsdóttur,
Friðriki og Ásmundi
fyrir aftan og á Örvari
heldur hún.
MYND ÚR EINKASAFNI