Fréttablaðið - 23.05.2020, Blaðsíða 72
Ævintýri er að ganga út á Borgarbrík og njóta óviðjafnanlegs útsýnis.
Þegar komið er til Hríseyjar er gaman að skoða litla þorpið og einnig er um að gera
að hafa sundfötin með sér, því
nýleg sundlaug er í eyjunni með
heitum potti. Vert er að skoða safn
Hákarla-Jörundar sem geymir
marga einstaka muni og segir sögu
hákarla veiða við Íslandsstrendur.
Hrísey er griðland rjúpunnar
og þar má oft sjá stóra hópa þessa
fallega fugls sem virðist hafa orðið
þess áskynja að í Hrísey skjóta
menn ekki fugla. Rjúp urnar eru
því gæfar og kúra saman í húsa-
görðum þegar sá gállinn er á
þeim. Annað fuglalíf í eyjunni
er fjölskrúðugt og lítið fugla-
skoðunarhús hefur verið reist við
Lambhagatjörn skammt norðan
við þorpið.
Hægt er að kaupa veitingar í
Hrísey og þar er einnig verslun
og gistihús, auk þess sem hægt er
að fá leigð sumarhús hjá einkaað-
ilum. Í Hrísey er frisbí golfvöllur
og leiksvæði fyrir krakka með
öðruvísi leiktækjum og ærslabelg.
Allar upplýsingar um þjónustu og
afþreyingu í Hrísey er að finna á
heimasíðunni hrisey.is.
Það sem einkennir Hrísey ef
til vill öðru fremur er kyrrðin
og orkan sem býr í náttúrunni.
Merktar gönguleiðir eru um
eyjuna austanverða og til norðurs,
þar sem útsýni til Látra strandar er
engu líkt. Gönguleiðirnar eru frá
rúmum tveimur kílómetrum upp
í fimm.
Orkulindin er við gönguleiðina
á austurhluta eyjarinnar. Þar er
gott að setjast niður og anda að
sér Hrísey. Sagt hefur verið að
á þessum stað sé að finna eina
kraftmestu orkulind landsins
þar sem geislar friðar og elsku
streyma um svæðið frá fjallinu
Kaldbaki sem gnæfir yfir Látra-
ströndina. Það er vel þess virði
að nema staðar á þessum stað og
drekka í sig orku náttúrunnar.
Hvergi sjást betur rústir eyðibýl-
anna sem stóðu við sjóinn út eftir
allri Látraströnd. Tignarleg fjöllin
gnæfa yfir og glæða umhverfið
ævintýralegum blæ. Andaðu að
þér Hrísey.
Andaðu að þér Hrísey
Hrísey er einstakur staður. Eyjan liggur á miðjum Eyjafirði og tekur aðeins korter að sigla yfir
sundið frá Árskógssandi. Það er skemmtileg sigling sem kostar aðeins 1.500 krónur báðar leiðir.
Strandlengjan meðfram Bakkafirði og Langanesi býður ferðalöngum upp
á stórkostlega náttúru og fjöl-
breyttar gönguleiðir, auk þess sem
fuglaskoðun á svæðinu er einstak-
lega gefandi.
„Nú er tími til kominn að fara
út fyrir kassann, eða Hringinn,
eða skilgreina hringinn upp á nýtt
og taka norðausturströndina inn
í,“ segir Halldóra Gunnarsdóttir,
verkefnisstjóri ferðaþjónustu-
samtakanna Norðurhjara á
Norðausturlandi, og bætir við að
það sé af sem áður var, að Langa-
nesið sé langt utan alfaraleiðar.
„Við erum ekki utan seilingar, það
er malbikað alla leið, eins og einu
sinni var sagt,“ segir hún kímin
og bendir á að auk þess sé f logið
til Þórshafnar gegnum Akureyri
alla virka daga og bílaleigubíll geti
beðið á f lugvellinum á Þórshöfn
fyrir þá sem kjósa að koma þá
leiðina.
„Á Langanesi er hægt að fá
mjög fjölbreytta þjónustu, þar
eru yndislegar íbúðir og á Þórs-
höfn eru gullfalleg gistiheim ili.
Við Bakka flóann er hægt að leigja
smáhýsi og á Bakkafirði er glæ-
nýtt gistihús. Þá eru líka fínustu
tjaldstæði bæði á Þórshöfn og
Bakkafirði og fallegt íþróttahús og
sundlaug á Þórshöfn.“
Halldóra segir ýmsa afþreyingu
í boði í náttúrufegurð Langa ness.
„Svæðið er þekkt fyrir gríðarlegt
fuglalíf, sérstaklega í björgunum
á Langanesi, en þar er magnaður
útsýnispallur fyrir þá sem ekki
eru lofthræddir. Önnur stærsta
súlubyggð á landinu blasir við af
pallinum, sú eina sem hægt er að
sjá föstum fótum. Allur svartfugl
sem verpir á Íslandi er þarna í
einni kös, þar með talinn lundinn,
og í gegnum svæðið liggja bæði
það sem kallað er Fugla stígur á
Norðausturlandi, sem er sér-
stök hringleið og svo hin þekkta
Norðurstrandarleið, eða Arctic
Coast Way, sem byrjar á Bakka-
firði, eða endar, eftir því hvernig
á það er litið. Hægt er að fara í
skipulagðar fuglaskoðunarferðir,
kajakferðir og gönguferðir í kyrrð
og ró í fallegri náttúru.“
Langanesið langa sem teygir
sig út í Atlantshafið endar á ysta
tanga landsins, Fonti, og þar er
ferðalangurinn nánast kominn á
heimsenda. „Þar stendur einmana
viti sem horfir út á hafið, magnað
að upplifa þetta mannvirki sem
býður hafinu byrginn,“ segir
Halldóra. Á Langanesi er einnig
eyðiþorp sem heitir Skálar, en þar
hefur verið unnin merkileg vinna
við að bjarga menningarverð-
mætum og gaman að fara þangað
og ímynda sér hvernig lífi var þar
lifað í baráttu við náttúruöflin og
um lífsafkomuna.
Halldóra sjálf nýtur þess best
að ferðast um svæðið á tveimur
jafnfljótum. „ Að vera gangandi
á Langanesi er mitt uppáhald og
ganga út í vitann frá Bakkafirði er
mín uppáhaldsgönguleið í heimi.
Vitinn stendur á svo ævintýra-
legum stað að það er engu líkt að
labba þangað.“
Halldóra segir auðvelt að finna
upplýsingar um alla þjónustu á
svæðinu á vefnum nordurland.is
„Þar má leita að því sem hugurinn
girnist, hvort sem þú vilt koma
akandi og fara í skipulagða göngu
með ferðafélaginu hér eða hjóla
um svæðið, sem nýtur vaxandi
vinsælda, þá er allar upplýsingar
að finna þar. Hér má finna kyrrð
og ró, hér er enginn ys og þys.“
Fjölbreytt afþreying og einstök náttúra
Halldóra Gunnarsdóttir, verkefnastjóri Norðurhjara, segir löngu tímabært að innlima bæði
Langanes og Bakkafjörð í hringveginn enda sé Langanes ekki lengur utan alfaraleiðar.
Margar skemmtilegar gönguleiðir á fáförnum slóðum eru á Langanesi.
Sigling til Hríseyjar tekur aðeins korter og kostar 1.500 á mann báðar leiðir. Nýja sundlaugin í Hrísey er dásamleg og hægt að upplifa bæði ró og fjör.
Sagt hefur verið að
þar sé að finna eina
kraftmestu orkulind
landsins þar sem geislar
friðar og elsku streyma
um svæðið frá fjallinu
Kaldbaki sem gnæfir yfir
Látraströndina.
Útsýnispallurinn
við Stórakarl á
Langanesi veitir
einstakt útsýni
yfir hafið og
magnaða yfirsýn
yfir næststærstu
súlubyggð
landsins. MYND/
MARKAÐSSTOFA
NORÐURLANDS
Langanes teygir sig
út í Atlantshafið og
á Fonti, ysta tanga þess,
er ferðalangurinn nánast
kominn á heimsenda.
14 KYNNINGARBLAÐ 2 3 . M A Í 2 0 2 0 L AU G A R DAG U RFERÐUMST INNANLANDS