Íþróttablaðið - 01.09.1975, Side 37

Rætt vid
Sterinar J.
Lúdvíksson —
Framhald af bls. 2 1
— Þegar þú talar urn metnað fyrir hönd
fslands langar mig til að spyrja þig hvernig
í ósköpunum á því stendur að þegar við
íslendingar höfunt tapað fyrir útlenzkum
liðum, eins og við höfum nú lengstum gert
er svo til aldrei talað um að við höfum
hreinlega tapað, heldur alltaf týndar til
einhverjar afsakanir?
— Það verður að hafa það hugfast að
möguleikar íslenzkra íþróttamanna eru
svo miklu minni en möguleikar hjá
milljónaþjóðum. Ef við tökum t.d. knatt-
spyrnumennina okkar, þeir fara kannski
einu sinni á ári til útlanda og leika þá 3—4
leiki við algerlega óþekktar aðstæður. Að-
stæðurnar hafa gífurlega rnikið að segja
og við sjáum t.d. hvernig fór fyrir Kýpur-
búunum, er þeir komu hingað. Það er því
töluverður sannleikur í því sem sumir
kalla afsökunarskrif.
— En er ekki of mikil tilhneiging til að
afsaka okkar menn?
— Ég viðurkenni að um slíka tilhneig-
ingu er að ræða, en þá kem ég að því sem
ég var að segja áðan, að við reynum
heldur að draga fram það sem við teljum
vera jákvætt heldur en að ráðast á okkar
menn með niðurdrepandi skrifum, því að
ég tel að við höfum hreinlega ekki efni á
því. Við eigum að hjálpa þeim, en ekki
sparka í þá er þeir eru liggjandi.
— Nú finnst mörgum og sjálfsagt með
nokkrum sanni að framleiðsla íþrótta-
frétta í íslenzkum fjölmiðlum sé með
ólíkindum mikil. Er þörf fyrir svona ntikil
skrif?
— Þessu held ég að afar erfittsé að svara
því að á þessu hafa ekki farið fram
fræðilegar kannanir hér á landi. Erlendis
hefur þetta hins vegar verið rannsakað
mjög nákvæmlega og; þar hefur komið í
ljós, að á eftir myndasögum og dagskrám
útvarps og sjónvarps eru íþróttafréttir
mest lesnar. — En þegar á það er litið að
um 50 þúsund Islendingar eru virkir þátt-
takendur i íþróttastarfinu held ég að það
sé eðlilegt að íslenzkir fjölmiðlar reyni að
gera eitthvað fyrir svo stóran hóp.
— Ertu ánæeður með íþróttaskrif hér á
landi?
— Nei, langt því frá. en það er hins
vegar erfitt fyrir rnig að tjá mig um það
mál. Ég er hins vegar sérstaklega óánægð-
ur með hvernig sjo ' /?rr>'- 1 ~fur staðið sig
í íþróttafréttaflutning. " . ’f rtu.iar fjall-
að um það í rrinu 'iði. tf tel að
sjónvarpið hafi xastí ' im til
íþróttamála og sé alger efti. íarra
sjónvarpsstöðva.
— Hvað finnst þér um stöðu íþrótta á
íslandi?
— Hún er veik og það er fyrst og fremst
sök yfirvalda. T.d. má nefna að þau 3 ár,
sem ég var í þinginu minnist ég þess ekki
að það hafi nokkurn tíma verið fjallað um
íþróttir í þingsölum. Hins vegar gátu
menn þjarkað dag eftir dag um sölu
eyðijarða. Stuðningur hins opinbera við
íþróttahreyfinguna hér er langtum minni
en annarsstaðar. Jafnvel minni en í
vanþróuðustu löndunum í svörtu Afríku.
Að þessu leyti er staða íþrótta hér á landi
veik, en hins vegar má segja að félagsleg
staða þeirra sé nokkuð sterk það kemur
gleggst fram í hinu feiknalega sjálfboða-
starfi, sem unnið hefur verið.
— Ef að þú fengir einhverju ráðið á
þessu sviði, hverju myndir þú byrja á?
— Ég held að fyrst þyrfti að byrja á því
að auka verulega fjárframlög til íþrótta-
mannvirkja, því að öll íþróttahús á land-
inu eru ofhlaðin og fjöldi manna á enga
möguleika á aðstöðu til íþróttaiðkanna.
Jafnhliða þyrfti að veita stórauknu fjár-
magni til menntahliðar íþróttakerfisins, en
þar er svo til algerlega ónumið land og
gerbreyta námsskránni úr leikfimi í íþrótt-
ir. Eftir að menn komast upp í það sem
við köllum æðri skóla geta þeir lokið því
námi án þess nokkru sinni að svitna í
leikfimi, vegna þess að það er verið að æfa
einhver leikfimistökk fyrir próf og menn
eru alltaf að bíða eftir að komast að til að
gera sína æfingu. Framtíðarhorfurnar í
þessum málum eru hins vegar ekki sérlega
bjartar og skilningsskortur yfirvalda svo
mikill að ég á ekki von á róttækum
breytingum.
— Varla er hægt að ljúka svona spjalli
án þess að fjalla svolítið um íslenzka
dómara. Hvert er þitt álit á þeim?
— Ég held að íslenzkir dómarar séu
almennt ekki verri en starfsbræður þeirra
erlendis og þeir eru eins og íþróttamenn-
irnir okkar áhugamenn.
-ihj.
Blikksmiðjan
Vogur hf.
Auðbrekku 65 — Kópavogi
Annast lofthita og
loftrœstilagnir
í alls konar byggingar
og aðra alhliða
blikksmíðavinnu.
Einnig þurrkklefalokur.
*
40340 verkstjóri
40341 teiknistofa
40342 skrifstofa
37