Morgunblaðið - Sunnudagur - 05.04.2020, Blaðsíða 29
bræðurnir eru sem kunnugt er báðir
farnir; Dimebag var myrtur á
miðjum tónleikum árið 2004 og Vinny
Paul fylgdi honum fyrir tveimur ár-
um. Í sömu viku og Slayer lék í Laug-
ardalnum. Banamein hans var
hjartasjúkdómur.
Allt útlit er fyrir að Tom Araya,
bassaleikari og söngvari Slayer, sé
sestur í helgan stein. „Tom endur-
skoðar aldrei sínar ákvarðanir,“
sagði eiginkona hans, Sandra, sem
frægt var í samtali við málmgagnið
Metal Pulp And Paper. Þannig að
ekki er hann orðaður við verkefnið.
Ekki heldur Dave Lombardo, sem
upphaflega lamdi húðir með bandinu.
Jeff Hanneman gítarleikari hélt á
fund feðra sinna árið 2013.
Sterkur þráður var á sínum tíma
milli Slayer og Pantera og mikil vin-
átta; ekki síst milli Dimebag og
Kerry King. Sá síðarnefndi henti
meira að segja í eitt stykki „outro“ í
laginu Goddamn Electric sem var á
síðustu plötu Pantera, Reinvetning
the Steel, árið 2000 og kom fram sem
gestur á tónleikum.
Lítið hefur spurst til King eftir
kveðjutónleika Slayer en hann skrif-
aði þó undir nýjan samning við gítar-
framleiðandann Dean, sem eitt af
andlitum merkisins, fyrr á þessu ári
og sagði við það tækifæri: „Orðum
þetta svona ... Dean samdi ekki að
ósekju við mig.“ Allt bendir því til
þess að við eigum eftir að sjá King
aftur á sviði í framtíðinni; hann hefur
á hinn bóginn ekki sagt orð um sam-
starf við Anselmo og sína gömlu fé-
laga Bostaph og Holt.
Gary Holt, eða Garðar í Holti, eins
og við köllum hann hér um slóðir,
hefur fremur slegið úr en í. Hann ein-
beitir sér nú að sínu gamla þrass-
bandi, Exodus, sem lánaði hann yfir í
Slayer á sínum tíma vegna veikinda
og síðar andláts Hannemans, og
hyggst gera það áfram.
Annars er það af Garðari að frétta
að hann var eitthvað rotinpúrrulegur
við komuna heim úr tónleikaferð með
Exodus í nýliðnum mánuði og þar
sem einkennin rímuðu við kór-
ónuveiruna skellti hann sér í próf.
Niðurstaðan kom ekki fyrir en ellefu
dögum síðar og reyndist jákvæð. Í
millitíðinni hafði okkar manni á hinn
bóginn batnað. Að vísu 7,3 kg léttari.
„Það er svo langt síðan einkennin
hurfu að ég má loksins gera það sem
mér sýnist aftur. Mér líður vel og
heilsan virðist vera 100%,“ sagði Holt
á Instagram.
Deildi hart við bræðurna
Nú kunna menn að velta fyrir sér
hvort Kerry King hafi yfir höfuð
áhuga á samstarfi við Philip Anselmo
en eins og menn muna þá fuðraði
Pantera upp árið 2001 eftir langvar-
andi illdeilur milli hans og Abbott-
bræðra. Svo langt gekk hnútukastið
að Anselmo lýsti því yfir í frægu við-
tali við Metal Hammer að hann ósk-
aði þess að Dimebag yrði „barinn í
strimla“ í tölublaði sem kom út í
sama mánuði og Dimebag var myrt-
ur. Það, og ugglaust fleira, varð til
þess að Anselmo var lengstra orða
beðinn um að halda sig víðsfjarri þeg-
ar gítarleikarinn var lagður í mold.
Anselmo iðraðist síðar orða sinna
og gjörða, baðst afsökunar og leitaði
eftir sáttum við hinn bróðurinn,
Vinny Paul. Þeir náðu ekki að slíðra
sverðin með formlegum hætti áður
en sá síðarnefndi kvaddi.
Ekki nóg með það. Anselmo gekk
hressilega fram af mörgum þegar
hann lauk flutningi sínum á minning-
artónleikum um Dimebag árið 2016
með því að heilsa að nasistasið og
grenja „hvítur máttur“ yfir hausa-
mótunum á viðstöddum. Fékk að
vonum dembuna yfir sig í framhald-
inu; m.a. hlóð Robb Flynn úr Mach-
ine Head í hálftímalangt myndband
og lagði til að Anselmo yrði úthýst úr
málmheimum í eitt skipti fyrir öll.
Komið væri nóg.
Anselmo maldaði í móinn; kvaðst
hafa verið að spauga; „hvítur máttur“
hafi verið tilvísun í hvítvínið sem beið
hans baksviðs. Nefndi þó ekki þrúg-
una. Enginn sem þekkir Anselmo
minnist þess að hafa séð hann dreypa
á hvítvíni eftir gigg.
En allt um það. Færu King og An-
selmo í samstarf yrði það án efa túlk-
að sem vísir að sáttum enda þótt
hæpið sé að King búi að formlegu
umboði frá Abbott-bræðrum. King
og Anselmo eru í öllu falli í sambandi
en sá síðarnefndi hitaði upp fyrir Sla-
yer á einhverjum tónleikum á kveðju-
túrnum ásamt bandinu sínu, The
Illegals.
Upptakturinn að Slaytera?
Kerry King er hold-
gervingur þrassins.
Morgunblaðið/Árni Sæberg
5.4. 2020 MORGUNBLAÐIÐ SUNNUDAGUR 29
SJÓNVARP Kanadíski háðfuglinn
Mae Martin hefur verið að fá góða
dóma í erlendum miðlum fyrir smá-
seríuna Feel Good, sem meðal ann-
ars má finna á efnisveitunni Net-
flix. Þættirnir, sem hún skrifar sjálf
ásamt Joe Hampson, eru að ein-
hverju leyti sjálfsævisögulegir en
Martin leikur tvíhneigðan sviða-
gjamma, ellegar uppistandara, og
fíkil í bata sem berst í bökkum í
stórborginni Lundúnum. Engin
önnur en Lisa Kudrow, Phoebe úr
Friends, leikur móður hennar.
Sjálfsævisöguleg þeysireið
Úr sjónvarpsþáttunum Feel Good.
Netflix
Síðastliðin ár hefur lestur fagur-
bókmennta hjá mér aukist til
muna, en því miður var ég ekki
mikill lestrarhestur sem barn.
Þessi yndislestur byrjaði af alvöru
fyrir tæplega fjórum árum þegar
ég fór ein í þriggja mánaða inter-
rail-ferð um Evrópu. Bækur eru
hinn besti ferðafélagi og mér
þykir fátt betra en að prófa ný
kaffihús með góða bók sem
félagsskap, þótt vinir geti jú verið
ágætir líka. Drífa systir mín er
mín fyrirmynd á þessu sviði og
ég fæ mikið af bókameðmælum
frá henni. Hún kynnti mig fyrir
smáforritinu Good-
reads sem er eins-
konar bóka-
samfélag og algjör
snilld fyrir lestrar-
hesta með snjall-
síma.
Ungfrú Ísland eft-
ir Auði Övu er ein
af mínum uppáhaldsbókum og
Factfulness eftir Hans Rosling
mæli ég með fyrir hvern sem er.
Why I’m No Lon-
ger Talking to
White People Abo-
ut Race eftir Reni
Eddo-Lodge,
Educated eftir Tara
Westover og Dýra-
garðsbörnin eftir
Christiane F. eru
einnig bækur sem sátu virkilega
eftir hjá mér.
Ef ég ætti að velja uppáhalds-
bókaflokk þá væri það skáldsögur
en einnig flakka ég mikið á milli
ævisagna, ljóða-
bóka, „sjálfshjálp-
arbóka“ og glæpa-
sagna. Ég er mjög
meðvituð, þökk sé
Heiði vinkonu
minni, um að hafa
ákveðinn fjölbreyti-
leika í fyrirrúmi þegar kemur að
höfundum bóka sem ég les, hvort
sem það snýr að kyni eða kyn-
þætti. Búandi erlendis hef ég
einnig í huga að lesa bæði á ís-
lensku og ensku til að viðhalda
og auka orðaforða á báðum
tungumálum.
Þegar mínir nánustu eru í
vandræðum með
gjafir bið ég hik-
laust um þeirra
uppáhaldsbók eða
einhverja bók sem
skildi mikið eftir
sig. Upp úr krafs-
inu hef ég meðal
annars haft bæk-
urnar Engan þarf að öfunda og
Veröld sem var, báðar stórkost-
legar, sem Atli bróðir minn gaf
mér.
Síðasta bók sem ég lauk við
var Um tímann og vatnið eftir
Andra Snæ sem varpar mik-
ilvægu ljósi á ógnvekjandi heims-
ástand vegna hnattrænnar hlýn-
unar og
loftslagsbreytinga
fyrir utan að vera
bæði fallega og
skemmtilega skrif-
uð. Núna er ég að
lesa Colorless
Tsukuru Tazaki
and His Years of Pilgrimage eftir
einn af mínum uppáhalds-
höfundum, Haruki Murakami, en
næst á dagskrá er A Little Life
eftir Hanya Yanagihara og Why
We Sleep eftir Matthew Walker.
ÁSRÚN ÍSLEIFSDÓTTIR ER AÐ LESA
Hinn besti ferðafélagi
Ásrún Ísleifs-
dóttir er
mastersnemi í
Berlín.
BÓKSALA 25.-31. MARS
Listinn er tekinn saman af Eymundsson
1 Þögla stúlkan Hjort & Rosenfeldt
2
60+ Hreyfing, æfingar og
teygjur fyrir 60 ára og eldri
Fannar Karvel
3 Brúin yfir Tangagötuna Eiríkur Örn Norðdahl
4 Litlar konur Louisa May Alcott
5 Glæpur við fæðingu Trevor Noah
6 Hvítt haf Roy Jacobsen
7 Bara þú Ninni Schulman
8 Heillaspor Gunnar Hersveinn o.fl.
9 Ennþá ég Jojo Moyes
10 Dagbók bóksala Shaun Bythell
1 Vertu ósýnilegur Kristín Helga Gunnarsdóttir
2
Skjaldbökur alla leiðina
niður
John Green
3 172 tímar á tunglinu Johan Harstad
4 Vetrarfrí Hildur Knútsdóttir
5 Hvísl hrafnanna 2 Malene Sølvsten
6
Strandaglópur
á krossgötum
Beka/Marko/Cosson
7 Húsið í september Hilmar Örn Óskarsson
8 Feigðarflótti Elí Freysson
9 Sæþokan Hafsfólkið 2 Camilla Sten/Viveca Sten
10 Úlfshjarta Stefán Máni
Allar bækur
Ungmennabækur
STOFNAÐ 1956
Glæsileg íslensk
hönnun og smíði
á skrifstofuna
Bæjarlind 8–10
201 Kópavogur
Sími 510 7300
www.ag.is
ag@ag.is
Fyrir Á. Guðmundsson starfa íslenskir, vel menntaðir
arkitektar sem hafa þróað húsgögn og hönnunargripi
sem skapa notalegt andrúmsloft. Hver hlutur ber einkenni
klassískrar hönnunar en er einnig fallegur smíðisgripur sem
er þægilegt að nota og sómir sér vel á skrifstofunni.