Tímarit Öryrkjabandalags Íslands - 01.10.2007, Page 14

14 I ÖBÍáfram
ofnað 1961
BANDALAG
ANDS
Aðgengi allra að heilbrigðisþjónustunni sé tryggt. Sigursteinn Másson formaður ÖBÍ og Hafdís Gísladóttir framkvæmdastjóri bandalagsins kynna áherslumál þess og
stefnumið fyrir fréttamönnum. uósm. Fréttabiaaia/Rósa.
Öryrkjabandalag íslands leggurtil breytingar í lífeyris- og skattamálum:
Nú er komið að lágtekjufólki
- hækkun lífeyris hvatning til aukinnar atvinnuþátttöku
í síðustu viku kynnti Öryrkjabandalag ís-
lands áherslur sínar vegna fjárlagagerðar og
í tengslum við kjarasamninga á almennum
vinnumarkaði, sem eru lausir um komandi ára-
mót. Meðal þess sem bandalagið leggur til er
hækkun grunnlífeyris, frítekjumarks og skatt-
leysismarka. Telur bandalagið að komið sé að
því að lágtekjufólk, öryrkjar og aldraðir njóti
skattalækkana.
Grunnlífeyrir örorkulífeyrisþega er í dag kr.
24.831 kr. á mánuði. ÖBÍ vill að grunnlífeyririnn
verði hækkaður í kr. 50.000 frá og með áramótum.
Samanlagður grunnlífeyrir og tekjutrygging nemur í
dag kr. 104.000 en myndi eftir hækkun nema kr.
130.000.
í málefnaskrá ÖBÍ, Landssambands eldri borg-
ara og Þroskahjálpar er lögð áhersla á að einfalda
bótakerfið og að fækka bótaflokkum þannig að
eftir standi tveir flokkar. Annars vegar grunnlífeyrir
og hins vegar tekjutrygging. Þessi hækkun væri,
að sögn ÖBÍ, mikilvægt skref í einföldun kerfis-
ins. Grunnlífeyririnn er sá bótaflokkur sem síðast
skerðist og þvl er hækkun grunnlífeyris hvatning til
aukinnar þátttöku örorkulífeyrisþega á vinnumark-
aði. “Skattar á hæstu laun og fyrirtæki hafa verið
lækkaðir á undanförnum árum. Nú er komið að
lágtekjufólki. ÖBÍ hefur mikinn sóknarkraft en við
reiðum okkar líka á stuðning víðar að úr þjóðfélag-
inu. Ég geng til dæmis út frá því að verkalýðs-
hreyfingin styðji þessar áherslur okkar, annað væri
óeðlilegt,” segir Sigursteinn Másson formaður ÖBÍ.
Skattleysi fylgi vísitölu
Að því er fram kemur í samþykkt frá fundi að-
alstjórnar ÖBÍ telur bandalagið rétt að miða skatt-
leysismörk við launavísitölu. Ef skattleysismörk
hefðu fylgt vísitöluþróun launa frá 1988 væru þau
nú rúm 140.000 krónur á mánuði í stað 90.000
króna. Undanfarin ár hafa stjórnvöld farið þá leið
að fella niður hátekjuskatt og lækka skattprósentu
á almenn laun og fyrirtæki en ÖBÍ telur að nú sé
komið að lágtekjufólki, öryrkjum og öldruðum að
njóta skattalækkana. „Hækkun skattleysismarka er
að mati ÖB( einfaldasta, besta og réttlátasta leið-
in,” segir ÖBÍ og bætir við að með breytingum á
lögum um almannatryggingar sem gildi tóku um
síðustu áramót bættist við 300.000 króna frítekju-
mark sem veitir öryrkjum rétt til að vinna sér inn kr.
25.000 á mánuði án þess að lífeyrir þeirra skerðist.
„[ Ijós hefur komið að margir öryrkjar hafa nýtt
sér þetta frítekjumark þótt lágt sé. Með því að
hækka frítekjumarkið upp í kr. 900.000 á ári mundi
skapast raunverulegur hvati til atvinnuþátttöku og
samfélagslegrar virkni.“
Aðgengi óháð efnahag
Á undanförnum árum hefur gjaldtaka fyrir hvers
konar heilbrigðisþjónustu aukist, segir í yfirlýsingu
ÖBÍ. í stjórnarsáttmála ríkisstjórnarinnar komi fram
að stefna ríkistjórnarinnar sé að á íslandi sé veitt
heilbrigðisþjónusta á heimsmælikvarða, stórauka
eigi forvarnir, lækka lyfjaverð og einfalda greiðslu-
þátttöku hins opinbera. „ÖBÍ leggur áherslu á að
þessum markmiðum verður ekki náð nema að
aðgengi allra að heilbrigðisþjónustunni sé tryggt,
óháð efnahag. Það verði einungis gert með því
að leggja af alla gjaldtöku fyrir almenna heilbrigð-
isþjónustu," segir í samþykkt frá fundi aðalstjórnar
bandalagsins.