Morgunblaðið - 02.04.2020, Blaðsíða 26

KÓRÓNUVEIRUFARALDUR26
MORGUNBLAÐIÐ FIMMTUDAGUR 2. APRÍL 2020
Strandgötu 24 | 220 Hafnarfjörður | Sími 565 4100 | nyform.is
Úrval af rafdrifnum
hvíldarstólum
Opið virka daga
11-18
laugardaga
11-15
N Ý F O R M
h ú s g a g n a v e r s l u n
Komið og skoðið úrvalið
Vetrarsól er umboðsaðili
Sláttuvélar
& sláttuorf
Snjóblásarar
Askalind 4 | Kópavogi | Sími 564 1864 | vetrarsol.is
Gulltryggð gæði
40 ár
á Íslandi
Sláttutraktorar
„Veturinn hefur verið erfiður; snjó-
þyngsli, sjósókn erfið og stundum
lítill afli og nú bætist kórónuveiran
við. Nú hafa fyrstu tilfelli veikinda
greinst hér og þá verðum við að
treysta okkar góða heilbrigðiskerfi,“
segir Jón Páll Hreinsson, bæj-
arstjóri í Bolungarvík.
Almannavarnir á Vestfjörðum
ákváðu í gær vegna Covid19 að grípa
til hertra aðgerða. Leikskólum í Bol-
ungarvík og Ísafirði er lokað án mik-
illa undantekninga, samkomubann
miðast við fimm manns og í stærri
verslunum mega ekki vera fleiri en
30 manns.
„Bragurinn hér í Víkinni hefur
breyst. Hægt hefur á atvinnulífi og
fólk hefur meiri tíma fyrir sjálft sig.
Að minnsta kosti er öðruvísi en var
að sjá hlaupafólk hér á götum bæj-
arins fyrir hádegi á virkum degi. Í
rekstri bæjarfélagsins blasa við
áskoranir, svo sem að mæta og að-
stoða fyrirtæki sem lenda í vanda.
Því er mikilvægt að hafa trú á fram-
tíðinni eins og ég brýni fyrir Bolvík-
ingum sem hringja vegna vanda,
sem við munum leysa saman.“
Jón Páll Bolvíkingar vegna vanda,
sem við munum leysa saman.
Veiran er
komin eftir
erfiðan vetur
„Starfið mitt hefur gjörbreyst á ör-
fáum dögum. Umræðu- og úrlausn-
arefnin eru allt önnur en var, á
fundum sem nú eru komnir í tölv-
una. Allt mun þetta hafa mikil áhrif
á starfsumhverfi og samkomuhald
að minnsta kosti til skamms tíma,“
segir Valgerður Sigurðardóttir
borgarfulltrúi í Reykjavík.
„Mér finnst stjórnvöld hafa
brugðist vel við aðstæðum svo til
fyrirmyndar er. Efnahagspakkinn
lofar góðu og allir vita að mjög
sennilega þarf að grípa til frekari
aðgerða til að afstýra miklu atvinn-
leysi og vanda í efnahagsmálum.
Hvort Reykjavíkurborg hefur svig-
rúm til að fara í miklar fram-
kvæmdir til að sporna gegn sam-
drætti er annað mál. Ég hef hins
vegar trú á að lægðin sem er fram-
undan verði ekki langvinn, enda
eru innviðir íslensks samfélags
sterkir. Almennt sagt er fólk nú að
feta sig áfram í gjörbreyttu um-
hverfi. Fyrir móður 7 og 14 ára
barna hefur verið krefjandi að setja
sig inn í námsefni þeirra og leið-
beina – en þjappar okkur saman.“
Valgerður Umræðu- og úrlausnar-
efnin eru allt önnur en var.
Lægðin
verður ekki
langvinn
„Skipstjóri hér í Grindavík sagði oft
að aldrei hefði gert svo vont veður
að ekki lygndi og hægt væri að sigla
út úr storminum. Mér finnst þjóðin
hafa verið fljót að aðlagast nýjum
aðstæðum,“ segir Eiríkur Óli Dag-
bjartsson, útgerðarstjóri frysti-
skipa hjá Þorbirni í Grindavík.
„Útgerð og vinnsla Þorbjarn-
arins er í fullum gangi þó að sala af-
urða hafi dregist saman. Meira af
fiski fer í salt en minna er unnið
ferskt í landvinnslu. Lífinu nú al-
mennt má líkja við að bíll hafi verið
færður úr 5. gír niður í 1. og sett í
lága drifið. Ég kann því ekkert illa
og dægradvölin er langir göngu-
túrar sem við konan mín tökum.
Nei, ég er ekkert svartsýnn á stöð-
una enda höfum við frábært fólk í
forystu. Þar hef ég sérstaklega
gaman af því að fylgjast með Þór-
ólfi Guðnasyni sóttvarnalækni en
saman erum við í hljómsveitinni
The backstabbing Beatles. Þar sýn-
ir læknirinn frábæra takta þegar
hann plokkar bassastrengi og tekur
lögin með Paul MaCartney af
snilld.“
Eiríkur Óli Læknirinn Þórólfur sýn-
ir takta þegar hann plokkar bassa.
Hægt að
sigla út úr
storminum
„Þríeyki Víðis, Ölmu og Þórólfs er
sterkt; þau miðla upplýsingum af
mennsku og staðfestu svo sú tilfinn-
ing hefur myndast meðal almenn-
ings að við komumst heil í gegnum
þessa erfiðu tíma. Samstaðan á þess-
um erfiðu tímum er eftirtektarverð
og þolgæðið sem fólk almennt sýn-
ir,“ segir Aldís Rut Gísladóttir,
prestur við Langholtskirkju í
Reykjavík.
„Vissulega eru margir óttaslegnir
yfir ástandinu, eins og ég hef fundið
í sálgæsluviðtölum. Slíkt er eðlilegt
og mikilvægt að fólk tjái kvíða og
vanlíðan. Orkan mun nú beinast í
mun uppbyggilegri og jákvæðari
farveg sem mun gagnast við úr-
vinnslu þessa áfalls. Mér finnst frá-
bært að við höfum látið læknum og
vísindafólki eftir að ráða för og að-
gerðum. Mikið álag er á heimilum
þar sem skóla- og frístundastarf er í
ládeyðu og vissulega hefur verið
áskorun fyrir mig sem móður eins
og marga aðra að þurfa að aðstoða
börnin með lærdóminn, vera píanó-
kennari og fimleikaþjálfari. Allt í
senn og bara gaman.“
Aldís Rut Höfum látið læknum og
vísindafólki eftir að ráða för.
Orkan bein-
ist í jákvæð-
an farveg
„Næstu ár eru tími mikilla tækifæra
til endurskipulagningar og sóknar.
Ísland verður enn stærri framleið-
andi á matvælum með óvæntri að-
komu landbúnaðar og nýrra tæki-
færa þar, ásamt sjávarútvegi og
ferðaþjónustu,“ segir Bergsteinn
Einarsson, framkvæmdastjóri Sets
hf. á Selfossi. Hjá fyrirtækinu eru
framleidd plaströr og slíkt og þar er
nú algjör aðgreining á milli starfs-
stöðva og vakta í framleiðslu.
„Ég hef unnið heima í þrjár vikur
og það hefur gefist vel með nútíma-
samskiptatækni yfir netið. Hef lítið
þurft að fara út á meðal fólks en í
þau skipti hefur gengið vel að halda
reglur um aðskilnað. Það er aðdáun-
arvert að fylgjast með sérfræðingum
okkar takast á við vandann og miðla
daglega upplýsingum til þjóð-
arinnar. Um leið hefur álit almenn-
ings aukist á stjórnmálamönnum eft-
ir því sem þeir hafa gert minna vart
við sig. Aðgerðir ríkisstjórnarinnar
sýnast mér góðar, en COVID-19-
vandinn mun hafa alvarleg áhrif á
heimsvísu og alþjóðahagkerfið verð-
ur töluverðan tíma að jafna sig. “
Bergsteinn Tími mikilla tækifæra
til endurskipulagningar og sóknar.
Hefur alvar-
leg áhrif á
heimsvísu
„Þegar Norðmenn hertu aðgerðir
og gripu til ráðstafana vegna veir-
unnar hætti mér að lítast á blikuna.
Í hruninu 2008 var ég í Svíþjóð og
því fylgdu erfiðir tímar fyrir Ís-
lendinga. Ég vildi ekki lenda aftur í
neinu sambærilegu,“ segir Gréta
Bergrún Jóhannsdóttir á Þórshöfn.
Hún vinnur að doktorsverkefni á
sviði byggðamála og var í skipti-
námi í Þrándheimi í Noregi á vor-
önn. Ákvað fimmtudaginn 12. mars
að fara til Íslands og flaug heim
daginn eftir með drengina sína tvo,
8 og 10 ára, sem voru með ytra.
„Við vorum tvær vikur sóttkví en
nú eru strákarnir farnir í skólann
sinn sem er að vísu starfræktur
bara annan hvern dag. Hér á Þórs-
höfn á Langanesi er sjávarútvegur í
aðalhlutverki í atvinnulífinu og sú
starfsemi gengur enn. Uppsveifla
síðustu ár til dæmis í ferðaþjónustu
hefur ekki náð hingað að sama
marki og annars staðar, svo ég
vænti að höggið verði ekki mikið.
Frekar trúi ég að ferðaþjónustan
hér njóti góðs af ef Íslendingar
ferðast mikið innanlands í sumar.“
Gréta Bergrún Ég vænti að höggið
hér á svæðinu verði ekki mikið.
Flúði heim
frá námi
sínu í Noregi
Morgunblaðið/Eggert
Skimun Hjúkrunarfræðingur í hlífðargalla með hanska úti við sýnatöku.
Samfélagið í
hlutlausum gír
Kórónuveiran nær nú orðið til landsins alls, þús-
undir fólks eru í sóttkví og 1.220 smit af covid-19
eru staðfest. Samfélagið hefur verið sett í hlut-
lausa gírinn og samkomubann gildir út aprílmán-
uð. En svo kemur betri tíð, rétt eins og viðmæl-
endur Morgunblaðsins – hver á sínu landshorninu
– benda á og sjá tækifæri í stöðunni. sbs@mbl.is