Feykir - 14.03.2018, Blaðsíða 26
26 11/2018
Pönnufiskur og pæ á eftir
Það eru þau Sigurveig
Sigurðardóttir og Sigmar
Guðni Valberg á Stóru-Giljá í
Húnavatnshreppi sem gefa
okkur uppskriftir að þessu
sinni. Sigurveig starfar sem
íþróttakennari í Húnavalla-
skóla og Sigmar er rafvirki hjá
Tengli en auk þess reka þau
ferðaþjónustu á Stóru-Giljá.
Saman eiga þau þrjú börn sem
öll sækja nám við leikskólann
Vallaból. „Fyrir valinu varð
pönnufiskur og eplapæ, hvoru
tveggja auðveldir en verulega
bragðgóðir réttir,“ segja þau.
AÐALRÉTTUR
Pönnufiskur
(handa fjórum)
½ blaðlaukur
1 paprika
1½ msk matarolía
1 dl vatn
1 dl matreiðslurjómi
100 g rjómaostur
1½ kubbur nautakjötskraftur
1 tsk salt
1 tsk karrí
½ tsk pipar
½ tsk paprikuduft
800 g ýsuflök
Aðferð: Blaðlaukur og paprika
skorin í bita og steikt í olíu á
pönnu. Hellið vatninu og rjóm-
anum á pönnuna og leysið
rjómaostinn upp í vökvanum.
Bætið nautakjötskraftinum út í og
hrærið öllu saman. Blandið
saltinu, karríinu, piparnum og
paprikuduftinu saman í skál.
UMSJÓN
frida@feykir.is
Hreinsið fiskinn, skerið niður
í sneiðar og setjið á pönnuna ofan
í sósuna og dreifið krydd-
blöndunni yfir. Setjið lok á
pönnuna og látið suðuna koma
upp og leyfið pönnunni að standa
á heitri hellunni stutta stund eða
þar til ýsan er soðin.
Borið fram á pönnunni með
soðnum hrísgrjónum, kartöflum
og snittubrauði.
EFTIRRÉTTUR
Eplapæ
4 epli
200 g smjör
200 g sykur
200 g hveiti
suðusúkkulaði
Aðferð: Mót smurt með smjöri.
Epli skorin niður í smáa bita.
Smjör, sykur og hveiti hnoðað og
sett yfir eplin. Toppað með kanil-
sykri og smátt skornu suðu-
súkkulaði. Bakað á blæstri á
180°C í 45 mínútur.
Borið fram með ís.
Verði ykkur að góðu.
- - - - -
Við skorum á Árnýju Björk
Brynjólfsdóttir og Agnar Loga
Eiríksson.
„Já ég myndi vilja láta ferma mig.
Finnst gott að trúa á guð og þann
kærleika sem hann boðar.
Mér hefur alltaf liðið vel í kirkju,
alltaf fundið ró og frið þegar
ég sæki kirkju.“
Ingibjörg Gunnarsdóttir
„Jamm, fyrir aurinn. Það yrði
af óbreyttri ástæðu frá því ég
blánkur lét ferma mig síðast.“
Hallmundur Guðmundsson
„Já, ég myndi velja að fermast.
Á unglingsárunum hugsaði ég
reyndar ekki mikið um trúmál,
en fannst sú tilhugsun notaleg
að eiga kannski eitthvert almætti
að „ef á þyrfti að halda“, án
þess að ég hefði skýra mynd af
hvernig það virkaði. Nú er ég
harðfullorðin og „hef marga
fjöruna sopið“´á lífsleiðinni. Í
gegn um það allt hef ég kynnst
mætti bænarinnar og fundið
öryggi og styrk í trúnni. Nú veit
ég að „hún virkar“.“
Ingunn Ásdís Sigurðardóttir
„Nei, ég myndi ekki fermast,
einfaldlega vegna þess að ég trúi
ekki á guð, Jesúm eða Biblíuna.
Hins vegar getur maður alveg átt
sér einhverja trú í hjarta sínu sem
tengist guði ekki neitt.“
Vignir Kjartansson
Feykir spyr...
Ef þú þyrftir
að velja í dag,
myndir þú láta
ferma þig og af
hverju?
Spurt á Facebook
UMSJÓN palli@feykir.is
Sigurveig og Sigmar í dulargervi. MYND: ÚR EINKASAFNI
MATGÆÐINGAR VIKUNNAR
Sigurveig og Sigmar á Stóru-Giljá
SVÖR VIÐ VÍSNAGÁTU OG LÍKAMSRÆKT FEYKIS: Færi
Tilvitnun vikunnar
„Það er lögmál kærleikans sem stjórnar mannkyninu. Hefði ofbeldið,
hatrið, stjórnað okkur hefðum við dáið út fyrir löngu. Harmleikurinn
er þó að svokallað siðmenntað fólk og þjóðir hegða sér eins og
grundvöllur þjóðfélagsins væri ofbeldi.“ – Mahatma Gandhi
Sudoku
Ótrúlegt – en kannski satt..
Orðið ferming hjá íslensku þjóðkirkjunni merkir að staðfesta.
Fermingarbarnið segir á fermingardeginum að það vilji hafa
Jesú Krist að leiðtoga lífsins allt til enda veraldar. Ótrúlegt, og
alveg satt, þá eru krakkar sem ekki hafa verið skírðir þegar
fermingarfræðslan hefst, oftast skírðir á undirbúningstímanum
eða á fermingardeginum sjálfum.
Vísnagátur Sigurkarls Stefánssonar
Finna skal út eitt orð
úr línunum fjórum.
Ekki er af mér að missa sælt.
Margan golþorsk hef ég tælt.
Héðan að bráð í metrum mælt.
Mjög á sléttum svellum hælt.
FEYKIFÍN AFÞREYING