Dagblaðið Vísir - DV - 31.07.2020, Blaðsíða 36

Magnað
mímósupartý
í sumarfríinu
Brönsar eru vinsælt afþreyingarform hér-
lendis og ekki síst nú í sumarsælunni.
Mímósur eru fullkomin leið til að leyfa
sér aðeins á ókristilegum tíma en dulbúa
ásetninginn í djúsbúsi. Við hvetjum þó
eindregið til ábyrgrar neyslu. Skál!
NOKKUR RÁÐ
Almennt er talið best að hafa
jöfn hlutföll af safa og víni en
það fer þó vissulega eftir hversu
sterkur safinn er. Leitað var til
sérfræðinga á vinsælum bröns­
stöðum borgarinnar.
Við val á freyðivíni skal leitast
við að nota þurrt vín því safinn er
nægilega sætur. Mælt var með
hinu ítalska Tommasi Prosecco
Filodora (2.299 kr.), eða fyrir þá
sem vilja ódýrari valkost Piccini
Prosecco (1.999 kr.).
Ávallt skal hella víninu fyrst
og svo safanum því þá freyðir
minna og minni líkur eru á að það
gjósi.
Ef ekki er möguleiki á ný­
kreistum safa skal leitast við að
kaupa ferskan, það er að segja
ekki úr þykkni (concentrate).
Öll drykkjarföng þurfa að vera
mjög köld. Klaki er valkvæður,
lekkert þykir að hafa litla skál
með klökum og skeið á borðinu.
Til að minnka áreitið á gest­
gjafann er sniðugt að gera áfyll­
ingu í könnu. Það er að segja
blanda mímósu í könnu til að fólk
geti sjálft fyllt á.
Mímósubar er alger snilld
en þá er raðað á lekkeran bakka
nokkrum tegundum af safa,
freyðivíni, klaka og glösum. Ekki
er verra að setja ber eða mintu­
lauf svo fólk geti skreytt drykkinn.
Nota skal há freyðivínsglös til
að varðveita bubblurnar. Ef þau
eru ekki til staðar þá er í lagi að
notast við vínglös.
Granateplamímósa
Þessi er sú allra, allra besta. Eina
vandamálið er að þú þarft að eiga
handvirka djúspressu til að allt
gangi sem best. Þá er vissulega
hægt að kaupa granateplasafa í
fernu en upplifunin er allt annað,
líkt og ljósmynd af kossi.
½ granatepli, pressað
150 ml freyðivín
Safinn fer fyrst í glasið og svo er
fyllt upp með freyðivíni.
Vatnsmelónu- og myntumímósa
Athugið að mímósan verður aldrei betri en melónan
sem notuð er. Því skal smakka melónuna áður og
hreinlega hætta við partýið ef hún er ekki sæt og
safarík. Ef melónan uppfyllir gæðakröfur er innihaldið
hreinsað úr henni og svörtu steinarnir teknir úr. Aldin­
kjötið er sett í blandara og hratið því næst sigtað frá.
80 ml melónusafi
80 ml freyðivín
Fersk myntulauf
Konungleg
mímósa
100 ml góður appelsínusafi
100 ml freyðivín
1 msk. Grand Marnier
Freyðivínið fer fyrst í glasið, því
næst safinn og svo grandið.
Blóðappelsínumímósa
40 ml blóðappelsínusafi
40 ml appelsínusafi
skvetta Aperol
80 ml freyðivín
Hellið víninu fyrst í glasið, svo safanum og loks Ape-
rolinu. Tilvalið er að smella appelsínusneið í glasið.
Rauðrófu- og
engifermímósa
Þessi er ekki fyrir alla en hún er
virkilega skemmtileg, hefur heil­
næma kosti engifers og rauðrófu
og kemur skemmtilega á óvart.
40 ml rauðrófusafi
40 ml eplasafi
1 tsk. engifersafi
80 ml freyðivín
Hellið víninu fyrst í glasið,
svo safanum.
MYND/TM
GRANATEPLI
Þegar granatepli eru keypt skal
leitast við að kaupa þau sem eru
þung og kjarninn farinn að leita inn
á við. Þá eru þau hvað safaríkust.
Einnig eru þau bestu með hýði sem
minnir helst á leður og eplin ekki
hringlaga heldur nokkuð flöt að ofan
og neðan.
Hellið víninu fyrst í glasið,
svo safanum og smellið að
lokum laufunum með.
MYND/GETTY
MYND/GETTY
MYND/GETTY
MYND/TM
36 MATUR 31. JÚLÍ 2020 DV