Bændablaðið - 11.01.2018, Page 2

2 Bændablaðið | Fimmtudagur 11. janúar 2018
Landbúnaðar- og sjávarútvegs-
ráðherra segir fjárveitinguna
í aukafjárlögum til að
mæta markaðserfiðleikum
sauðfjárframleiðenda einskiptis-
aðgerð og ekki standi til að veita
meira fé til aðgerða til að mæta
vanda greinarinnar.
Kristján Þór Júlíusson,
landbúnaðar- og sjávarútvegs-
ráðherra, sagði í samtali við
Bændablaðið að fjárveitingin í
aukafjárlögum til að mæta vanda
sauðfjárframleiðenda sé hugsuð sem
eins tíma aðgerð og ekki standi til að
leggja meira fé til greinarinnar vegna
þess.
„Aftur á móti verður að endurskoða
búvörusamningana og fara vel yfir
stöðu og framtíð greinarinnar þar.“
Unnið að endurreisn greinarinnar
Í fjáraukalögum var samþykkt á
Alþingi að verja 665 milljónum
króna til að bregðast við
markaðserfiðleikum sem steðjað
hafa að sauðfjárframleiðslu á
yfirstandandi ári samanber áform
ríkisstjórnarinnar eins og þau
birtast í stjórnarsáttmálanum.
Fjárhæðinni verður varið til
þess að mæta afkomuhruni og
vinna að endurreisn afkomu
greinarinnar. Forystumenn bænda
lýsa yfir ánægju með að búið sé að
afgreiða fjáraukalögin og vona að
sauðfjárbændur verði sáttir við þá
niðurstöðu sem liggur fyrir.
Bændur ánægðir með að málið
sé loksins í höfn
Í frétt á vef Bændablaðsins, bbl.
is, milli jóla og nýárs sagðist
Sindri Sigurgeirsson, formaður
Bændasamtakanna, meðal annars
vera ánægður að búið sé að
afgreiða fjáraukalög. –„Við hjá
Bændasamtökunum lýsum ánægju
yfir því að þetta mál sé loksins í
höfn. Það að verja 550 milljónum
króna í stuðning beint til bænda
og 115 milljónum að auki til að
styrkja undirstöður greinarinnar
er viðurkenning á alvarlegri stöðu
hennar. Það ber að þakka fyrir
slíkar aðgerðir.“
Af sama tilefni sagði Oddný
Steina Valsdóttir, formaður
Landssamtaka sauðfjárbænda, að
breytingarnar sem gerðar voru á
tillögum ríkisstjórnarinnar vegna
rekstrarvanda sauðfjárræktarinnar
væru til bóta.
„Aðdragandi úthlutunarinnar
er ekki langur enda stutt síðan
ríkisstjórnin tók til starfa. Eflaust
eru einhverjir sem líta svo á að
ganga hefði mátt lengra í breytingu
en ég vona að menn sætti sig við
þessa lendingu.“ /VH
Á nýliðnu ári barst Matvæla-
stofnun ósk í fjórum liðum um
aðgang að gögnum varðandi
tiltekið svínabú á Vesturlandi.
Stofnunin veitti aðgang að gögnum
varðandi fyrstu þrjá töluliðina en
taldi sér óheimilt að veita aðgang
skv. fjórða liðnum. Þar var óskað
eftir upplýsingum um fjölda grísa
sem slátrað var á búinu árið 2016.
Byggðist synjun Matvæla-
stofnunar á því að um væri að ræða
mikilvæga viðskiptahagsmuni
svínabúsins sem stofnuninni væri
óheimilt að greina frá.
Synjun Matvælastofnunar var
kærð til úrskurðarnefndar um
upplýsingamál og féll úrskurður
nýlega. Þar kemur fram að
stofnuninni sé skylt að veita aðgang
að umræddum gögnum. Byggist það
m.a. á því að það fyrirtæki sem í hlut
á rekur a.m.k. fjögur önnur svínabú
til viðbótar umræddu svínabúi á
Vesturlandi. Þá séu upplýsingar
um stærð búsins á almannavitorði
m.a. út af fyrri dómsmálum. Birting
upplýsinganna geti því ekki skaðað
samkeppnisstöðu fyrirtækisins að
dómi úrskurðarnefndarinnar. /VH
Skylt að upplýsa um
fjölda sláturgrísa
Kosið verður um sameiningu
Fjarðabyggðar og Breiðdals-
hrepps laugardaginn 24. mars
næstkomandi.
Sameiningarviðræðurnar hófust
í byrjun nóvember. Fundað var
með ráðuneyti sveitarstjórnarmála
og fulltrúum stofnana sem að
málinu koma og þau svör sem þar
fengust voru jákvæð. Hreppsnefnd
Breiðdalshrepps hefur þegar
fundað um málið og bæjarstjórn
Fjarðabyggðar tekur málið fyrir
í dag, fimmtudag. Síðari fundir
sveitarstjórnanna verða síðan í
næstu viku.
Að lokinni umfjöllun
sveitarstjórnanna tekur við tveggja
mánaða kynningartímabil.
Alvarleg staða sauðfjárbænda viðurkennd með fjárveitingu á aukafjárlög:
Einsskiptisaðgerð sem ætlað er að bregðast
við vanda sauðfjárframleiðenda
Sigurður Eyþórsson, fram-
kvæmdastjóri Bænda samtaka
Íslands, segir að framlög til
land búnaðarins í fjárlögum
byggist að uppistöðunni til á
búvörusamningum. Framlag úr
ríkissjóði til landbúnaðarins er
rúmir 16 milljarðar, eða 1,9% af
heildarútgjöldum.
„Það er því ekkert sem kemur á
óvart hvað viðkemur landbúnaðinum
í fjárlagafrumvarpinu. Í búvöru-
samningnum eru ákvæði um að
framlög til landbúnaðarins fylgi
almennu verðlagi og skýrt hvernig
slíkt er framkvæmt.
Að öðru leyti er bætt aðeins við
framlög til landbúnaðarháskólanna
á Hvanneyri og Hólum sem er
jákvætt.
Eitt sem er gagnrýnivert er að
í fjárlögunum
eru skorin
niður framlög
til matvæla-
rannsókna hjá
Matís. Slíkt
getur bitnað á
rannsóknum
Matís og
þ a r m e ð
matvælaöryggi
í landinu, hvort
sem um er að
ræða innlend eða
innflutt matvæli.
Að mínu
viti er slíkt ekki
skynsamlegt ,
ekki síst ef við
erum að fá yfir okkur mikið magn
af ófrosnu innfluttu kjöti.“ /VH
Fjarðabyggð og Breiðdalshr.:
Kosið í mars um
sameiningu
FRÉTTIR
Sigurður Eyþórsson, framkvæmdastjóri Bændasamtaka Íslands.
Kristján Þór Júlíusson, sjávarútvegs-
og landbúnaðarráðherra.
Sjávarútvegs- og landbúnaðar-
ráðherra, Kristján Þór Júlíusson,
hefur ákveðið að endurskipa
samráðshóp um endurskoðun
búvörusamninga. Hópurinn á að
ljúka störfum í lok árs 2018.
Að sögn Kristjáns Þórs segir
ástæðu þess að hann hafi ákveðið að
endurskipa samráðshópinn einfalda.
„Það er komin ný ríkisstjórn
og ákvæði í stjórnarsáttmálanum
sem nauðsynlegt er að komi
fram í og við störf nefndarinnar.
Í upphafi var ætlunin, þegar til
vinnunnar var stofnað við frágang
búvörusamninganna, að um
fámennari starfshóp yrði að ræða
en raun var orðin á. Það er ekkert
óeðlilegt við að ríkisstjórnaskiptum
fylgi áherslubreytingar.“
Kristján Þór segir að ekki sé
búið að ákveða neitt með skipan í
samráðshópinn enn sem komið er.
„Ráðuneytið mun á næstu dögum
leita eftir óskum um tilnefningar og
skipa í hópinn eftir það.“
Rokkandi samráðshópur
Upphaflega var lagt upp með
að skipaður yrði sjö manna
samráðshópur en í tíð tveggja síðustu
ríkisstjórna hefur fulltrúum fjölgað
í þrettán. Nú hefur verið ákveðið að
fækka þeim að nýju og verður óskað
eftir nýjum tilnefningum á næstu
dögum. Tryggt verður að störf hópsins
endurspegli áform búvörulaga um
„aðkomu afurðastöðva, atvinnulífs,
bænda, launþega og neytenda að
endurskoðuninni.“
Starfið gekk vel þrátt fyrir
ólíkar skoðanir
Sindri Sigurgeirsson, formaður
Bændasamtaka Íslands, segir að hann
eigi eftir að sjá hvað ráðherra ætlar
sér með því að endurskipa í hópinn.
„Ef ætlunin er að hafa nefndina
sjö manna eins og lagt var upp með í
upphafi tel ég það í góð lagi.“ Sindri
segir að mikill hugmyndafræðilegur
munur hafi verið í hópnum sem
Þorgerður Katrín skipaði en starfið
í honum hafi gengið vel þrátt fyrir
að langt hafi verið í land með að ná
niðurstöðu.
Fjölgað úr sjö í þrettán
Gunnar Bragi Sveinsson, þáverandi
landbúnaðar ráðherra skipaði hópinn
í nóvember 2016. Í upphafi voru sjö í
hópnum sem
ætlað var að skoða
möguleika á endurskoðun búvöru-
samningsins árið 2019.
Eftirmaður Gunnars Braga í
starfi, Þorgerður Katrín Gunnars-
dóttir, endur skipaði í hópinn
og fjölgaði fulltrúum í honum í
þrettán fljótlega eftir að hún tók
við embætti. /VH
Þorgerður Katrín Gunn-
arsdóttir lét það verða
sitt fyrsta verk í embætti
sjávarútvegs- og land-
búnaðarráðherra í
janúar 2017 að stokka
upp í endur skoðunarnefnd búvöru-
samninga sem þá var nýlega skipuð
líkt og eftirmaður hennar gerir nú.
Fækkað og endurskipað í samráðshóp
um búvörusamninga
Fjárlög fyrir 2018:
Framlög til landbúnaðar verða eins og
gert er ráð fyrir í búvörusamningunum
Alls eru 1.023 bú með undir 150
vetrarfóðraðar ær í landinu sem er
nálægt helmingi allra sem uppfylla
skilyrði sauðfjársamnings fyrir
stuðningi, en þeir eru alls 2.038
talsins.
Fjöldi búa, sem eru með færri en
100 vetrarfóðraðar ær, er 845 en 178
bú eru með á bilinu 101–150 kindur.
Greiðslumarkshafar, sem eru með
fleiri en 150 kindur, eru alls 1.015 í
landinu og framleiða bróðurpartinn
af öllu kindakjöti. Þetta kemur fram
í upplýsingum frá atvinnuvega- og
nýsköpunarráðuneytinu og Mast sem
byggðar eru á greiðsluáætlun fyrir
árið 2017 og bústofni árið 2016. Allir
greiðslumarkshafar eru meðtaldir,
óháð því hvort þeir uppfylli skilyrði
greiðslna, en fjáreigendur sem ekki
uppfylla skilyrði fyrir stuðningi eru
ekki meðtaldir.
Þegar heildarfjárfjöldinn er
skoðaður sést að fjöldi kinda á
búum með yfir 150 ær er 385.297.
Fjárfjöldi á þeim ríflega 1.000 búum
sem eru með undir 150 fjár á fóðrum
er 45.380. Bú með yfir 150 ær eru
því með 89,5% vetrarfóðraðra kinda
í landinu. Bú með undir 100 ám eru
með 5,4% fjárfjöldans og bú með
fjölda á bilinu 101–150 eru með
5,1% vetrarfóðraðra kinda á Íslandi
í sínum fjárhúsum. /TB
Helmingur bænda
með undir 150 fjár