Morgunblaðið - Sunnudagur - 05.04.2020, Blaðsíða 15
Gylfi Þór Þorsteinsson, umsjón-
armaður Farsóttarhúss, tekur á móti sýkt-
um einstaklingum sem ekki geta verið í
einangrun annars staðar. „Ég sinni fólkinu
sem hér er ásamt sjálfboðaliðum Rauða
krossins, en við erum með vakt allan sól-
arhringinn. Við færum þeim mat og sinn-
um félagslegum samskiptum því þau eru
hér lokuð inni í litlum herbergjum. Svo
fylgjumst við með heilsufarinu. Ég er búinn
að vera hér í mánuð og er hér dag og nótt.
Ég hef farið heim í þrjár nætur en hitti eng-
an utan vinnunnar. Hér þarf ég að vera í
hlífðarfötum þegar ég fer inn til sjúkling-
anna. Starfið gengur vel þótt það reyni á
andlegu hliðina hjá fólki og það er mis-
veikt. Þetta er ekkert auðvelt.“
Tonny Espersen strætisvagnabílstjóri segir að farþegum hafi fækkað veru-
lega. „Við finnum mikinn mun og höfum fækkað ferðum. Nú er keyrt alla daga
eins og á laugardögum. Við höfum gert ýmsar varúðarráðstafanir, eins og að
hleypa farþegum aðeins inn að aftan. Það er lokað fyrir með bandi fjórum
sætum fyrir aftan bílstjórann til að fólk þurfi ekki að koma alveg að okkur. Við
erum því nokkuð öruggir og ég er alls ekki smeykur. Fólkið sem kemur í vagn-
inn skannar vel yfir sætin og velur sér sæti frá öðrum. Eftir vinnuna fer ég
beint heim og fer ekkert annað.“
Tinna Snorradóttir, leiðbeinandi á leikskólanum Austurkór, segir
starfið hafa breyst töluvert undanfarið. „Það er búið að skipta hópnum
upp í tvo hluta og krakkarnir skiptast á að vera heima. Það er ákveðin
pressa að vinna undir þessum kringumstæðum en maður fær svo mikla
ást frá börnunum að lundin léttist við það. Við brýnum fyrir börnunum
að þvo sér vel um hendur og sprittum allt dót eftir daginn.“
Árni Friðleifsson, aðalvarð-
stjóri umferðardeildar, segir nú
annars konar álag en áður. „Við
finnum fyrir því að samfélagið
hefur mikið róast og í dag er
40% minni umferð en áður hér
á höfuðborgarsvæðinu. Við höf-
um áhyggjur af páskaumferðinni
og tökum undir það með al-
mannavörnum að fólk eigi að
halda sig heima um páskana.
Það er margt lokað en lögreglan
lokar aldrei og við erum til taks
allan sólarhringinn. Við höfum
orðið vör við fleiri útköll í
heimahús um helgar og þess má
geta að samkomubannið nær
einnig yfir heimahús og mega þá
ekki vera þar fleiri en tuttugu
manns saman. Í útköllum í
heimahúsum notum við grímur
og hanska og virðum tveggja
metra bilið en þegar þarf að
handtaka menn gerum við und-
anþágu.“
5.4. 2020 MORGUNBLAÐIÐ SUNNUDAGUR 15