Morgunblaðið - 02.04.2020, Side 30

30 FRÉTTIRInnlent
MORGUNBLAÐIÐ FIMMTUDAGUR 2. APRÍL 2020
ER BROTIÐ Á ÞÉR?
Slys valda heilsutjóni og þjáningum. En það er ekki síður sárt þegar starfsorkan
skerðist og áætlanir um framtíðina bregðast. Því fylgir óvissa og áhyggjur.
Ef þú hefur orðið fyrir slysi þá skaltu hafa samband við Bótarétt sem fyrst.
Það kostar ekkert að kanna málið. Við metum stöðu þína og skoðum síðan málin
ofan í kjölinn. Þú getur látið þér batna á meðan við sækjum rétt þinn.
HRINGDU Í BÓTARÉTT Í SÍMA 520 5100 OG ÞÚ FÆRÐ ÞITT.
botarettur.is
Það var vetrarríki hvarvetna og fáir á ferli þegar
Ragnar Axelsson ljósmyndari skrapp út á land nýverið.
Ferðalagið var ef til vill ekki svo ólíkt því þegar Palli
var einn í heiminum og greint er frá í vinsælli barna-
bók. Varla sást bíll á gjörvöllum hringveginum. Hér og
þar mátti sjá einn og einn mann á ferli og var engin
hætta á að fjarlægðarmörk væru ekki virt. Kona ein
var að viðra hundinn sinn uppi við Kjósarskarðsveg og
naut víðáttunnar sem teygði sig svo langt sem augað
eygði. Karl var að skokka niðri í Hvalfirði og hafði all-
an þjóðveginn út af fyrir sig.
Norður í Húnaþingi var myndarlegt hrossastóð í
girðingu og naut útiverunnar, enda hafði það nóg hey
að éta. Stóðið hafði augljóslega ekki heyrt af tilmælum
heilbrigðisyfirvalda. Hestarnir stóðu þétt og miklu
minna en tveir metrar á milli margra þegar þeir virtu
komumann fyrir sér. Af svipnum má ráða að þeir hafi
ekkert skilið í því hvað hann var að vilja. Raunar þurfa
blessuð húsdýrin ekki að hafa sömu áhyggjur af kór-
ónuveirunni og mannfólkið sem hún leggst á og því
miður stundum með alvarlegum afleiðingum. Í því sam-
bandi er allur varinn góður og eins gott að læra að
njóta einveru og sé hennar ekki kostur að halda sig þá í
öruggri fjarlægð frá næsta manni og mönnum.
Veturinn virðist ekki ætla að sleppa takinu á landinu
okkar næstu dagana. Spáð er norðlægum áttum, kulda
og snjókomu eða éljum víða um land. Við getum þó
huggað okkur við það að daginn lengir sífellt og sum-
arið mun koma þegar því þóknast.
gudni@mbl.is
Morgunblaðið/RAX
Eins og þegar Palli var einn í heiminum