Morgunblaðið - 08.01.2020, Blaðsíða 28

AF LISTAKONU
Helgi Snær Sigurðsson
helgisnaer@mbl.is
Því er oft haldið fram að góðkvikmynda- eða sjónvarps-þáttatónlist sé þess eðlis að
maður taki ekki eftir henni, tónlist
sem fellur svo vel að því sem er að
gerast að hún rennur saman við það.
Ég er ekki alls kostar sammála þó að
vissulega verði tónlistin að þjóna vel
sögu og myndefni og falla að því eins
og flís við rass. Tónlist Hildar Guðna-
dóttur gerir hvort tveggja, verður eitt
með þættinum eða kvikmyndinni en
rís um leið upp í hæstu hæðir og verð-
ur himnesk, undurfögur og tragísk.
Heyr til að mynda tónlist hennar við
hina áhrifamiklu þætti Chernobyl,
hvernig hún magnar upp hörmungar
kjarnorkuslyssins og eftirmál þess.
Nú eða tragíska sellótónana sem Jók-
erinn, leikinn með tilþrifum af Joa-
quin Phoenix, hreyfir sig við í kvik-
myndinni Joker, einni þeirri
umdeildustu á nýliðnu ári. Kvalinn
hugur Jókersins brýst fram í harm-
þrungnum sellóstrokum og undur-
fögrum laglínum. Líkt og í fyrri verk-
um hitti Hildur þar naglann á höfuðið
og bjó til fullkomið „score“, eins og
menn kalla kvikmyndatónlist innan
fagsins.
Engan skal því undra að Hildur
hafi notið vaxandi velgengni hin síð-
ustu misseri og hlotið nú síðast Gold-
en Globe verðlaunin fyrir Joker.
Fyrsta konan sem fær þau verðlaun,
ein og óstudd, því eina konan sem
hefur hlotið verðlaunin fyrir bestu
tónlist við kvikmynd er Lisa Gerrard
sem hlaut þau með Hans Zimmer ár-
ið 2001 fyrir Gladiator. Hafa þá örfá-
ar konur verið tilnefndar í sögu verð-
launanna sem gerir sigur Hildar enn
sætari. Næst eru það svo Grammy-
verðlaunin, Hildur er tilnefnd til
þeirra fyrir Chernobyl og nýjustu
fréttir eru þær að hún sé tilnefnd til
verðlauna bresku kvikmynda- og
sjónvarpsakademíunnar, Bafta, fyrir
Joker (sjá frétt neðar á síðunni).
Emmy, Grammy og Óskar?
Á mánudaginn, 13. janúar, verður
tilkynnt um tilnefningar til Óskars-
verðlaunanna en Hildur er á stuttlista
yfir tilnefnda og allar líkur á því að
hún verði tilnefnd og nokkuð góðar
Vandi er um slíkt að spá
AFP
Verðskuldað Hildur með Golden Globe-verðlaunin á sunnudaginn var.
líkur á að hún hljóti Óskarsverðlaun,
eða hvað segja spámenn um það? Hér
áður fyrr þótti Óskarinn nokkuð
fyrirsjáanlegur og ekki óalgengt að
sama kvikmynd sópaði að sér verð-
launum. Hin síðustu ár hefur niður-
staðan verið óvæntari og þóttu síð-
ustu verðlaun einkar ófyrirsjáanleg
og þá sérstaklega í flokki bestu kvik-
myndar. Benti kvikmyndavefurinn
Collider t.d. á að hin ólíku fagfélög
leikstjóra, framleiðenda, leikara,
handritshöfunda og klippara í Banda-
ríkjunum hefðu valið ólíkar myndir
sem þá bestu, engin tvö félög þá
sömu. Slakt gengi kvikmynda sem
Netflix framleiddi á Golden Globe-
verðlaunahátíðinni í ár, m.a. The Ir-
ishman eftir Martin Scorsese sem
hlaut engin, þarf ekki að þýða að það
sama gerist á Óskarnum þar sem val-
ið er í höndum meðlima bandarísku
kvikmyndaakademíunnar sem hefur
á að skipa um 8.000 manns, sam-
kvæmt vef Forbes. Valið á verðlauna-
höfum Golden Globe er aftur á móti í
höndum meðlima samtaka erlendra
fjölmiðlamanna í Hollywood og í
fyrra voru þeir 88 sem sáu um valið,
skv. sama miðli.
Newman helsta fyrirstaðan?
Spávefurinn Awardswatch er með
tónskáldið Thomas Newman í fyrsta
sæti í spá sinni um Óskarsverðlaunin,
fyrir tónlist hans við 1917 sem var
valin besta myndin á Golden Globe.
Hildur er í öðru sæti en Newman var
líka tilnefndur til Golden Globe
verðlaunanna. Hann hefur verið til-
nefndur til Óskarsins 12 sinnum en
aldrei hlotið þau, sem setur okkar
konu í nokkra hættu, skyldi maður
ætla. Þykir meðlimum kvikmynda-
akademíunnar nú komið að því að
Newman fái Óskarinn? Vandi er um
slíkt að spá og vandinn enn meiri þar
sem endanlegar tilnefningar hafa
ekki verið birtar, aðeins stuttlisti. 15
kvikmyndir eru á þeim lista en tónlist
við 170 myndir var tekin til kostanna.
Það er því afrek, út af fyrir sig, að
komast á stuttlistann þar sem finna
má verk tónskálda á borð við John
Williams, Newman fyrrnefndan,
Alexandre Desplat og Alan Silvestri.
Allt karlar, nota bene.
Óskarsverðlaunin verða afhent í
92. sinn 9. febrúar næstkomandi og
hafa aðeins þrjár konur hlotið verð-
launin fyrir bestu frumsömdu tónlist-
ina, síðast árið 1997. Það var Anne
Dudley sem samdi tónlistina við The
Full Monty. Mikið væri nú gaman ef
íslenskt tónskáld og ung kona þar að
auki, hlyti verðlaunin í ár, 23 árum
síðar. Krossum fingur.
» Óskarsverðlauninverða afhent í 92.
sinn 9. febrúar næst-
komandi og hafa aðeins
þrjár konur hlotið verð-
launin fyrir bestu frum-
sömdu tónlistina, síðast
árið 1997.
28 MENNING
MORGUNBLAÐIÐ MIÐVIKUDAGUR 8. JANÚAR 2020
Hildur Guðnadóttir tónskáld hlaut
enn eina verðlaunatilnefninguna
þegar hún var tilnefnd til Bafta-
verðlauna, verðlauna bresku kvik-
myndaakademíunnar, fyrir tónlist-
ina í kvikmyndinni Joker.
Joker fékk flestar tilnefningar til
verðlaunanna, 11 alls, þar á meðal
Todd Phillips fyrir bestu leikstjórn,
Joaquin Phoenix sem besti aðal-
karlleikari og sem besta kvikmynd.
Once Upon a Time … in Holly-
wood eftir Quention Tarantino og
The Irishman eftir Martin Scorsese
hlutu tíu tilnefningar hvor.
Kvikmynd Sams Mendes, 1917,
sem hreppti Golden Globe fyrir
bæði leikstjórn og sem besta kvik-
mynd, er tilnefnd til níu Bafta-
verðlauna.
Nefndir leikstjórar munu allir
keppa um verðlaunin fyrir bestu
leikstjórn að viðbættum hinum suð-
urkóreska Bong Joon-ho, leikstjóra
Parasite. Athygli vekur að engin
kona er á listanum en Gretu Gervig
hafði verið spáð velgengni fyrir
kvikmyndina Little Women. Þá er
eiginmaður Gerwig, Noah Baum-
bach, einnig hunsaður sem og kvik-
mynd hans, Marriage Story, sem
gagnrýnendur hafa lofað í hástert.
Bafta-verðlaunin verða afhent 2.
febrúar næstkomandi.
Umtöluð Joaquin Phoenix í hlutverki sínu í kvikmyndinni Joker.
Joker tilnefnd til ellefu
Bafta-verðlauna
„Þetta hefur verið geggjað ár hjá
henni og það sem gerir það svo
magnað er að hún var með tvö verk
sem náðu svona hressilega í gegn,
bæði Chernobyl og Jókerinn. Jóker-
inn er m.a.s. mynd sem hlaut mis-
jafnar viðtökur en tónlistin og leik-
ur Joaquin Phoenix standa upp úr í
henni. Myndin er að fá viðurkenn-
ingu fyrir þetta tvennt,“ segir leik-
stjórinn Baltasar Kormákur um vel-
gengni Hildar Guðnadóttur.
Hildur hefur unnið með Baltasar
í tvígang því hún samdi tónlist við
þáttaröðina Ófærð sem Baltasar
átti hugmyndina að, framleiddi og
leikstýrði að hluta og við kvik-
myndina Eiðinn sem hann leik-
stýrði og fór með eitt af aðal-
hlutverkunum í.
„Þetta er með allra hraðasta upp-
gangi sem maður hefur séð og hún
er fullkomlega að þessu komin,“
segir Baltasar og bendir á að tón-
listarbransinn í kvikmyndum hafi
verið mjög karllægur og lokaður
konum þó að nóg sé til af frábærum
tónskáldum í þeirra röðum.
Sterkur hluti af myndinni
„Ég spái henni Óskarnum, ég
held að hún vinni hann og hún verð-
ur flottur fulltrúi sem fyrsti Íslend-
ingurinn til að hljóta verðlaunin,“
segir Baltasar. „Músíkin er svo
sterkur hluti af myndinni og áber-
andi, hún er ekki í bakgrunninum
heldur fær að njóta sín og Hildur
nýtir tækifærið til fulls. Svo snýst
þetta alltaf um hvernig hún spilar
úr því sem hún er með á hendi, fólk
hefur skotist upp á stjörnuhimininn
og nýtt það misvel en hún er hæfi-
leikarík, búin að vinna svo lengi við
þetta og er bæði vinsæl og virt af
öllum. Hún er búin að vinna vel fyr-
ir þessu.“
Baltasar segir frábært að vinna
með Hildi, hún sé mjög góð í sam-
starfi, ákveðin og berjist fyrir sínu
en sé þó alltaf sanngjörn.
Komin á tindinn
Baltasar er spurður að því hvort
ekki sé erfitt að komast upp á topp-
inn í kvikmyndabransanum, eins og
Hildur hefur gert. Jú, það er erfitt,
svarar hann, og mörg tónskáldin
sem vildu vera í hennar sporum.
Þegar á tindinn er komið séu ekki
margir um hituna og algengt að sjá
sömu nöfnin tengd bestu bitunum.
„Kvikmyndatónskáld geta verið
með ansi mörg verkefni á ári, mið-
að við leikstjóra, kannski tvær eða
þrjár myndir. Jóhann var kominn á
þann stað og Hildur núna sem er
með ólíkindum.“ helgisnaer@mbl.is
„Búin að vinna
vel fyrir þessu“
 Baltasar spáir Hildi Óskarnum
Morgunblaðið/Golli
Samstarf Baltasar og Ingvar E. Sigurðsson við tökur á Eiðnum. Hildur
Guðnadóttir samdi tónlist við kvikmyndina og einnig þættina Ófærð.
Sími: 411 5000 • www.itr.is
Fyrir líkama og sál
Laugarnar í Reykjavík
Frá
morgnifyrir alla
fjölskylduna
í þínu
hverfi t i l kvölds