Fréttablaðið - 03.06.2020, Blaðsíða 18

72
milljónum evra námu nýjar
lántökur Eyris Invest í fyrra.
MARKAÐURINN
ÚTGÁFUFÉLAG Torg., Kalkofnsvegur 2, 101 Reykjavík, sími 550 5000
Netfang rit stjorn@markadurinn.is | Sími 550 5051
Ritstjóri Hörður Ægisson hordur@frettabladid.is
Netfang auglýsingadeildar auglys ing ar@frettabladid.is Veffang frettabladid.is
Með því að auglýsa í
Atvinnublaðinu nær
þitt fyrirtæki til 89%
lesenda dagblaða*
á höfuðborgarsvæðinu.
Neikvæð áhrif kórónafarald-ursins á rekstur starfsemi Capacent á Íslandi f lýtti
ákvörðun sænska móðurfélagsins
um að leggja starfsemina hérlendis
niður. Íslenska ráðgjafarstofan
hafði ekki verið nægilega arðbær
áður en faraldurinn skall á heims-
byggðinni.
Þetta kemur fram í tilkynningu
Capacent Holding AB í Svíþjóð
vegna gjaldþrots íslenska dóttur-
félagsins. Capacent á Íslandi, sem
óskaði eftir gjaldþrotaskiptum í
síðustu viku, tapaði einni milljón
sænskra króna, jafnvirði tæplega
15 milljóna íslenskra króna, á síð-
asta ári. Tap fyrirtækisins nam 0,3
milljónum sænskra, jafnvirði um
4 milljóna íslenskra króna, á fyrsta
fjórðunga þessa árs.
Capacent á Íslandi var hluti af
Capacent Holding AB í Svíþjóð sem
var upphaf lega stofnað árið 1983
og hefur verið skráð á Nasdaq First
North markaðnum í Stokkhólmi
frá árinu 2015. Félagið er með skrif-
stofur í Svíþjóð og í Finnlandi, og
hjá því starfa um hundrað sérfræð-
ingar, nú þegar starfsemin á Íslandi
hefur verið lögð niður. Starfsmenn
Capacent á Íslandi voru 44 talsins.
„Arðsemi Capacent á árinu 2018
og 2019 hefur verið undir mark-
miðum. Við erum nú að stíga skref
til að aðlaga kostnaðargrunninn og
hrinda í framkvæmd fjölda skipu-
lagsbreytinga sem munu leiða
okkur aftur til arðbærs vaxtar. Slit
á íslenska félaginu er hluti af þessu,“
er haft eftir Edvard Björkenheim,
framkvæmdastjóra Capacent sam-
stæðunnar, í tilkynningunni.
Capacent Holding mun þurfa að
færa niður 100 prósenta eignar-
hlut sinn í íslenska félaginu um 11,7
milljónir sænskra, jafnvirði um 170
milljóna ísenskra króna. – tfh
Afkoma Capacent þótti ekki viðunandi
Fjárfestingafélagið Eyrir Invest, sem er meðal annars stærsti hluthafi Marels með nærri fjórð-u ngshlut , hag naðist um 327 milljónir evra
á árinu 2019, jafnvirði tæplega 50
milljarða íslenskra króna miðað
við gengi dagsins í dag. Hagnaður
félagsins tífaldaðist þannig frá fyrra
ári þegar hann var rúmlega 32 millj-
ónir evra.
Hinn mikli hagnaður fjárfest-
ingafélagsins kemur til vegna lið-
lega sextíu prósenta hækkunar á
hlutabréfaverði Marels á síðasta ári.
Auk eignarhlutarins í Marel, sem er
í dag metinn á um 138 milljarða
króna, á félagið meðal annars tæp-
lega helmingshlut í Eyri Sprotum,
sem fjárfestir í nýsköpunarfyrir-
tækjum. Heildareignir Eyris Invest
námu um 915 milljónum evra í
árslok 2019 – þar af var hluturinn
í Marel bókfærður á 858 milljónir
evra – og er eiginfjárhlutfall félags-
ins um 75 prósent, að því er fram
kemur í nýbirtum ársreikningi.
Stærstu eigendur Eyris Invest
eru feðgarnir Þórður Magnússon,
stjórnarformaður félagsins, og Árni
Oddur Þórðarson, forstjóri Marels,
en þeir fara samanlagt með nærri
39 prósenta hlut. Aðrir helstu hlut-
hafar Eyris Invest, sem var stofnað
árið 2000, eru Landsbankinn, Líf-
eyrissjóður starfsmanna ríkisins
og Lífeyrissjóður verslunarmanna.
Fram kemur í skýrslu stjórnar
Eyris Invest að félagið hafi í fyrra
samið við bandaríska fjárfestinga-
bankann Citibank um fjármögnun
á hluta af eignum þess. Kjörin sem
fjárfestingafélaginu bauðst hafi
verið mun betri en eru í boði á inn-
lendum fjármagnsmarkaði auk þess
sem geta Citibank til að styðja við
frekari fjárfestingar Eyris Invest
sé mikil. Með lántökunni hafi því
verið dregið úr endurfjármögnun-
aráhættu félagsins og geta til frekari
fjárfestingar aukist.
Nýjar lántökur Eyris Invest í fyrra
námu 72 milljónum evra. Samtals
námu vaxtaberandi skuldir félags-
ins 226 milljónum evra í árslok 2019.
Eyrir Invest seldi í fyrra hlut sinn í
níu óskráðum sprotafélögum ásamt
lánveitingum til sömu félaga til nýs
dótturfélags síns, Eyrir Ventures,
gegn útgáfu breytanlegs skulda-
bréfs og kröfu. Í árslok nam fjárhæð
víkjandi skuldabréfsins og ógreidds
annars söluverðs 23,7 milljónum
evra. Fram kemur í ársreikningnum
að breyta eigi heildarkröfunni í
hlutafé í Eyri Ventures.
Eyrir Invest hefur verið stærsti
hluthafi Marels allt frá 2005 en í
júní í fyrra voru hlutabréf félagsins
tekin til viðskipta í kauphöllinni í
Amsterdam og samhliða skráning-
unni fór fram hlutafjárútboð á 100
milljónum nýrra hluta, sem voru
seldir fyrir um 50 milljarða króna,
eða um 15 prósent af hlutafé Marels.
Umsvif erlendra sjóða í hluthafa-
hópi Marels, sem jukust mjög við
útboðið og skráninguna í Hollandi,
hafa margfaldast á síðustu miss-
erum. Samanlagður eignarhlutur
slíkra sjóða er í dag farinn að nálg-
ast nærri 40 prósent en til saman-
burðar nam hlutur þeirra aðeins
um þremur prósentum í ársbyrjun
2018. Á sama tíma hafa íslenskir líf-
eyris- og verðbréfasjóðir minnkað
verulega eignarhlut sinn í Marel.
Stærstu erlendu hluthafar Mar-
els eru í dag bandaríska fyrirtækið
MSD Partners, sem kom fyrst inn
í hluthafahóp Marels árið 2017,
Capital Group og evrópski vogunar-
sjóðurinn Teleios Capital.
Gengi hlutabréfa Marels hefur
hækkað um rúmlega 16 prósent frá
áramótum. Markaðsvirði félagsins
er í dag um 550 milljarðar króna.
hordur@frettabladid.is
Eyrir Invest hagnaðist
um 50 milljarða króna
Hagnaður íslenska fjárfestingafélagsins tífaldaðist. Kemur til vegna hækkun-
ar á hlutabréfaverði Marels en hlutur Eyris er 138 milljarða virði. Félagið sótti
sér nýja fjármögnun hjá Citibank sem mun styðja við frekari fjárfestingar.
Þórður Magnússon, stjórnarformaður og stærsti hluthafi Eyris Invest. FRÉTTABLAÐIÐ/SIGTRYGGUR ARIRekstrartap stéttarfélagsins VR nam 210 milljónum króna á síðasta ári og jókst töluvert frá
árinu 2018 þegar það nam 62 millj-
ónum króna. Ef tekið er tillit til fjár-
magnsliða, sem höfðu jákvæð áhrif
á afkomuna að fjárhæð 1,1 milljarð
króna, hagnaðist VR um rúmlega
900 milljónir. Hagnaðurinn jókst
um rúmlega 500 milljónir milli ára
sem má rekja til stórbættrar ávöxt-
unar verðbréfasafns stéttarfélags-
ins.
Þetta kemur fram í ársreikningi
VR fyrir árið 2019 sem verður lagður
fyrir aðalfund félagsins í næstu
viku. Tekjur VR námu 4,5 millj-
örðum króna á síðasta ári og jukust
um 250 milljónir á milli ára. Á móti
vógu kostnaðarhækkanir, meðal
annars vegna aukningar í bóta-
greiðslum og skrifstofukostnaði.
Útgjöld vegna bóta og styrkja námu
2,7 milljörðum króna og jukust um
rúmlega 200 milljónir á milli ára.
Fram kemur í skýrslu stjórnar VR
að aukning á greiðslu sjúkradag-
peninga hafi verið veruleg á síðustu
árum, en greiðslurnar jukust um 10
prósent milli áranna 2018 og 2019. Á
sama tímabili jukust iðgjaldatekjur
sjúkrasjóðs VR einungis um 6 pró-
sent. Á aðalfundi VR í fyrra var lögð
fram breyting við reglugerð sjóðsins
til að bregðast við útgjaldaaukning-
unni.
Þá var greitt úr vinnudeilusjóði
félagsins í fyrsta sinn í þrjátíu ár
en tilgangur hans er að veita félags-
mönnum sem missa atvinnutekjur
vegna vinnustöðvunar eða verk-
banna fjárhagsaðstoð.
Skrifstofu- og stjórnunarkostn-
aður jókst um 130 milljónir króna
en hann nam 909 milljónum í fyrra
samanborið við 778 milljónir árið
2018.
Eignir VR námu tæplega 14,4
milljörðum króna í lok árs saman-
borið við tæplega 12,8 milljarða
árið 2018 og bókfært eigið fé nam
13,7 milljörðum. Þar af voru rúm-
lega 11,9 milljarðar króna bundnir í
verðbréfum og verðbréfasjóðum, og
varanlegir rekstrarfjármunir námu
1,9 milljörðum króna.
Nafnávöxtun verðbréfaeigna VR
nam 11,9 prósentum samanborið
við tæp 5 prósent árið 2018. Stétt-
arfélagið var með um 7,3 milljarða
króna í ríkisskuldabréfum, 600
milljónir í innlendum hlutabréfum
og 2,1 milljarð í erlendum hluta-
bréfum. – þfh
Rekstur VR skilaði tapi
upp á 210 milljónir króna
Ragnar Þór Ingólfsson, formaður VR. FRÉTTABLAÐIÐ/SIGTRYGGUR ARI
Starfsmenn Capacent á Íslandi voru
samtals 44 talsins.
3 . J Ú N Í 2 0 2 0 M I Ð V I K U D A G U R2 MARKAÐURINN