Morgunblaðið - Sunnudagur - 05.04.2020, Blaðsíða 2

Hvað kom til að Spaugstofan ákvað að koma
saman og búa til hlaðvarp?
Vegna ástandsins í dag langaði okkur að leggja lítið lóð á
vogarskálarnar og reyna að hafa smá gaman.
Hvernig ætlið þið að finna eitthvað spaugi-
legt við ástandið?
Allir heimurinn er sem betur fer að reyna að líta á spaugi-
legu hliðarnar þótt þetta sé auðvitað grafalvarlegt. Ekki ger-
um við lítið úr því. En spaugilega hliðin er hvernig við bregð-
umst við og hegðum okkur í þessum undarlegu
kringumstæðum, eins og í sóttkví heima hjá okkur eða að
hamstra klósettpappír.
Geta Bogi og Örvar virt tveggja metra regluna?
Nei, ég á bágt með að trúa því. Þeir eru reyndar í góðum málum
því það er spritt á hverju götuhorni. Þeir þurfa að passa sig sér-
staklega vel. Það er hætt við að sprittið fari annars staðar en á
hendurnar á þeim.
Verður gert grín að þremenningunum Víði, Ölmu
og Þórólfi?
Já, þetta ágæta fólk, þau sleppa ekki neitt. En ég held þau taki því
afskaplega vel.
Er þetta upphafið að endurkomu Spaugstofunnar?
Það er ómögulegt að segja. Við finnum að við erum í stuði og það
er aldrei að vita hvað gerist.
Eru þið allir frískir?
Já, sjö, níu, þrettán. Við höldum þriggja metra reglu á vinnu-
fundum. Við viljum hafa vaðið fyrir neðan okkur og höfum það
þrjá metra!
Morgunblaðið/Kristinn Magnússon
SIGGI SIGURJÓNS
SITUR FYRIR SVÖRUM
Gósentíð hjá
Boga og Örvari
Í FÓKUS
2 MORGUNBLAÐIÐ SUNNUDAGUR 5.4. 2020
Hann var í hrókasamræðum þegar við komum inn í lestina. Ekki viðfólk af holdi og blóði, heldur stafla af samanbrotnum pappakössum.Skyndilega fletti hann upp á einum þeirra í staflanum og las honum
pistilinn, svo eftir var tekið. Á því augnabliki grét ég það að vera ekki sleipari
í frönskunni en hann gæti hæglega hafa sagt: „Þú ert nú meiri pappakass-
inn!“ Af hverju var maðurinn að þessu? hugsar þú nú með þér, lesandi góður.
Jú, auðvitað. Hefði hann talað við sjálfan sig hefði fólk getað haldið að hann
væri eitthvað skrýtinn!
Svo var það pilturinn, ugglaust á
einhverju rófi, sem stóð einn úti í
horni í lestinni í Lundúnum og söng
úr sér lungun, níðsöngva um knatt-
spyrnuliðið sem hann fæddist til að
hata. Við horfðum hvert á annað, ég,
sonur minn og tengdadóttir, og
hugsuðum það sama: Við getum ekki
látið hann syngja einan! Þess vegna
tókum við undir með honum og áður
en við vissum var allur klefinn byrj-
aður að syngja hástöfum, stappa og
lemja í veggi. Svipurinn á piltinum.
Þvílík stemning, þvílík stund.
Annar maður, litlu eldri, var að
minnsta kosti sex víddum frá okkur hinum í lestinni í París vegna áfengis- og
ugglaust fíkniefnaneyslu. Getur ekki hafa haft hugmynd um hvar hann var
staddur í heiminum. Svo kláraðist bjórdósin; alveg sama hvað hann reyndi,
ekki kom dropi úr henni meir. Næst þegar lestin nam staðar sikksakkaði
okkar maður út á pall og tók óljósa stefnu á ruslakörfu með dósina. Bingó,
„layöpp“, tvö stig. Afrek út af fyrir sig. Því næst sneri hann óvænt við og
sikksakkaði aftur inn í lestina rétt áður en hurðin skall aftur. Hann var þá
ekki á leiðinni út, bara svona annálað snyrtimenni. Og með allt sitt á hreinu.
Loks var það þegar ég var seinastur inn í lestina í Róm og klemmdist í dyr-
unum. Sat fastur en slapp inn af harðfylgi og með hraðan hjartslátt. Til þess
eins að eldri kona lét eldi og brennisteini rigna yfir mig, á móðurmáli þeirra
Rómverja. „Af hverju er konan svona reið?“ spurði ég son minn. „Vegna þess
að þú barðir manninn hennar,“ svaraði hann um hæl. Varð mér þá litið á
mann á níræðialdri í keng við hliðina á mér; ég hafði sumsé rekið olnbogann í
bringspalirnar á honum í öllum látunum. Bað hann auðmjúklega afsökunar
sem hann tók til greina. Augu konunnar hans skutu áfram gneistum.
Það er vitaskuld illa ráðið á ferðast með neðanjarðarlestum á þessum sein-
ustu og verstu tímum en þegar pestin víkur og ég kemst aftur til útlanda
verð ég fljótur að leita eina slíka uppi. Þaðan á ég dásamlegar minningar.
Neðan jarðar,
ofar skýjum
Pistill
Orri Páll
Ormarsson
orri@mbl.is
’ Af hverju er konansvona reið?“ spurði égson minn. „Vegna þess aðþú barðir manninn
hennar,“ svaraði hann
um hæl.
Arndís Thorarensen
Ég ætla að vera heima og hafa
það gott.
SPURNING
DAGSINS
Hvað ætlar
þú að
gera um
páskana?
Haukur Örn Birgisson
Ég verð líklegast heima, samkvæmt
ráðleggingum lækna.
Camilla Þórsdóttir
Ég verð bara heima. Göngutúrar
og innivera.
Sindri Sigurðarson
Ég ætla að slaka á heima og spila
Call of Duty: Warzone með félögun-
um. Og gera heimaæfingar til að
halda mér í formi.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri og
umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Spaugstofan hefur komið saman að gerð hlaðvarpsþátta í samstarfi við
RÚV og Þjóðleikhúsið. Þeir fara í loftið á sunnudögum um hádegisbil
og eru síðan aðgengilegir á ruv.is undir nafninu Spaugvarpið.
Dolorin
Hita- og verkjastillandi paracetamól
Á HAGSTÆÐUVERÐI!
Reykjavíkurvegur 62 | Sími 527 0640 | 220 Hafnarfjörður | www.wh.is
Lesiðvandlegaupplýsingarnaráumbúðumogfylgiseðli
fyrir notkun lyfsins.
Leitið til lækniseða lyfjafræðingsséþörfá frekari
upplýsingumumáhættuogaukaverkanir.
Sjá nánari upplýsingar um lyfið á www.serlyfjaskra.is
Nýjar umbúðir
Dolorin500mg
paracetamól töflur -
20stkog30stk
Nú finnur þú
það sem þú
leitar að á
FINNA.is