Íþróttablaðið - 01.10.1986, Blaðsíða 9

VlATíiV/
OG HINAR STJÖRNURNAR í
SOVENT&
íþróttablaðið í heimsókn hjá Juventus einu sterkasta félagsliði heims.
Texti og myndir: Þorgrímur Þráinsson.
„Allir vita að ég hef ætíð séð
rautt og talið Liverpool mitt gamla
félag vera besta félagslið Evrópu. f
fyrsta skipti á ævinni efaðist ég um
það — er ég sá Juventus leika fyrir
skemmstu. Leikmenn liðsins eru
snillingar og knattspyrnan sem
þeir leika er engu lík. íslendingum
gefst kostur á að sjá liðið leika hér
gegn Val innan tíðar og er það ein-
stætt tækifæri til að horfa á eitt
besta félagslið heims“. Þetta eru
orð Ian Ross þjálfara Vals í knatt-
spyrnu um ítalska liðið Juventus —
mótherja Vals í Evrópukeppni
meistaraliða.
Já, snillingarnir í Juventus eru á leið
til íslands með nokkra af bestu knatt-
spyrnumönnum heims innanborðs. í
liðinu er valinn maður í hverju rúmi og
meira en það. Michel Platini hefur síð-
astliðin þrjú ár verið kjörinn knatt-
spyrnumaður Evrópu, Michael Lau-
drup er án efa einn efnilegasti knatt-
spyrnumaður heims og síðast en ekki
síst eru í liðinu nokkrir heimsmeistarar
ítala frá 1982. Má þar nefna Scirea,
Bonini, Caprini og Brio.
9 MEISTARATITLAR
AF 15
Síðustu 15 árin á Ítalíu hefur
Juventus liðið verið afgerandi í deildar-
keppninni og staðið upp sem Ítalíu-
meistari í 9 skipti. Fimm sinnum hefur
liðið orðið í 2. sæti og einu sinni í 3.
sæti. Árangur sem ekkert annað lið
hefur leikið eftir. Margir af bestu knatt-
spyrnumönnum heims hafa leikið með
Juventus síðustu árin. Má þar nefna
einn besta markvörð heims fyrr og síð-
ar Dino Zoff, járnkarlinn Gentile, Tar-
delli, Boniek, Bettega, Liam Brady og
síðast en ekki síst Paolo Rossi — besta
leikmann heimsmeistarakeppninnar á
Spáni 1982.
Juventus liðið hefur ætíð verið
stjörnum prýtt og er engra breytinga
þar að vænta nema hvað enn ein
stjarnan bætist í hópinn og leikur með
liðinu á næsta keppnistímabili. Það er
snillingurinn Ian Rush frá Liverpool.
Einnig hafa heyrst raddir um að félagið
hafi áhuga á Jan Mölby sem leikur
einnig með Liverpool. Einungis tveir
útlendingar mega leika með ítölskum
liðum en líklega verða þrír leyfðir á
næsta keppnistímabili.
íþróttablaðið brá sér til Ítalíu í byrj-
un mánaðarins með það fyrir augum
að fylgjast með Juventus liðinu á
tveimur æfingum og í leik í bikar-
keppninni. Eftir stutta dvöl hjá Juven-
tus gerði ég mér grein fyrir að hjá fé-
laginu er ekki bara spurning um að elt-
ast við leðurtuðru daginn út og inn því
félagið er rekið sem íyrirtæki. Juventus
er í eigu Fiat verksmiðjunnar í Torino
og er skipulag hjá félaginu í 100% lagi
— allt gengur eins og smurð vél.
Juventus og hinn risinn í l.deildinni
Torino nota sama heimavöll sem kom-
inn er til ára sinna en rúmar 66.000
9