Feykir - 14.03.2018, Blaðsíða 15
11/2018 15
daglegs lífs út frá formerkjum
trúarinnar. Einn leikur sem við
förum t.d. gjarnan í undir lok
tímans heitir Heiti stóllinn.
Hann er vinsæll því þá er einn
stóll auður og þau þurfa að
setjast í hann ef þau vilja tjá sig.
Svo kem ég með spurningar
um lífið og tilveruna. Síðasti
kafli var um kærasta og
kærustur og fjallaði t.d. um það
hvort það sé í lagi að segja
kærastanum/kærustunni upp í
SMS eða tölvupósti og þau
máttu tjá sig ef þau settust í
stólinn og hin gátu gert
athugasemdir ef þau voru ekki
á sama máli. Þau eru virk og
sumir vilja fara oft í stólinn. Við
höfum líka verið með speglaða
kennslu þannig að þau hlusta á
fyrirlestur á netinu heima og
gera svo verkefni í fræðslu-
stundinni.“
En athöfnin sjálf, er hún ekki
bara hefðbundin?
„Jú, hún er mjög hefðbundin
eins og hefur verið í gegnum
árin. Það sem hefur helst breyst
er að nú er oft verið að ferma
eitt eða tvö börn í einu svo þetta
verður eins og fjölskylduat-
höfn. Áður kom fólk úr svei-
tinni til að vera við fermingj-
una en það er mikið til hætt,
því miður, einstaka fólk lætur
sig, sem betur fer, hafa það að
koma. Það er það sem hefur
breyst og fermingarbarnið er
meira í miðpunkti frekar
heldur en hópurinn.“
En telur þú að trúin og ferm-
ingin séu mikilvægur þáttur hjá
börnum í dag?
„Já, ég er alveg sannfærður um
það. Það eru undantekningar
en yfirleitt eru börnin mjög
jákvæð gagnvart kristinni trú.
Við látum þau skrifa ritgerð um
samband sitt við Jesú og trúna
og þar eru þau að minnsta kosti
að tjá sig með mjög jákvæðum
hætti gagnvart trúnni. Ég legg
líka áherslu á það í fermingar-
fræðslunni að það sé mjög
mikilvægt fyrir okkur að eiga
heilbrigða trú. Ég líki stundum
fermingarfræðslunni við það
að fara í langa fjallgöngu um
hálendið, þar sem við þurfum
að bera allar okkar nauðsynjar
á bakinu. Þá getur verið
lífsnauðsynlegt að hafa réttan
útbúnað og farangur, en
freistast ekki til að fylla bak-
pokann af einhverjum óþarfa.
Fermingarfræðslan er það sem
getur hjálpað okkur í gegnum
gönguferð lífsins, þar mundi ég
setja bænina, trúna og kær-
leikann, gullnu regluna, og
fleira í þeim dúr. Þetta eru bara
svo nauðsynlegir hlutir fyrir
framtíðina til að eiga heilbrigt
og gott líf. En börnin eru
jákvæð gagnvart trúnni. Ég
held að þessi kjarni kristninnar
lifi oft lengur í sveitunum en
annars staðar. Menn eru í
nánari tengslum við höfuð-
skepnurnar, líf og dauða og
tilgang lífsins, og skilningur á
því hvernig trúin styður við
lífið er þar virkari.“
Finnst þér vera mikill munur á
fermingunni núna og þegar þú
fermdist?
„Í kjarna sínum er hún óbreytt,
en framkvæmdin er önnur. Það
koma miklu fleiri núna að
undirbúningnum með prest-
unum en áður var. Í stórum
sóknum er starfslið fermingar-
fræðara, og almennt er miklu
meira reynt að ná persónu-
legum tengslum við fermingar-
börnin. Um tíma var mikið lagt
upp úr því að prófa börnin í lok
fræðslunnar, og ég gerði það
fyrstu árin, en núna tek ég
börnin í einstaklingsviðtöl þar
sem ég ræði við eitt og eitt barn
um trúna og lífið og trúna, á
þessum nótum sem ég nefndi
Iðunn Eik Sverrisdóttir
Fermist í kirkjunni heima
Iðunn Eik Sverrisdóttir býr á Auðkúlu III í
Húnavatnshreppi. Foreldrar hennar eru Sverrir Þór
Sverrisson og Margrét Anna Jóhannsdóttir. Iðunn
Eik verður fermd í Auðkúlukirkju af sr. Sveinbirni R.
Einarssyni á skírdag, þann 29. mars.
Hvers vegna valdir þú að fermast? -Til að staðfesta skírnina og því að
flestir aðrir gera það.
Hefur þú velt trúmálum mikið fyrir þér?
-Nei, ekki fyrr en við byrjuðum í ferm-
ingarfræðslunni.
Hvernig hefur fermingarundirbúningnum
verið háttað? -Það er búið að ákveða
litaþema, panta veislusal og kaupa
fermingarföt.
Hvar verður veislan haldin? -Veislan
verður haldin í Dalsmynni í Svínadal.
Er búið að ákveða hvað verður á mat-
seðlinum? -Já, pottréttur og kjúklingur
ásamt meðlæti. Í eftirrétt verða kökur og
kaffi.
Er búið að ákveða fermingarfötin? -Já,
jakki, skyrta og buxur.
Hver er óska fermingargjöfin? -Tölva.
Fermingin mín
Einar Pétursson
Langar helst í úr
í fermingargjöf
Einar Pétursson býr í Brekkukoti í Húnavatnshreppi.
Hann fermist í Þingeyrakirkju hjá sr. Sveinbirni R.
Einarssyni þann 31. mars. Foreldrar hans eru Pétur Snær
Sæmundsson og Magdalena M. Einarsdóttir.
Hvers vegna valdir þú að fermast?
-Til að staðfesta skírn mína og til að
staðfesta trú mína á Guð.
Hefur þú velt trúmálum mikið fyrir
þér? -Nei, ekki mikið en það hefur þó
aukist með fermingarfræðslunni.
Hvernig hefur fermingarundirbún-
ingnum verið háttað? -Ég er búinn
að vera í fermingarfræðslu einu sinni
í viku en þá kemur sr. Sveinbjörn R.
Einarsson í skólann minn og kennir
mér. Það er einnig búið að senda
út boðskortin, velja fermingarkerti og
kaupa eitthvað inn fyrir veisluna.
Hvar verður veislan haldin? -Veislan
verður haldin í Félagsheimilinu á Blönduósi.
Er búið að ákveða hvað verður á matseðlinum? -Já, lambalæri,
bayonneskinka og meðlæti. Í eftirmat verða tertur og kaffi.
Er búið að ákveða fermingarfötin? -Já, jakkafatabuxur, vesti, skyrta og
bindi.
Hver er óska fermingargjöfin? -Engin sérstök en ég get þó nefnt úr.
hér áðan. Og geng um leið úr
skugga um hvað þau kunna í
utanbókarlærdómi.
Svo eru fermingarbörnin
orðin miklu virkari þátttak-
endur í kirkjustarfinu heldur en
var. Þegar ég var að fara með
börnin í fermingarbarna-
ferðalag fyrstu árin, þá vorum
við eina nótt á Löngumýri, og
það var yfirleitt í fyrsta sinn
sem börnin voru yfir nótt að
heiman. Það gat verið erfitt
fyrir einstaka börn. Þetta er
gjörbreytt og lítið mál að gista
fimm nætur í Vatnaskógi, því
þau eru búin að fara í íþrótta-
ferðalög og í skólabúðir á
Reykjum og fleira þess háttar.
Þau eru líka orðin þjálfuð í að
koma fram á skólaskemmtun-
um og víðar, þannig að það er
hægt að virkja þau mikið meira
en áður til þátttöku í messun-
um, aðventuhátíðum og jafnvel
í fermingunni sjálfri. Þannig
eru þau orðin lærisveinar, sem
bera út fagnaðarerindið á sinn
hátt. Það er mjög jákvætt,“ segir
Guðni Þór að lokum.
Melstaðarkirkja í Miðfirði. MYND AF NETINU