Dagblaðið Vísir - DV - 31.07.2020, Blaðsíða 30

30 FÓKUS
Á ferð um landið AKUREYRI
Íbúar Akureyrar vilja meina að
þar sé alltaf gott veður. Hvað
sem veðrinu líður er allavega
hægt að hafa ýmislegt fyrir
stafni í höfuðstað Norðurlands.
LYSTIGARÐURINN
Lystigarðurinn er ein fegursta perla bæjarins. Hann er rekinn af Akureyr-
arbæ sem grasagarður og skrúðgarður. Hann hefur verið stækkaður þrisvar
og er nú 3,7 hektarar. Í honum eru nánast allar þær plöntur sem finnast á
Íslandi eða um 450 tegundir og rúmlega 6.000 erlendar tegundir. Auk þess
að sinna ræktun á öllum þessum plöntum er garðurinn ætlaður sem al-
menningsgarður þar sem fólk getur átt notalega stund í fallegu umhverfi.
BRETTAFERÐ Á POLLINUM
Venture North er fyrsta fyrirtækið á Íslandi sem sérhæfir sig í SUP – Stand
up paddleboarding. Okkur skilst að heimafólk á Akureyri tali nú bara um
SUP sem er orðið heldur vinsælt sport á svæðinu. Venture North býður til
dæmis upp á kvöldróðraferðir fyrir þá sem vilja prófa eitthvað nýtt og fá
bæði góða hreyfingu og frábæra skemmtun. Hægt er að sitja, krjúpa eða
standa á brettunum, en reyndur kennari er með í för, og róa um Pollinn.
Allur búnaður er innifalinn, svo sem þurrgalli og blautskór.
KVENDURO
Fjallahjólaskvísur geta komist í góðan félagsskap hjá
KvEnduro, hópi kvenna sem tekur á því öll þriðjudags-
kvöld klukkan 20.15. Allar konur eru velkomnar í ferð,
hvort sem þær eru á fulldempuðu fjallahjóli eða XC,
margreyndar eða byrjendur. Þær reyndari gefa byrj-
endum ráð og engin er skilin eftir.
EYRIN RESTAURANT
Eyrin restaurant opnaði í Menningarhúsinu Hofi í fyrra
og hefur notið mikilla vinsælda. Á góðviðrisdögum er
hægt að sitja úti enda er útsýni yfir Pollinn. Áhersla er
lögð á einfalda, stílhreina rétti sem eru innblásnir af
íslenskum hráefnum. Um helgar er brunch-hlaðborð
þar sem börn á aldrinum 6-12 njóta hlaðborðsins á
hálfvirði. Þeir sem innleysa ferðagjöfina á Eyrinni fá
fordrykk að hætti hússins í kaupbæti.
RUB23
Rub23 er sjávarréttaveitingastaður með fjölbreytt úr-
val fisktegunda og mikið úrval sushi-rétta, í bland við
kjötrétti. Veitingastaðurinn er á besta stað í bænum, í
Gilinu. Þarna er hægt að fá hina víðfrægu sushi pítsu.
Það hljómar kannski undarlega í fyrstu að tala um sushi
og pítsu í sömu andrá en við lofum því að þú verður
ekki fyrir vonbrigðum. Sushi-pítsan ein og sér er góð
ástæða til að fara til Akureyrar.
BRYNJUÍS
Brynja á Akureyri varð landsþekkt ísbúð þar sem allir
vildu fá ískaldan mjólkurís – gamla ísinn eins og hann
kallast oft í ísbúðum. Nú er Brynjuís að finna á fleiri
stöðum en í höfuðborg norðursins en það er samt
klassískt að fara á þennan rómaða stað og fá einn ís-
kaldan mjólkurís, hvort sem það er ís í brauði, sjeik eða
bragðaref.
MYND/VILHELM
MYND/GETTY
MYND/FACEBOOK VENTURE NORTH MYND/FACEBOOK KVENDURO MYND/FACEBOOK EYRIN RESTAURANT
MYND/FACBOOK RUB23
MYND/FACEBOOK BRYNJUÍSAK
31. JÚLÍ 2020 DV