Gríma - 01.09.1934, Síða 11

9
FRÁ ERLENDI HELGASYNI
2.
Frá Eriendi Helgasyni.
(Eftir liandr. Hannesar Ó. M. Berglands. — Sögn Jóns
Jónssonar blinda frá Mýlaugsstöðum 1907).
Um 1820 og árin þar á eftir kom á hverju sumri
sunnan Sprengisand maður, sem Erlendur hét,
Helgason. Átti svo að heita, að hann kæmi í kaupa-
vinnu, en það var víst meira í orði en á borði, því
að maðurinn var þungur til vinnu, en kaupgjald um
þær mundir lágt, þótt um sláttinn væri. Það var
annað erindi, sem Erlendur átti í Norðurland. Það
var venja hans að koma með fjóra hesta norður;
hafði hann tvo til reiðar; á einum reiddi hann tjald,
nesti og klæðnað, en á einum leðurbelgi stóra. Á
þeim árum var sigling lítil og stopul nyrðra og
skortur á ýmsu smávegis, sem kvenfólkið þarf á
að halda. Erlendur bætti vel úr þeirri þörf, því að
belgir hans voru jafnan troðfullir, þegar hann kom
að sunnan; hafði hann indigó, fingurbjargir, skæri,
tvinna og annan smá-varning til sölu, en tók pen-
inga eða smjör fyrir. Var hann vel kynntur og þó
sérstaklega í vinskap við Jón Jónsson Halldórsson-
ar, bónda á Mýri í Bárðardal, og Tómas Jónsson
bónda á Kálfaströnd við Mývatn.
Svo bar við um fráfærnaleytið 1828, að Jón bóndi
á Mýri var úti staddur um náttmálabil. Vetur haföi
verið harður og vorið kalt, enda var töluverður
snjór í fjöllum og á afréttum. Síðustu vikuna hafði
verið þiðvindi af suðri og hagstætt veður, svo að
leysing var mikil og flestar ár illfærar. Skammt