Fréttablaðið - 10.09.2020, Blaðsíða 39

REYKJAVÍKURBORG
ÚTNEFNDI REYKJAVÍK
ENSEMBLE LISTHÓP REYKJA-
VÍKUR ÁRIÐ 2020.
Kolbrún
Bergþórsdóttir
kolbrunb@frettabladid.is
Reyk jav ík Ensemble endurfrumsýnir leik­sýninguna Polishing Iceland, eða Ísland pólerað, í Tjarnarbíói, f i m mt ud ag i n n 17.
september klukkan 20.30. Verkið
byggir á sjálfsævisögulegu smá­
sagnasafni Ewu Marcinek í leikgerð
og leikstjórn Pálínu Jónsdóttur.
Sýningin var frumsýnd þann 11.
mars síðastliðinn og hlaut góðar
viðtökur gagnrýnenda og áhorf­
enda, en var lokað strax að lokinni
frumsýningu vegna kórónaveiru­
faraldursins.
Efniviður sýningarinnar er leik­
inn á þremur tungumálum, ensku,
íslensku og pólsku og koma f lytj­
endurnir frá Póllandi, Íslandi og
Danmörku. Aðalhlutverkið er í
höndum Magdalenu Tworek sem
lék í fyrstu sýningu Reykjavík
Ensemble, Opening Ceremony.
Önnur hlutverk eru leikin af Pétri
Óskari Sigurðssyni, sem er þekktur
fyrir hlutverk sín í þáttaröðinni
Ófærð og kvikmyndunum Grimmd
og Andið eðlilega, og Michael Rich­
ardt gjörningalistamanni sem geng­
ur til liðs við Reykjavík Ensemble í
frumraun sinni á íslensku leiksviði.
Íslensk­kanadíska sviðslistakonan
Angela Rawlings er dramatúrgur
sýningarinnar.
Hið alþjóðlega leikfélag Reykja­
vík Ensemble var stofnað haustið
2019 af Pálínu Jónsdóttur leikstjóra,
sem er listrænn stjórnandi þess, og
samstarfskonu hennar Ewu Marc­
inek, verkefnastjóra og rithöfundi.
Tilgangur leikfélagsins er að búa
til virkan atvinnuvettvang innan
íslenskrar leiklistar fyrir fjölþjóð­
lega sviðslistamenn.
Reyk jav í k u r b or g út ne f nd i
Reyk jav ík Ensemble Listhóp
Reykjavíkur árið 2020 og leikfélagið
var tilnefnt til Grímuverðlaunanna
sem Sproti ársins í ár.
Sýningar verða í Tjarnarbíói 17.,
20. og 25. september, klukkan 20.30.
Ísland pólerað aftur í Tjarnarbíói
Verkið er flutt af Reykjavík Ensemble og byggir á sjálfsævisögulegum sögum Ewu
Marcinek. Leikið er á þremur tungumálum og flytjendur eru frá þremur löndum.
Sýningar á Polishing Iceland  hefjast á ný í næstu viku. MYND/PATRIK ONTKOVIC
Úlfar Bragason, rannsóknar­prófessor emeritus, f lytur opinberan f y r irlestur í
hátíðasal Háskóla Íslands á fæð­
ingardegi dr. Sigurðar Nordals,
mánudaginn 14. september nk., kl.
17.00. Fyrirlesturinn nefnist: Snorri
Sturluson.
Á þessu ári eru hundrað ár liðin
frá því eitt af grundvallarritum svo­
nefnds íslenska skóla í rannsóknum
á fornbókmenntum, Snorri Sturlu­
son, eftir Sigurð Nordal, kom út.
Heimildir okkar um Snorra Sturlu­
son eru ekki margbrotnar, raunar
hvorki um ævi hans né ritstörf.
Helst þeirra er Sturlungusamsteyp­
an, einkum Íslendinga saga sem höf­
undur Sturlunguformála eignar rit­
stofu Sturlu Þórðarsonar lögmanns
(1284). Sigurður Nordal notaði
einnig þau rit sem kennd hafa verið
Snorra, sem heimildir um hann. Í
fyrirlestrinum verður fjallað um
myndina, sem Sigurður Nordal dró
upp af Snorra, og hún borin saman
við lýsinguna á Snorra í Íslendinga
sögu Sturlu Þórðarsonar.
Myndin af Snorra
Úlfar Bragason flytur fyrirlestur á
mánudag í Háskóla Íslands.
Í Sauna Spa færðu úrval af þurrgufu-, blautgufu-
og infraklefum ásamt fylgihlutum. Við kappkostum
að veita einstaklingum og fagmönnum sérfræðiráðgjöf
varðandi allt sem snýr að hönnun og smíði saunaklefa.
Veldu gæði!

Sérfræðingar
í sauna!
Fjárfesting í vellíðan
Smiðjuvegi 11 s. 571 3770, pall@sauna.is, sauna.is
Velkomin í sýningarsalinn
að Smiðjuvegi 11
M E N N I N G ∙ F R É T T A B L A Ð I Ð 25F I M M T U D A G U R 1 0 . S E P T E M B E R 2 0 2 0