Bændablaðið - 06.10.2016, Qupperneq 29

29Bændablaðið | Fimmtudagur 6. október 2016
fyrir í dag. Fá fleiri til að vinna
undir okkar merkjum. Við ætlum
ekki að fara að reka bílaleigur eða
gistiheimili í höfuðborginni. Við
horfum fyrst og fremst á að nýta
okkur þjónustu ferðaþjónustu-
fyrirtækja sem eru með aðsetur á
landsbyggðinni.
Auðvitað hefur ýmislegt breyst
í tímans rás. Það er nú ekkert svo
ýkja langt síðan að félagar okkar
voru eingöngu þeir sem voru ábú-
endur á lögbýlum. Það breyttist
síðan með kynslóðaskiptum og
býlin fóru að brotna upp. Þá hélt
kannski eitt barnið áfram með
ferðaþjónustuna á lögbýlinu.
Annað keypti svo landskika út úr
jörðinni og stofnaði þar ferðaþjón-
ustu líka án þess að vera ábúandi
á lögbýlinu. Þá kom upp spurn-
ingin, átti að fara að reka þann úr
Ferðaþjónustu bænda af því að
hann bjó ekki lengur á lögbýli?
Vegna þessa var forminu breytt
og kvöðin um að búa á lögbýli
var tekin út.“
Náin eigendatengsl við
landsbyggðina
„Dreifbýlið og landsbyggðin
er áfram okkar markhópur. Þá
komum við inn á þessar rætur
sem tengjast Félagi ferðaþjón-
ustubænda sem er stærsti einstaki
eigandinn í ferðaskrifstofunni.
Hugmyndin var að félagið hefði
þannig aðkomu að rekstrinum og
þeir félagar í Félagi ferðaþjón-
ustubænda, sem væru ekki bein-
ir hluthafar í ferðaskrifstofunni,
yrðu hluthafar í gegnum félags-
aðildina.“
Sævar segir að 23% hlutur
sé þannig í eigu Félags ferða-
þjónustubænda. Aðrir hlutir í
félaginu séu í beinni eigu ferða-
þjónustubænda, afkomenda þeirra
eða jafnvel í einhverjum tilfellum
í eigu dánarbúa.
„Í fyrra fórum við í að endur-
nýja hluthafahópinn þar sem fyr-
irtækið átti ákveðinn fjölda hluta-
bréfa í sjálfu sér. Var þeim ferða-
þjónustubændum sem ekki voru
hluthafar boðið að kaupa þessi
bréf. Þetta gekk vel og munum
við endurtaka leikinn í kringum
næstu áramót. Þá keyptum við líka
inn bréf frá aðilum sem voru löngu
hættir í ferðaþjónustu og vildu
losna út og höfum selt þá hluti
áfram. Með þessu var bara verið
að færa eignarhluti til án þess þó
að auka hlutaféð. Í dag eru um 170
ferðaþjónustuaðilar með marg-
breytilega þjónustu beintengdir
okkur víða um land. Við getum
því boðið viðskiptavinum okkar
upp á fjölbreytta möguleika.
Sérstaðan í okkar starfsemi
er einmitt þetta eignarhald sem
tengist landsbyggðinni. Með þeim
breytingum sem nú er verið að
gera ætlum við að fá okkar félaga
til að flagga okkar nýja vörumerki
enn meira en gamla merkinu var
flaggað og aðlaga sig að breyttum
heimi. Gera sig um leið sýnilegri
á nútímamiðlum þar sem gamla
nafnið okkar var svolítill Þrándur
í götu.“
Sævar segir að með aukinni
sókn undir nýju nafni Hey Iceland
sé ætlunin að ná til breiðari mark-
hóps á þeim vettvangi.
Uppsveiflan getur ekki gengið
endalaust
Nú hefur aukningin í komu
erlendra ferðamanna til Íslands
verið hreint með ólíkindum og
framar björtustu vonum. Óttist þið
ekkert að það geti komið bakslag
í þessa þróun?
„Jú, eða eins og gamli mað-
urinn sagði, allt sem fer upp
kemur aftur niður. Þetta getur
ekki gengið svona endalaust, það
verður samdráttur. Vöxturinn er
vissulega áhyggjuefni þótt hann
sé í aðra röndina mjög jákvæður.
Hann hefur myndað álag bæði á
landið og á þá bændur sem eru
að reyna að sinna vaxandi fjölda
ferðamanna. Þeir sem búa við
fjölmennustu ferðamannaleiðirn-
ar verða oft fyrir miklum ágangi
sem erfitt getur verið að sætta sig
við. Það er því alveg ljóst að það
þarf að taka upp meiri stjórn á
flæðinu. Svona stjórnlaust flæði
ferðamanna gengur ekki upp.
Þarna þurfa bæði stjórnvöld og
hagsmunaaðilar að taka saman
höndum.“
Reikna þarf út þolmörk
ákveðinna svæða
„Ég sé ekkert neikvætt við það
að menn fari að reyna að finna
út þolmörk ákveðinna svæða og
stýra umferðinni í samræmi við
það. Öðruvísi fer þessi mikli fjöldi
að skerða upplifun ferðamanna á
ákveðnum stöðum á meðan önnur
landsvæði geta hæglega tekið við
fleirum. Hluti af viðleitninni til að
dreifa ferðamönnum er uppbygging
hjá ferðaþjónustubændum um allt
land. Það þarf líka að byggja upp
afþreyingu víðar en gert er í dag
og með markvissari hætti. Það eru
þeir seglar sem ferðamenn laðast að.
Við þurfum þó líka að efla innviðina
á fjölförnustu stöðunum, því við
meinum fólki auðvitað ekkert að
fara að skoða Gullfoss og Geysi.
Með því að byggja upp aðdráttarafl
á fleiri stöðum ætti fjöldinn þó að
færast sjálfkrafa til, en það er lang-
tíma verkefni.“
Rétti tíminn til að
greiða niður skuldir
„Ég hef talað mikið fyrir því að þótt
nú sé tími uppbyggingar, þá sé líka
rétti tíminn til að búa í haginn. Menn
eiga að nýta þessa miklu uppsveiflu
til að fara í gegnum sinn rekstur og
greiða niður skuldir. Þeir sem standa
vel geta vissulega byggt upp, en
þeir sem eru mikið skuldsettir eiga
að nota þennan uppgangstíma til að
koma sér vel fyrir.“
Sævar segir að þótt nýtingin á
gistirými hafa aukist mjög mikið
í heildina, þá sé dreifing ferða-
manna yfir landið enn mjög mis-
skipt. Fyrirtækið hafi þó markvisst
verið að benda ferðamönnum á
áhugaverða staði utan þéttsetnustu
svæðanna.
„Það eru margir jákvæðir þættir
sem hafa ýtt undir þessa öru fjölg-
un ferðamanna. Lágt eldsneytis-
verð hefur þar haft mikið að segja.
Þá hafa heilu svæðin úti í heimi
verið að lokast fyrir ferðamönn-
um. Á meðan vaxtastig er lágt í
Evrópu er fólk ekki að safna pen-
ingum, heldur notar spariféð m.a.
til að ferðast. Um leið og einhvers
staðar fer að kreppa að dregur fólk
svo aftur að sér hendur. Í Evrópu
eru t.d. margir óvissuþættir eins
og varðandi það hvað verður um
Bretland utan ESB.“
Ekki á vísan að róa
„Meðan krónan var veik var Ísland
ódýrt ferðamannaland, en nú er
það að breytast með styrkingu
krónunnar. Með frekari styrk-
ingu verður enn dýrara að koma
til Íslands. Þótt ytri aðstæður hafi
verið góðar, þá er þar alls ekki á
vísan að róa. Grundvallaratriðið
fyrir okkar félagsmenn núna er
að fara yfir stöðuna. Skoða hvar
hægt sé að greiða niður skuldir
og skoða hvernig megi hagræða
til að eiga til mögru áranna þegar
þau koma. Þessi hugsun fleytti
Ferðaþjónustu bænda í gegnum
kreppuna. Við höfðum verið
skynsöm og stóðum því vel þegar
hrunið skall á.“
Svo með andlitslyftingu og nýju
merki, þá geta menn treyst því
að þið farið ekki að reisa nýjan
hótelturn í Reykjavík, eða hvað?
„Það er af og frá að við förum
í einhverjar slíkar æfingar.
Markmiðið með nýju vörumerki
og nýjum markaðsáherslum er að
skerpa á sérstöðu okkar og fram-
tíðarsýn,“ segir Sævar Skaptason.
/HKr.
Hluti af vetrarverkunum
Akureyri s. 440 1420 • Grindavík s. 426 8290 • Höfn s. 478 1940 • Ísafjörður s. 456 3574
• Húsavík s. 440 1448
• Blönduós s. 467 1010Klettagarðar s. 440 1330 • Ólafsvík s. 436 1581 • Patreksfjörður s. 456 1245
Reyðarfjörður s. 474 1293 • Reykjanesbær s. 421 4980 • Vestmannaeyjar s. 481 1127
www.n1.is facebook.com/enneinn
Vatteraður með cordura efni á álagsflötum.
Rennilásar á skálmum. Hettu má renna af.
Stærðir: XS-5XL
Litir: gulur/appelsínugulur
Vnr. 9616 K2 2009
K2 Kuldagalli
K2 Kuldabuxur með smekk og axlaböndum.
Vatteraðar.
Stærðir: S-4XL
Litur: grár/svartur
Vnr. 9616 K2 2006K
K2 Kuldabuxur
Lambhúshetta úr flísefni, fóðruð með bómull.
Ein stærð.
Vnr. A421 2
Lambhúshetta
Showa hanskar, latexdýfður, fóðraður
vetrarhanski.
Vnr. A414 691777*
SHOWA hanskar thermo grip
Prjónaðir vinnuvettlingar, þykkir. Ull/nylon.
Vnr. A108 VV101
Vinnuvettlingar
K2 Kuldajakki, vatteraður með hettu sem
hægt er að smella af.
Stærðir: S-4XL
Litur: grár/svartur
Vnr. 9616 K2 2005
K2 Kuldajakki
Kuldabuxur með smekk og axlaböndum
Vatterað.
Stærðir: XS-5XL
Litur: gulur/appelsínugulur
Vnr. 9616 K2 BX6023
K2 Kuldabuxur með smekk
Vatteraður með cordura efni á álagsflötum.
Rennilásar á skálmum. Hettu má renna af.
Stærðir: XS-5XL
Litur: grár/svartur
Vnr. 9616 K2 2001
Kuldagalli
Kuldajakki, vatteraður með hettu sem hægt
er að smella af.
Stærðir: S-4XL
Litur: gulur/appelsínugulur
Vnr. 9616 K2 2005
K2 Kuldajakki
Vertu klár í kuldann!