Íþróttablaðið - 01.07.1978, Blaðsíða 40

hafa verið með eyrnatappa þegar þetta
var talað. Hann lét sér standa ná-
kvæmlega á sama um þá leikaðferð sem
fyrir hafði verið lögð, sótti eins og vit-
laus maður og hafði skorað tvö mörk
þegar 15 mínútur voru liðnar og lagt
það þriðja upp. Hann var stórkostlegur
í þessum leik.
George Best var í senn hataður og
elskaður þegar hann var upp á sitt
bezta. Margir reyndu að líkjast honum
til þess að ganga í augun á stúlkunum. í
bók sinni „Best of Both Worlds“ segir
Best að hann hafi fengið ótrúlega mörg
bréf frá stúlkum, víðs vegar að í heim-
inum. Eitt þessara bréfa var frá stúlku í
London, sem skrifaði að þau hefðu bú-
ið saman á Ítalíu, en þangað hafði Best
þá aldrei komið.
— Þú varst búinn að lofa að skrifa
mér, það var dásamlegt að vera með
Þannig muna margir Bretar eftir
George Best. Á fullri ferð með knött-
inn í leik með gamla liðinu sínu: Man-
chester United.
þér, skrifaði hún. Aðrar stúlkur notuðu
önnur ráð til þess að tjá sig við Best. „Ég
elska þig Best“ var t.d. einu sinni málað
með rauðri málningu á þakið á Jaguar-
bifreið Best sem stóð fyrir utan Old
Trafford völlinn.
Georg Best á nafna sínum Bishop
sem þá var útsendari Manchester
United í Norður-írlandi að þakka, að
hann fékk samning við Manchester
United. Bishop þessi sá Best leika með
unglingaliði, og hringdi samstundis til
Matt Busby.
- Ég er búinn að finna „sení“, sagði
hann.
Og þar hafði hann rétt fyrir sér. Best
átti sér ekki líka, og í skjóli þess komst
hann upp með ýmislegt sem öðrum
hefði ekki liðist.
„Og Georg, - þú leikur eins og þér
hentar“, sagði Matt Busby oft í lok
funda sinna með Manchesterliðinu, þar
sem leikkerfi fyrir ákveðna leiki voru
skipulögð.
Einu sinni spurðu Skotar Matt Busby
að því hvað þeir ættu að gera til þess að
stöðva George Best, í landsleik sem þeir
áttu fyrir höndum við Norður-íra. —
Passið þið að hann fái ekki knöttinn. Ef
hann fær hann, þá er líklegt að staðan
verði 1—0, áður en þið áttið ykkur,
svaraði Busby.
Sjálfur hefur Best sagt um leiki sína.
— Ég hugsaði aldrei um það fyrir leiki
að nú ætlaði ég að gera hitt eða þetta.
Ég fór bara út á völlinn og lék, og mér
fannst oft svo gaman að ég hefði treyst
mér til þess að halda áfram allt kvöldið
og alla nóttina.
Georg Best hafði betri laun þegar
hann var upp á sitt bezta en nokkur
annar brezkur knattspyrnumaður.
Samt var hann ekki hamingjusamur.
Einn vina hans tók eitt sinn svo til orða:
Best verður þá fyrst hamingjusamur
þegar hann hefur fundið góða konu. Ég
meina þar aðeins eina konu, en ekki eitt
þúsund stelpur.
Þegar tímarnir liðu varð það æ erfið-
ara fyrir Best að sameina krafta sína í
atvinnuknattspyrnunni og glaumgosa-
lífinu. Oftar og oftar missti hann af æf-
ingum, og jafnvel skaðabætur og
skammir breyttu engu. Loks kom svo
að því að forráðamenn Manchester
United gáfust upp á honum, settu hann
út úr liðinu og létu hann að lokum
lausan frá því.
í tvö ár lifði Best á eigum sínum, og
naut þess lífs sem hann lysti. Þá sneri
Hversu margar þannig myndir hafa ekki
birst af George Best.
hann aftur að knattspymunni, senni-
lega mest af því að hann var orðinn
peningalaus. Hann komst að hjá
Stockport County sem var lið í 4. deild
og fékk 250 þúsund krónur fyrir leik hjá
því. Án þess að vera í nokkurri æfingu
sýndi hann hæfni sína í fyrsta leik með
þessu liði sem var gegn Swansea. Hann
skoraði tvö mörk og lagði þriðja markið
upp í leiknum, en hann vann Stockport
3-2.
Bandaríkin eru hin nýja gullkista
evrópskra knattspymumanna og í hana
fór George Best. Hann gerði samning
við Los Angeles Aztes, og fékk álitlega
upphæð fyrir. Þar hefur hann síðan
leikið meira og minna, að því undan-
skildu að í fyrra lék hann með 2. deildar
liðinu Fulham. Þá sýndi það sig hve
vinsæll hann er, þar sem aðsókn að
leikjum Fulham stórjókst er Best lék
með liðinu.
Meira að segja norður-írska lands-
liðið var enn talið hafa not af kröftum
George Best. Hann var t.d. með liðinu í
leik þess gegn Hollandi í undankeppni
HM og átti ekki sízt þátt í því að Norð-
ur-íramir gerðu jafntefli við silfurliðið
framhald á bls. 57
40