Morgunblaðið - Sunnudagur - 22.03.2020, Blaðsíða 22

Haga lífinu
eftir sólinni
Nei, nei, alls ekki. Ég er í sól-baði hérna fyrir utan hót-elið í rúmlega þrjátíu stiga
hita,“ segir Bogi Bjarnason, blaða-
maður og frisbígolfari, þegar ég slæ á
þráðinn til hans árla morguns og spyr
hvort ég sé að vekja hann. Bogi er
staddur í borginni Granada í Mið-
Ameríkuríkinu Níkaragva og á ekki
pantað flug heim fyrr en eftir helgi.
Granada stendur við fallegt stöðu-
vatn og er einn af helstu ferða-
mannastöðum landsins. Þar er þó
varla túrista að sjá þessa dagana.
„Túrisminn hefur alveg dottið niður,
það er varla nokkur maður að koma
hingað enda þótt landið sé opið,“ seg-
ir Bogi.
Kórónuveiran er farin að breiðast
út í Suður- og Mið-Ameríku en ekk-
ert smit hefur enn verið staðfest í
Níkaragva. „Þetta er byrjað í lönd-
unum í kring og manni þykir ótrúlegt
að veiran sé ekki komin hingað líka,“
segir Bogi en stjórn Daniels Ortegas
forseta hefur sætt gagnrýni fyrir að
bregðast ekki nægilega hratt við til-
mælum Alþjóðaheilbrigðsstofnunar-
innar um aðgerðir vegna aðsteðjandi
hættu.
Níkaragva liggur bæði á Kyrrahaf-
inu og Karíbahafinu og á landamæri
að Hondúras í norðri og Kostaríku í
suðri. Þar býr á sjöunda milljón
manna.
Þarf að vera utan Schengen-
svæðisins í 14 daga
Bogi sér þó ekki annað en að heima-
menn séu byrjaðir að grípa til fyrir-
byggjandi aðgerða. Þannig séu
sárafáir á ferli á götum úti í Granada
og á hótelinu hans sé herbergisnýting
í besta falli 20%. „Ég fékk gistingu
hérna á mjög góðum kjörum með
engum fyrirvara,“ segir hann.
Bogi á pantað flug til Bandaríkj-
anna á mánudaginn en þar sem hann
þarf að hafa verið utan Schengen-
svæðisins í fjórtán daga áður en hann
má koma þangað gæti hann þurft að
seinka för sinni um einn sólarhring til
að uppfylla þau skilyrði. „Það flækir
málið aðeins en vonandi verður það
hægt. Það yrði snúið og væntanlega
fokdýrt að breyta þessari flugáætlun.
Ég á pantað far til Miami og þaðan til
London, þar sem ég ætlaði að stoppa
í einn dag til að hvíla mig á fluginu.
Vonandi verð ég kominn heim um
miðja næstu viku.“
Bogi hefur verið í sambandi við
borgaraþjónustuna hérna heima en
fátt hefur verið um svör enda óvissan
mikil. „Það er eiginlega vonlaust fyrir
mig að flýta för minni heim, þar sem
ég verð að fara gegnum Bandaríkin
og þangað má ég ekki koma fyrr en á
þriðjudaginn.“
Svo gæti farið að Bogi komist ekki
heim í næstu viku og þá líst honum
betur á að vera um kyrrt í Níkaragva
en að verða strandaglópur í Banda-
ríkjunum. „Það gæti orðið dýrt spaug
og þá er ég örugglega betur settur
hér en í Bandaríkjunum. Maður veit
aldrei upp á hverju stjórnvöld kunna
að taka þar. Hér er svo sem ágætt að
vera, rólegt og hlýtt. Að vísu alltaf
vindur. Og mjög fáir á ferðinni.“
Komst í samband við frisbí-
golffrömuð í Níkaragva
En hvað í ósköpunum er Bogi að gera
í Níkaragva?
„Ég var á leiðinni á Opna spænska
meistaramótið í frisbígolfi eins og ég
hef gert undanfarin fimm ár og fór að
velta fyrir mér hvort ég gæti ekki
gert meira úr þeirri ferð, eins og ég
gerði í fyrra þegar ég fór til Brasilíu.
Ég sé um samfélagsmiðlana fyrir
Evrópudeild Alþjóðafrisbígolf-
sambandsins og rakst á mót sem
haldið er í Mið-Ameríkuríkinu Belís.
Í framhaldi af því komst ég í sam-
band við eiganda vallar þar í landi
sem er Bandaríkjamaður búsettur í
Belís, Chris Leonard. Hann benti
mér svo á annan mann, Sam Abdias, í
Níkaragva, sem hefur áhuga á íþrótt-
inni. Við þrír fórum að tala saman og
báðir buðu þeir mér heim hvor til síns
lands. Úr varð mót hér í Níkaragva
en mótahald var besta leiðin til að út-
búa ferða- og kynningarpakka í
kringum og eina leiðin til að ég gæti
innheimt ferðastyrk frá styrktarað-
ilanum mínum, Innova Champion
Discs.“
Bogi er einn á ferð í Níkaragva en
þeir voru sex saman í Spánarferðini
að þessu sinni. Blær Örn Ásgeirsson,
sem átti titil að verja, Þorsteinn Óli
Valdimarsson, sem var að keppa í
þriðja sinn og Friðrik Snær Sig-
urgeirsson og Dagur Páll Amm-
endrup. Frá Bandaríkjunum kom svo
Tom Walker sem Bogi kynntist í
Brasilíu í fyrra. „Blæ gekk illa fram-
an af og var í sjöunda sæti fyrir loka-
umferðina en náði þar að rífa sig upp
og tryggði sér annað sæti eftir
tveggja holu bráðabana.“
Þess má geta að mótið fór fram á
síðustu stundu áður en samkomu-
bann var sett út af kórónuveirunni.
Viðtöl í útvarpi og sjónvarpi
Bogi ákvað að halda sínu striki og
flaug sem leið lá til Níkaragva, þar
sem hann fékk það hlutverk að skipu-
leggja mótið. Íþróttin er skammt á
veg komin þar um slóðir en nokkrir
vellir til. Nýr og betri völlur var þó
hannaður í tilefni mótsins með að-
komu Boga og Chris Leonard. Raun-
ar tveir níu holu vellir, annar fyrir
fullorðna en hinn fyrir ungmenni.
Mótið fór fram í borginni Masaya,
sem er skammt suður af höfuðborg-
Bogi Bjarnason „pósar“ á
tindi Masaya-eldfjallsins.
Ljósmynd/Morgan Studio Nicaragua
Úti að labba með frelsarann sinn. Hann þarf að fá sína hreyfingu eins og aðrir. Bogi Bjarnason kom um liðna helgi að undirbúningi og vann sigur á fyrsta
viðurkennda frisbígolfmótinu í Níkaragva. Hann er enn í landinu en vonast
til að komast heim í byrjun næstu viku í gegnum Miami og London.
Orri Páll Ormarsson orri@mbl.is
Þorsteinn Óli Valdimarsson kastar af teig á 18. holu á Opna spænska.
Ástin svífur yfir Cocibolcavatni. Ekki veitir víst af þessum síðustu og verstu.
22 MORGUNBLAÐIÐ SUNNUDAGUR 22.3. 2020
LÍFSSTÍLL

Ljósmyndir/Bogi Bjarnason
Nú finnur þú
það sem þú
leitar að á
FINNA.is