Feykir - 14.03.2018, Blaðsíða 9
11/2018 9
Framrúðuviðgerðir / framrúðuskipti
Tjónaviðgerðir/ smurstöð
G. Ingimarsson ehf.
Sauðármýri 1 550 Sauðárkróki
S: 899 0902 / 864 0992
Baldur Ingi Haraldsson frá
Brautarholti í Skagafirði fékk
áskorun frá Bryndísi Rut, systur
sinni, um að svara spurningum
í Liðið mitt hér á Feyki. Baldur,
sem býr á Sauðárkróki, er
búfræðingur að mennt og
vinnur á loðdýrabúinu á Syðra-
Skörðugili. Eins undarlegt
og það hljómar þá er Fulham
uppáhalds liðið hans í enska
boltanum. Og af því að þessi
þáttur birtist í fermingarblaði
Feykis, var nokkrum vel völdum
fermingarspurningum laumað
með.
Uppáhaldsliðið mitt í enska
boltanum er Fulham. Ég hef
verið í kringum 9-10 ára aldurinn
og var ekki viss um hvaða lið
væri mitt uppáhalds lið. Ég var
síðan að horfa á leik Fulham –
Manchester United árið 2003 í
samantektarþætti á vegum RUV
í þá tíð og varð svo heillaður
af spilamennsku Fulham sem
vann þennan leik. Ég mundi eftir
marki frá Louis Saha í þeim leik
og búningum Fulham, sem voru
merktir Pizza Hut, eftir það ákvað
ég að halda með þeim.
Hvernig spáir þú gengi liðsins
á tímabilinu? -Þeir eru þessa
stundina að spila í næst efstu
deild Englands og ég spái þeim
farmiða upp í deild þeirra bestu
eftir nokkurra ára fjarveru.
Hvað er eftirminnilegast frá
fermingardeginum þínum? -Það
sem er eftirminnilegast er að ég
fermdist ári á undan jafnöldrum
mínum þar sem ég fermdist með
bróður mínum.
Ertu sáttur við stöðu liðsins
í dag? -Mjög svo, erum í 4.
sæti, einungis átta stigum frá
toppsætinu. Erum komnir með
aðra löppina í umspili B-deild-
arinnar og miðað við hvernig
liðið hefur spilað undanfarið þá
erum við að fara upp. Það er
spurning hvort við náum samt
að tryggja okkur öruggt sæti upp
áður en deildin er búin og sleppa
umspilinu. Það eru einungis tíu
leikir eftir og tölfræðin er góð,
höfum ekki tapað 14 leiki í röð
og Craven Cottage er svakaleg
gryfja þessa stundina þar sem
við höfum unnið níu leiki í röð á
heimavelli.
Hefur þú einhvern tímann lent í
deilum vegna aðdáunar þinnar
á umræddu liði? -Það gerist
mjög reglulega og þar sem maður
er aðeins öðruvísi en flestir með
lið þá á maður það til að vera
auðvelt skotmark. Fæ reglulega
spurninguna: Af hverju heldurðu
með Fulham?
Það er erfitt að útskýra það, þar
sem ég ákvað það bara sem
krakki og hef haldið mig við það.
Hefur þú sótt kirkju eftir að þú
fermdist? -Ég geri það þegar
þess er þörf, sótti aðeins messur
Baldur Ingi Haraldsson / Fulham
Myndi fermast
enda kominn af
trúaðri fjölskyldu
( LIÐIÐ MITT ) palli@nyprent.is
Baldur í bestu stuðningsmannatreyjunni.
MYND AÐSEND
fyrstu árin eftir fermingu en
núna fer ég bara í kirkju vegna
viðburða.
Hver er uppáhaldsleikmaður-
inn fyrr og síðar? -Uppáhalds-
leikmaður minn allra tíma er
Diego Costa. Ég elska hann sem
leikmann og það er mikil synd að
sá leikmaður sé farin úr ensku
úrvalsdeildinni. Hins vegar eru
margir leikmenn sem eru í miklu
uppáhaldi sem hafa verið hjá
Fulham síðustu 15 ár en Diego
Costa er bara svo mikill kóngur.
Hefur þú farið á leik með liðinu
þínu? - Ekki ennþá, stefni á að
fara á leik hjá þeim á næsta
tímabili ef þeir fara upp.
Áttu einhvern hlut sem tengist
liðinu? -Ég á trefil og tvær treyjur,
önnur merkt Bobby Zamora og
hin Dimitar Berbatov.
Ef þú stæðir frammi fyrir því í
dag að þurfa að taka ákvörðun
um að fermast eða ekki, hvað
myndir þú gera? -Já, ég myndi
fermast, ég kem af trúaðri
fjölskyldu.
Hvernig gengur að ala aðra
fjölskyldumeðlimi upp í
stuðningi við liðið? -Ég tók þá
ákvörðun með dóttur mína að
ég ætla ekki að leggja á hana að
halda með Fulham. Hún er mjög
hrifin af bláum lit og ég leyfði
henni að velja treyju fyrir stuttu
og hún valdi Chelsea búning og
ég styð það vel og vona að hún
haldi sig við það lið í framtíðinni.
Hefur þú einhvern tímann
skipt um uppáhalds félag?
-Þegar ég var ungur krakki var
verið að reyna að ala mig upp í
Manchester United treyju annars
vegar og Liverpool treyju hins
vegar af bræðrum mínum en
ég tók sjálfstæða ákvörðun um
það að velja mitt lið og það varð
Fulham á endanum.
Uppáhalds málsháttur? -Flest
er hey í harðindum.
Ef þú mættir velja þér
fermingargjöf í dag hver yrði
hún? -Þar sem ég væri einungis
14 ára og ætti því ekki hlutina
sem ég á í dag myndi ég vilja
playstation 4 eða fartölvu.
Einhver góð saga úr boltanum?
-Pabbi rifjar það reglulega upp
við fjölskylduna þegar hann
mætti á leik sem ég var að spila
sem krakki. Ég tók aukaspyrnu
rétt framan við miðju, samkvæmt
föður mínum sleikti boltinn
slána og inn og upp hófust mikil
hróp og köll. Þjálfarinn trylltist
á hliðarlínunni og fór að knúsa
fólkið í kringum sig.
Einhver góður hrekkur sem þú
hefur framkvæmt eða orðið
fyrir? -Þeir eru margir og flestir
óviðeigandi til lestrar. Hef einu
sinni lent í hrekk í útvarpi þar
sem Svali og félagar ákváðu að
gera símahrekk og þykjast vera
faðir stelpu sem ég var að hitta,
það var óþægilegt símtal.
Spurning frá Bryndísi Rut: -Af
hverju hættirðu með Fantasy-
baddan á snappinu? -Það er
einfalt svar, frægðin var of mikil
og ég höndlaði það ekki.
Hvern myndir þú vilja sjá svara
þessum spurningum? -Óðals-
bóndann, Aron Pétursson.
Hvaða spurningu viltu lauma að
viðkomandi? -Hverjir heldurðu
að vinni Meistaradeild Evrópu?