Tímarit Öryrkjabandalags Íslands - 01.09.2005, Síða 12

og ég heyrði í biluðu útvarpstæki.
Jafnvægisskynið skertist líka. Þá
slasaðist ég illa í baki og varð að
vera á sjúkrahúsi í þrjá og hálfan
mánuð. Þar af lá ég tvo mánuði í
sömu stellingunni í móti af sjálfri
mér. En í sérhannaðri spelku varð
ég að vera í sex mánuði og var al-
veg eins og spýtukerling, varð að fá
hjálp við allt. Á tímabili leit þetta
sannast sagna illa út.
Á meðan ég var fyrir vestan lærði
ég á bíl og var fyrsti nemandinn
svona illa heyrandi sem lærði hjá
þessum kennurum. Þeim fannst ég
ekkert öðruvísi nemandi nema að
ég hafði sneggri viðbrögð og notaði
speglana meira en aðrir. Og er ég
ákaflega fegin að geta farið allra
minna ferða sjálf, öðrum óháð.“
Hjördís fluttist til Reykjavíkur ásamt
fjölskyldu sinni fyrir fimm árum.
„Það var að flestu leyti gott að búa
fyrir vestan. Hérna fyrir sunnan um-
gengst maður miklu færra fólk og er
einangraðri. Ég gerði mér ekki grein
fyrir því hvað heyrnin hafði versnað
mikið fyrr en ég kom hingað suður.
Fyrir tveimur árum fór ég á tölvu-
námskeið hjá Hringsjá, starfsþjálfun
fatlaðra. Tölvuþekkingin gerbreytti
lífi mínu. Það er svo auðvelt að eiga
samskipti við fólk með tölvunni og á
netinu er hægt að leita sér alls kon-
ar upplýsinga.“
Ég vissi ekki að börn hefðu
svona hátt
„Fyrir þremur árum var fyrst rætt
um kuðungsígræðslu við mig.
Læknirinn taldi þá að ég væri svo
fær í að lesa af vörum að ígræðslan
kæmi að litlum notum. En eitthvað
hef ég setið í honum því að fyrir
rúmu ári hafði hann aftur samband
og bauð mér að fara til Svíþjóðar í
ígræðslu. Ég tók því tveimur hönd-
um og var aðgerðin gerð á Hudd-
inge sjúkrahúsinu 8. desember í
fyrra. Sóknarpresturinn á Þingeyri,
Guðrún Edda Gunnarsdóttir, fór
með mér og var það ómetanlegt.
Eftir rúman mánuð voru tækin
tengd. Hvílíkur hávaði og hvílík
breyting! Þegar ég kom heim gat ég
áttað mig á hvaða lag Álftagerðis-
bræður voru að syngja á geisladiski.
Ég heyrði ekki alveg tónana en vissi
nákvæmlega hvaða lag þetta var.
Tæknimaðurinn á Heyrnar- og tal-
meinastöðinni sagði að þetta væri
alveg einstakt. Nú er mér sagt að
tónheyrnin sé komin upp í 60% en
einungis hafði verið gert ráð fyrir að
ég fengi 40% heyrn á næstu tveim-
ur árum. Það er ótrúlegur hávaði í
umhverfinu og ýmislegt nýtt sem ég
verð að læra að greina, eins og til
dæmis hljóðin í nagladekkjunum."
Hvernig var sumarið?
„Það var skrýtið. Fuglarnir hafa
ótrúlega hátt og hávaðinn í rokinu
lætur illa í eyrum. Mér finnast hljóð-
in í fuglunum, þegar ég heyri þau
með ígrædda tækinu, einhvern veg-
inn harðari en í venjulegum heyrnar-
tækjum og ég get enn ekki greint
hver á hvaða hljóð. Ég er með
venjulegt heyrnartæki á hinu eyr-
anu, en það er nauðsynlegt vegna
jafnvægisskynsins og svo fæ ég
bara meira út úr öllu þessu.“
Hvernig er búið að ykkur sem haf-
ið fengið kuðungsígræðslu?
„Við verðum að greiða fyrir raf-
hlöðurnar sjálf, en þær kosta um
80-100.000 kr. á ári. Það er býsna
mikill viðbótarkostnaður fyrir ör-
yrkja. Mér er sagt að æskilegt sé
að skipta um tæki á fjögurra ára
fresti og þá þurfum við að greiða
160.000 kr. fyrir ný tæki. Það er
dýrt.
Ég þekki ýmsa heyrnarskerta ein-
staklinga sem geta ekki leyst út
heyrnartækin vegna þess að hið op-
inbera greiðir svo lítinn hluta kostn-
aðarins. Þá er það mikið baráttumál
hjá okkur að fá rittúlka til þess að við
getum sótt námskeið og fleira, á
sama hátt og heyrnarlausir fá tákn-
málstúlka. Okkur er gert erfitt um vik
og þetta takmarkar möguleika okkar
til starfa og náms. Var ekki verið að
guma af því að á íslandi væri jafn-
rétti fyrir alla, ekki bara suma?
Hvers vegna þarf að gera fötluðum
erfiðara fyrir en öðrum að sækja
skóla og námskeið, hver sem fötlun-
in er?
Ég hef mikinn áhuga á að læra
meira og mig dreymir um að starfa
til að mynda við blómaskreytingar.
Mér gengur stöðugt betur að
greina tal hjá fólki. Draumurinn er sá
að geta heyrt hvað barnabörnin í
aftursætinu segja. Það gengur ekki
að snúa höfðinu og horfa framan í
börnin á meðan maður er að keyra!“
A.H.
Heilræði
Notaðu ávallt
endurskinsmerki
er dimma tekur
t+)
SLYSflVflRNflFÉLflGIÐ
LflNDSBJÖRG
12
www.obi.is