Bændablaðið - 18.06.2020, Blaðsíða 18

Bændablaðið | Fimmtudagur 18. júní 202018
HROSS&HESTAMENNSKA
Lely Center Ísland
Reykjavík: Krókháls 5f – Sími 414 0000 – www.vbl.is
Akureyri: Óðinsnes 2 – Sími 464 8600
KÚPLINGAR í flestar
gerðir dráttarvéla
FRÉTTIR
Íslendingar hafa tekið vel við þeirri hvatningu að ferðast innanlands í sumar. Á tjaldstæðinu á Minni-Borg í Grímsnesi, þar sem þessi mynd var tekin, gat t.d. að líta mikinn fjölda hjólhýsa,
tjaldvagna, fellihýsa og húsbíla um síðustu helgi. Ljóst er þó að fólk er farið að bera saman bækur sínar varðandi verðlagningu á tjaldstæðum og lætur ekki bjóða sér hvað sem er. Virðist þegar
vera tilhneiging til að fólk forðist þau tjaldstæði sem verðleggja sig hæst. Mikill munur getur verið þar á og ekki síður ef fólk kýs að nýta sér rafmagnstengingar á tjaldstæðum. Mynd / HKr.
Bríet Anja Birgisdóttir, 10 ára, með „Speslúða“.
Lúðóttur hrútur á
bænum Sporði
Óvenjulegur litur er á hrútnum
sem kom nýleg í heiminn á bænum
Sporði í Húnaþingi vestra en hann
er lúðóttur.
Á bænum búa Oddný Jósefsdóttir
og Þorbjörn Ágústsson með um 160
ær. „Ég kalla hann Speslúða,“ segir
Oddný og hlær. Á annarri myndinni
er Bríet Anja Birgisdóttir, 10 ára,
barnabarn Oddnýjar og Þorbjörns,
með hrútinn og á hinni er „Speslúði“
í öllu sínu veldi með sitt sérstaka
höfuð. /MHH
Þokkalegur rekstur hjá Norðlenska
í fyrra og fór batnandi
– Forgangsverkefni að komast úr óhagstæðu leiguhúsnæði og hlúa að kjarnarekstri
Rekstrarumhverfi afurða-
stöðva hefur verið nokkuð bág-
borið undanfarin ár og hefur
Norðlenska ekki farið varhluta
af því.
Ytri aðstæður hafa verið grein­
inni erfiðar en framleiðslukostnaður
hefur hækkað jafnt og þétt undanfar­
in ár og ræður þar miklu að launa­
kostnaður og kostnaður við flutn­
inga hefur hækkað verulega umfram
almennt verðlag. Þetta kemur fram
í fréttabréfi sem Norðlenska hefur
gefið út.
Þar segir einnig að til að bregðast
við og eins því að afkoma félagsins
hafi verið óviðunandi hafi verið ráð­
ist í margvíslegar hagræðingarað­
gerðir innan fyrirtækisins.
Lokun á Höfn stærsta
hagræðingaraðgerðin
Stærsta einstaka hagræðingar­
aðgerðin var lokun starfsstöðv­
arinnar á Höfn í Hornafirði sem
lokað var um mitt síðasta sumar,
2019. Sláturhúsið á Höfn er í
sameign Norðlenska (30%) og
Sláturfélagsins Búa (70%) og er
nú unnið að því með Búa að selja
fasteignina eða koma henni í önnur
not. Framlegð fyrirtækisins, afkoma
fyrir afskriftir og skatta, var jákvæð
um 175 milljónir króna í fyrra sam­
anborið við 139 milljónir króna árið
þar á undan.
Starfsstöð Norðlenska á Akureyri
er í leiguhúsnæði og kemur fram
að framlegðin fyrir liðið ár nemi
278 milljónum króna sé leiðrétt
fyrir húsnæðisliðnum, en það er um
5,3% af veltu. Rekstrarkostnaður
fyrirtækisins, annar en kjötkaup,
lækkaði um 96 milljónir króna milli
ára þrátt fyrir launa­ og aðrar kostn­
aðarhækkanir og lækkaði þar með
um rúm 2% af veltu miðað við 2018.
Óhagstætt húsnæði
dregur niður afkomu
Afkoma félagsins að teknu tilliti til
afskrifta, fjármagnsgjalda og skatta
var hins vegar neikvæð um 35millj­
ónir króna á liðnu ári samanborið
við 66 milljónir króna árið 2018.
„Það má því segja að undir­
liggjandi rekstur félagsins sé
þokkalegur og batnandi en félagið
er talsvert skuldsett og starfsemin
á Akureyri í óhagstæðu húsnæði,
bæði hvað varðar gæði húsnæðis
og leiguverð, sem dregur afkomu
þess niður. Það er forgangsver­
kefni stjórnenda og stjórnar að
finna á þessum málum farsæla
lausn samhliða því að hlúa áfram
að kjarnarekstri félagsins,“ segir
í frétt um rekstur og afkomu
Norðlenska. /MÞÞ
Starfsemi Norðlenska á Akureyri er í óhagstæðu leiguhúsnæði, bæði
hvað varðar gæði húsnæðis og leiguverð, sem dregur afkomu þess niður.
Höfuðstöðvarnar á Akureyri eru við Grímseyjargötu. Mynd / MÞÞ
Sláturtíð hjá Norðlenska hefst
örlítið síðar en vant er
– Í auknum mæli leitað eftir innlendum starfsmönnum
Sláturtíð hjá Norðlenska verður
með svipuðu sniði nú í haust
og verið hefur undanfarin ár.
Slátrun hefst þó nokkrum
dögum síðar þetta haustið og er
gert ráð fyrir að byrjað verði 1.
september.
„Við ráðgerum einnig að leita
í auknum mæli að innlendum
starfsmönnum í sláturhúsið en
slíkt hefur verið nær ómögulegt
undanfarin ár,“ segir í fréttabréfi
Norðlenska, sem nýverið kom
út. Þar kemur líka fram að stjórn
félagsins hafi ákveðið á síðasta
fundi sínum að greiða 3,4% uppbót
á sauðfjárinnlegg haustsins 2019.
Uppbótin verður til greiðslu í júlí­
mánuði.
Sala á lambakjöti hefur geng­
ið ágætlega frá síðustu sláturtíð
en sem fyrr hefur Norðlenska selt
meira lambakjöt en fellur til við
slátrun hjá félaginu og brúað bilið
með því að kaupa kjöt af öðrum
sláturleyfishöfum. Kjötkaup hafa
verið þyngri þetta árið en mörg hin
fyrri sem hefur valdið nokkrum
vandræðum en áhugi kaupenda
á framleiðsluvörum félagsins er
mikill.
Fyrirkomulagi varðandi
heimtöku breytt
Ákveðið hefur verið að breyta
fyrirkomulagi varðandi sjálfkrafa
heimtöku og lækka þyngdarmörk.
Fyrirkomulagið nú verður þannig
að allt undir 10 kg í DO1 og DP1
fer heim. Gert er ráð fyrir því að
byrja að hringja út sláturfjárloforð
seinni hluta júnímánaðar. Bændur
geta einnig sent inn sláturfjárloforð
með því að fara inn á heimasíðu
Norðlenska.
Fram kemur einnig að sláturtíð
í fyrra hafi gengið vel og aldrei
verið slátrað fleira fé í sláturhúsi
félagsins á Húsavík, samtals um
100.500.
Æskilegt að framleiðsla minnki
ekki umfram það sem nú er
Hraustlega hefur dregið úr sauðfjár­
rækt hin síðari ár og féll framleitt
magn á landinu um rúm 7% milli
áranna 2018 og 2019. Norðlenska
hefur sem fyrr einbeitt sér að mestu
að innanlandsmarkaði fyrir lamba­
kjöt auk útflutnings til Færeyja.
Ljóst er að þegar framleiðsla dregst
jafn mikið saman og raun ber vitni þá
minnkar þörf á útflutningi. „Raunar
er svo komið nú að æskilegt væri
að framleiðsla minnki ekki mikið
umfram það sem nú er svo tryggja
megi hráefni fyrir innanlandsmarkað
og þá erlendu markaði sem skást
verðið greiða,“ segir í fréttabréfi
Norðlenska. /MÞÞ