Fréttablaðið - 23.05.2020, Blaðsíða 76
Rannsakendur í
Kanada segja að
ákveðnar gerðir CBD geti
gagnast gegn COVID-19.
Ágúst Bent er hér staddur á Húsavík
en hann ferðast nú um landið við
tökur á nýjum sjónvarpsþætti .
Tónlistar- og þáttagerðar-maðurinn Ágúst Bent á afmæli í dag, 23. maí. „Ég
heiti Ágúst Bent Sigbertsson og er –
hanging in there–“ Bent vinnur um
þessar mundir að tökum á nýjum
sjónvarpsþætti. „Þetta er þáttur
fyrir Stöð 2, framleiddur af 101 og
ég er að leikstýra. Hann fjallar um
tvo 101 hipstera sem komast að því
hvað er að vera alvöru Íslendingur,
þegar þeir reyna að komast hring-
inn í kringum Ísland á engu nema
þrautseigjunni. Raunveruleika-
þáttur með Joey Christ og Bibbu
(úr þáttunum Gym). Þeir eru sem
sagt með engan aur og varla farang-
ur og þurfa að vinna fyrir öllu, þar
meðtöldum mat og gistingu.“
Ertu mikið afmælisbarn?
„Já, ég held alltaf upp á þetta.
Hélt líka upp á hálf afmælin í
nokkur ár þangað til ég fattaði
hvað ég var að vera pirrandi.“
Hvernig hyggstu eyða afmælis-
deginum?
„Ég er bara hálfnaður með
hringinn þegar þetta er skrifað,
en reikna með því að fá þar
býflugna stungur í afmælisgjöf.
Ég er nú þegar mjög sólbrenndur
sem verður til þess að stungurnar
sjást minna en svíða meira (ég var
stunginn á Spáni sem barn).“
Hvernig leggst hækkandi aldur
í þig?
„Þetta er ekkert svo slæmt. En ég
viðurkenni að væri frekar til í að
vera 25,“ segir Bent sem fagnar 37
ára afmæli sínu í dag.
Ekki svo slæmt
en frekar til í að
vera 25 ára
Rannsakendur í Lethbridge-háskólanum í Kanada segja að ákveðnar gerðir af CBD
geti gert það 70% erfiðara fyrir
COVID-19 veiruna, að komast inn
í frumur líkamans. Það er vegna
virkni þeirra á sérstök prótein í
líkamanum, sem vírusinn notar til
að ráðast á hann. CTV sagði frá.
Rannsakendurnir, Olga og
Igor Kovalchuk, segja að það sé
til mikið af gögnum um gagn-
semi kannabis í baráttunni gegn
ýmsum kvillum og að þegar
COVID-19 faraldurinn hófst, hafi
þau farið að skoða gögnin sín í
leit að einhverju sem gæti komið
að gagni í baráttunni gegn
sjúkdómnum.
Þau segja að mögulega
væri hægt að fram-
leiða púst, munnskol
og fleiri vörur sem
gætu gagnast gegn
COVID-19 úr þessum
gerðum af CBD. Þau
leggja áherslu á að það
sé ekki sama hvaða CBD
sé notað, heldur skipti
máli að það komi úr þeim örfáu
gerðum kannabis sem hafa
reynst áhrifaríkar.
Þrátt fyrir að vera unnin úr
kannabis innihalda þessi efni
mjög lágt hlutfall af THC, sem
er aðalefnið í kannabis sem
veldur vímu. Þau geta því
ekki valdið neinni vímu og
rannsakendurnir segja að
þetta sé náttúrulega vara án
aukaverkana.
Segja CBD virka gegn COVID-19
Fátt er yndislegra en angan af
blómstrandi sumarblómum.
Tveggja stafa hitatölur eru farnar að sjást og þá fer að verða óhætt að setja sumar-
blóm í potta og beð.
Flest sumarblóm blómstra meira
ef þau eru á sólríkum stað.
Gætið þess að plönturnar séu vel
rakar áður en þeim er plantað og
setjið ekki mikinn áburð í sumar-
blómabeð, en þó smávegis.
Allar plöntur þurfa næringu og
gott er að gefa sumarblómunum
blómakraft.
Hreinsið burt öll visin blóm
strax til að tryggja meira blóm-
skrúð, annars leggur plantan orku
sína í að mynda fræ.
Blómlegri tilvera
12%
LUMAR ÞÚ Á
STÓRFRÉTT?
Sendu okkur þá fréttaskot í gegnum frettabladid.is.
Þú nnur hlekkinn undir blaði dagsins eða á slóðinni
www.frettabladid.is/frettaskot.
Greiðum 5.000 kr. fyrir fréttina ef hún birtist í
Fréttablaðinu og 10.000 kr. ef hún birtist á forsíðu blaðsins!
– MEST LESNA DAGBLAÐ LANDSINS
6 KYNNINGARBLAÐ FÓLK 2 3 . M A Í 2 0 2 0 L AU G A R DAG U R