Morgunblaðið - 08.01.2020, Blaðsíða 13

FRÉTTIR 13Erlent
MORGUNBLAÐIÐ MIÐVIKUDAGUR 8. JANÚAR 2020
Nítján ára bresk stúlka var í gær
dæmd í fjögurra mánaða skilorðs-
bundið fangelsi fyrir að hafa sakað
tólf menn frá Ísrael um hópnauðgun
síðasta sumar. Málið hefur vakið
reiði og hneykslan á Bretlandseyj-
um, en stúlkan segir lögreglu-
yfirvöld á Kýpur hafa neytt sig til
þess að draga ásökunina til baka.
Stuðningsmenn stúlkunnar fjöl-
menntu fyrir utan dómsalinn og köll-
uðu slagorð henni til stuðnings og
heyrðust hrópin inn í dómhúsið með-
an dómarinn kvað upp dóm sinn.
Málið hefur vakið mikla athygli á
Bretlandi þar sem það hefur verið
sagt dæmi um það hvernig fórnar-
lömbum nauðgunar sé kennt um
glæpinn. Til að mynda var gagnrýnt
að Ísraelarnir tólf sem sakaðir voru
um nauðgunina voru ekki kallaðir til
sem vitni í málinu gegn stúlkunni.
Lögfræðingar hennar hafa einnig
gagnrýnt að stúlkan var yfirheyrð án
þess að lögfræðingur hennar eða
túlkur væru viðstaddir og engar
upptökur eru til af því þegar hún
undirritaði skjalið, þar sem ásökunin
var dregin til baka, en það er sagt
ritað á vondri ensku.
Bresk stjórnvöld lýstu því yfir í
gær að þau hefðu þungar áhyggjur
af því að stúlkan hefði ekki fengið
sanngjarna málsmeðferð á Kýpur,
og sagði Dominic Raab, utanríkis-
ráðherra Bretlands, að hann hygðist
taka málið upp við stjórnvöld á Kýp-
ur. Hann fagnaði þó að dómurinn
hefði verið skilorðsbundinn, sem
þýðir að stúlkan mun geta snúið
heim til Bretlands. Mótmælt var á
mánudaginn í Lundúnum og voru
Bretar hvattir til þess að sniðganga
Kýpur sem áfangastað nú í sumar.
sgs@mbl.is
Fékk skilorðsbundinn dóm
AFP
Reiði Stuðningsmenn stúlkunnar mótmæltu í Lundúnum á mánudaginn.
 Bretar hvattir til að sniðganga Kýpur sem áfangastað
Vísindamenn á vegum bandarísku
geimferðastofnunarinnar NASA til-
kynntu á mánudaginn að þeir hefðu
fundið reikistjörnu á stærð við jörð-
ina, sem væri í svonefndu „Gull-
brár-belti“, en það er rétt fjarlægð
frá sólu til þess að aðstæður séu líf-
vænlegar.
Reikistjarnan, sem nú ber nafnið
„TOI 700 d“, er um 100 ljósár frá
jörðu. Hún er sögð um 20% stærri
en jörðin. Stjarna hennar, TOI 700,
er hins vegar mun minni en sólin og
geislar því minni hita frá sér. Vís-
indamenn segja að reikistjarnan
snúi ávallt sömu hliðinni að sólu
sinni, og tekur það hana einungis
um 37 daga að fara hringinn í
kringum stjörnuna.
Vísindamenn NASA tilkynntu
einnig að þeir hefðu fundið aðra
reikistjörnu en hún er á stöðugum
sporbaug við tvær sólir. Sú stað-
reynd ein og sér þýðir hins vegar
að þar er líklega ekki lífvænlegt.
AFP
TOI 700 Svona sér listamaður
NASA fyrir sér reikistjörnuna.
Fundu reiki-
stjörnu á
réttum stað
Saksóknarar í
Japan fengu í
gær samþykkta
handtöku-
tilskipun á hend-
ur Carole Ghosn,
eiginkonu Carlos
Ghosn, fyrrver-
andi fram-
kvæmdastjóra
Nissan-
bílaframleiðandans, en hann strauk
úr haldi í síðasta mánuði og flúði
land áður en hægt var að sækja
hann til saka fyrir meint misferli
með fjármál fyrirtækisins.
Ghosn-hjónin eru nú stödd í Líb-
anon, en Carlos er ættaður þaðan.
Interpol hefur gefið út alþjóðlega
handtökuskipun á hendur Ghosn,
en enginn framsalssamningur er í
gildi á milli Japans og Líbanons.
Lögregluyfirvöld eru enn að
rannsaka hvernig Ghosn náði að
komast úr landi þrátt fyrir að hann
væri í farbanni, en lögfræðingar
Ghosn segjast ekki hafa haft neina
vitneskju um flóttaáform hans.
Gefa út handtöku-
skipun á hendur
eiginkonu Ghosn
Carlos Ghosn
JAPAN