Íþróttablaðið - 01.11.1974, Qupperneq 32

Kaupum hesta
til útflutnings allan ársins
hring. Veitum fúslega allar
nánari upplýsingar
VIÐTAL VIÐ GUÐJÓN EINARSSON
Framhald af bls. 17
líka fyrsti millirikjaleikurinn sem ég
dæmdi eftir að ég haifði hlotið viður-
kenningu alþjóða knattspyrnusambands-
ins sem milliríkjadómari.
Sömuleiðis er mér minnisstæð þriggja
landa landskeppnin Danmörk —- Noreg-
ur — Island árið 1957, sem efnt var til
í tilefni 10 ára afmælis KSl. Fyrsti
leikurinn var milli Noregs og Islands
og var það jafnframt vígsluleikur Laug-
ardalsvallarins. Áformað var að mjög
iþekktur skoskur dómari dæmdi þennan
leik, en flugvélinni seinkaði. Flaug hún
yfir leikvanginn nokkru eftir að leikur-
inn var byrjaður, en ég dæmdi í stað
Skotans. Úrslitaleikur þessarar þriggja
landa keppni var milli Danmerkur og
Noregs og dæmdi ég einnig þann leik.
SlÐASTI LEIKURINN
Hið þekkta rússneska knattspyrnulið
Dynamo-Moskva kom hingað til lands
árið 1960 og keppti við íslenska lands-
liðið Mér var falið að dæma þennan
leik. Eftir leikinn, þegar ég var á leið
til búningsklefa míns, verð ég þess var
að maður kemur hlaupandi á eftir mér.
Þar er þá kominn hinn heimsfrægi
markvörður Dynamo, Jashin. Klappaði
hann á öxl mína, brosir og talar hlýlega
til mín á móðurmáli sínu, sem ég skildi
ekki. Síðan tók hann þétt og innilega í
hönd mína. Ég þakkaði honum fyrir á
minu móðurmáli sem hann að sjálfsögðu
skildi ekki heldur en brosti enn ákafar
en áður og veifaði svo til min hendinni
um leið og hann hljóp á eftir félögum
sínum.
Mér fannst þessi frægi maður vera
að þakka mér fyrir dómarastarfið og þá
tók ég þá ákvörðun að þetta skyldi verða
síðasti leikurinn er ég dæmdi og síð-
an hefi ég ekki dæmt knattspyrnuleik.
I STJÓRN Í.S.I.
Guðjón Einarsson sat í mörg ár í
stjórn Í.S.I., m.a. sem varaforseti um
árabil Þá var hann formaður iþrótta-
nefndar ríkisins í nærri 13 ár.
Er við spjölluðum við hann á víð og
dreif um þátttöku hans í félagsmála-
störfum, kvaðst hann vilja leggja á það
áherslu, að sér þætti afar vænt um allan
þann mikla fjölda manna, sem hann
ihefði starfað með. Forystumennirnir,
sem hann hefði kynnst og starfað mest
með, væru það sem nefna mætti góðir
drengir. Samstarfið við þá hefði verið
bæði fjölbreytt og skemmtilegt. Um leið
og við kvöddum Guðjón bÐð hann
íþróttablaðið að flytja kveðjur til þeirra
mörgu er hér ættu hlut að máli, og ger-
um við það hér með.
SM.
32