Íþróttablaðið - 01.08.1983, Qupperneq 17

Næðisstund á smekklegu heimili íStuttgart. Að neðan: Ásgeir við fugla-
tjörn íStuttgart.
slíku og hvíla sig vel fyrir næstu
átök. Eg vona að hvíldin núna
hafi gert mér gott, því ég var
ekki orðinn alveg góður af
meiðslunum.“
Lífið í Vestur-Þýskalandi.
Ásgeir minnist á heimsóknir
til vina og kunningja, og víst
hljóta þær að taka töluverðan
tíma, því maðurinn er ein-
staklega vinamargur. Það stafar
hugsanlega að einhverju Ieyti af
því að hann er stjarna, a.m.k. á
íslenskan mælikvarða, en einnig
af því að Ásgeir er afslappaður
og þægilegur í umgengni, al-
mennilegur við alla og blessun-
arlega laus við þann hroka sem
oft einkennir menn sem hafa
náð langt á einhverju sviði.
En hvernig eyðir Ásgeir frí-
stundunum yfir keppnistíma-
bilið?
„Þá er ekki mikið um frí.
Mestur tíminn fer í æfingar og
stúss í kringum þær. Maður
skreppur kannski heim í mat,
fer aftur á æfingu og kemur svo
heim undir kvöldið. Þá er það
þetta vanalega, sjónvarpið og
músíkin. Ef það er frí í hálfan
eða heilan dag notar maður
gjarnan tækifærið og ekur svo-
lítið um Þýskaland og reynir að
skoða sig um.
Við eigum ágæta vini sem við
umgöngumst talsvert, bæði ís-
lendinga og Þjóðverja, sem eru
heldur fleiri. Það eru aðallega
félagar úr knattspyrnunni, og
eru Förster-bræðurnir, Bernd og
Karl-Heinz þar fremstir í flokki
ásamt Niedermayer. Við förum
yfirleitt saman út að borða eftir
leiki ásamt konum okkar. Og
nú nýlega hitt ég Bernd Förster
á Marbella á Spáni, þar sem við
höfðum mælt okkur mót.“
Samningur við Stuttgart
til 1987.
Hvað skyldi Ásgeir taka sér
fyrir hendur þegar knattspyrnu-
ferli hans lýkur? Aðspurður
kvaðst Ásgeir ekkert vera farinn
að velta því fyrir sér. Hann
hefði nýverið gert fjögurra ára
samning við Stuttgart og því
væri nógur tími til að ákveða
hvað tæki við eftir að samnings-
tímanum lyki. Nú væri stefnan
tekinn á næsta keppnistímabil
og síðan unnið út frá því. Ásgeir
kvað þó öruggt að hann myndi
flytja aftur heim til íslands og
setjast hér að. Hann á hús í
smíðum í Vestmannaeyjum, og
það er ef til vill framtíðarheim-
ili Ásgeirs og fjölskyldu.
íþróttablaðið þakkar Ásgeiri
Sigurvinssyni fyrir spjallið og
óskar honum alls hins besta á
komandi keppnistímabili.
Hann á eftir að spjara sig vel
pilturinn og vera landi sínu og
þjóð til sóma hér eftir sem hing-
að til.
H.H.
17