Íþróttablaðið - 01.10.1986, Blaðsíða 29

AÐ KOMAST í
Úlfar Jónsson, yngsti íslandsmeistari í golfi frá upphafi:
Texti og myndir:
Páll Ketilsson
„Það er auðvitað ansi margt sem
situr ofarlega í kolli manns eftir
árangursríkt sumar og eftirminni-
legt. Þar ber auðvitað hæst fyrsti ís-
landsmeistaratitillinn í meistara-
flokki. Það var stór stund fyrir mig
að vinna íslandsmótið, takmark sem
ég hafði stefnt að. Að fá boð frá
Doug Sanders um skólavist í einum
virtasta háskóla í Bandaríkjunum er
einnig einn mesti heiður sem mér
hefur hlotnast á lífsleiðinni. Nú, og
ég get ekki neitað því að sjá uppá-
halds golfara minn, Ballesteros í
keppni var mikil upplifun. Draum-
urinn er auðvitað að fá að spila á
móti kappanum við tækifæri. En
hann verður að gefa mér þó nokkur
ár ennþá.” íslandsmeistarinn ungi
horfir á mig alvarlegum augum og
skellir svo uppúr: Segir síðan: „Þú
veist að öllu gríni fylgir nokkur
alvara”. Sannarlega orð að sönnu
hjá Úlfari Jónssyni, 18 ára Hafnfirð-
ingi og yngsta íslandsmeistara í
golfi frá upphafi. Hann var 17 ára
þegar hann vann titilinn í sumar.
Ekki bara það, heldur varð ungl-
ingameistari líka. Slíkum árangri
hefur enginn náð fyrr á sama ári.
Náði fljótt góðum tökum
á kylfunum
Úlfar kom fyrst við kylfu 9 ára. Fór út
á golívöll með pabba sínum eins og svo
margir aðrir drengir. Strákurinn fékk
golfdellu og náði fljótt góðum tökum á
kylfunum. Níu árum seinna náði hann
takmarki sem enginn íslenskur golfleik-
ari hefur náð ennþá ...0... í forgjöf. „Ég
man þetta nú greinilega. í byijun dró ég
fyrir pabba og stundaði þetta ekki af
mikilli alvöru fyrsta árið. Það var ekki
fyrr en annað árið mitt að ég fékk fyrsta
settið að ég setti einhvem kraft í þetta.
Fjórum árum seinna komst ég í meist-
araflokk og lék í mínu fyrsta landsmóti í
meistaraflokki árið 1981, með sex í
forgjöf. Svo skemmtilega vildi til að það
var í Leirunni. Mér gekk nú ekki vel
enda höggstuttur og Leiran ekki hönn-
29