Íþróttablaðið - 01.07.1978, Side 30

Glæsileg íþróttahátíð
í blíðskaparveðri var mótið
sett við hátíðlega athöfn að
kvöldi 21. júlí. Gamalreyndir
Ungmennafélagsmenn kölluðu
þetta „ekta Landsmótsveður“.
Á Selfossi var samankominn
mikill fjöldi mótsgesta sem slógu
uþp tjaldbúðum víðsvegar um
Selfoss; keppendurnir voru í
tjaldbúðum sem staðsettar voru
nálægt keppnisstöðum, en fjöl-
skyldu- og almenningstjaldbúðir
voru á friðsælli stöðum þar sem
umferð var ekki jafn mikil.
íþróttablaðið brá sér austur til
þess að fylgjast með gangi móts-
ins. Hér fer á eftir í máli og
myndum hvers það varð vísara.
Borðtennis
Líklegasti sigurvegarinn í karlaflokki
að því er okkur var tjáð, heitir Jón Sig-
urðsson, U.M.F.K. Við inntum hann
eftir því hvort hann stefndi að Lands-
mótssigri.
— Ég keppti á Landsmótinu á
16.LANDSMÓT
UMFÍ
SELFOSSI
21.-23. 3ÚLÍ 1978
Akranesi og þá varð ég í öðru sæti. Ég
ætla ekki að láta það henda mig nú, því
ég ætla mér 1. sætið í þetta sinn. Að vísu
er það kannski svolítil bjartsýni, því ég
er sjómaður á togara í Keflavík og gefst
mér því lítill tími til æfinga.
Heima í Keflavík er áhugi fyrir
borðtennis mjög mikill. Nú eru til
dæmis fjórir strákar frá Keflavík í æf-
ingabúðum fyrir borðtennisleikara í
Svíþjóð og kosta þeir sig algjörlega
sjálfir. Með þessu áframhaldi ættum
við Keflvíkingar að vera líklegir til
mikilla afreka í borðtennis í framtíð-
inni.
Ragnhildur Sigurðardóttir, U.M.S.B.
er aðeins 15 ára, en hún er núverandi
íslandsmeistari í borðtennis og hún
sigraði jafnframt í borðtenniskeppninni
á Landsmótinu á Akranesi 1975.
— Ætlar þú að endurtaka leikinn frá
því á Akranesi, Ragnhildur?
30