Dagblaðið Vísir - DV - 02.10.2020, Side 27

TÍMAVÉLIN
É g og konan erum búin að fá nóg af þeim trakteringum sem okk­
ur stendur til boða frá ríkinu
í formi sjónvarpsútsendinga.
Dagskráin er verri en dauð,
það stafar fnyk af henni frá
skjánum; drungi, leiðindi,
sori og svartnætti,“ sagði
Knútur nokkur við DV í des­
ember 1999. Knútur tók því
fagnandi nýjustu viðbótinni í
ljósvakamiðlum þjóðarinnar
um aldamótin: Skjáeinum
sem í dag heitir Sjónvarp
Símans. „Stuttar, lifandi en
ögrandi fréttir, léttir þættir
frá gömlu góðu árunum og
svo Egill Helgason á sunnu­
dögum með aldeilis frábær
viðtöl sem eru um hitamálin
og þau sett fram eins og á að
gera. Ég vel Skjáeinn um­
fram aðrar rásir.“
Ungur athafnamaður
Kornungur athafnamaður
horfði á sjónvarp kvöld eitt
árið 1999. Nýlega hafði ný
sjónvarpsrás, Skjáreinn,
farið í loftið þó ekki væri um
frumgerða dagskrárgerð að
ræða heldur nostalgíurás sem
fleygði áhorfendum aftur í
tímann með þáttaröðum á
borð við Dallas, I love Lucy og
The Brady Bunch. Þessi ungi
athafnamaður var Árni Þór
Vigfússon, prestssonur sem
þrátt fyrir ungan aldur átti að
baki gífurlega farsælan feril.
Hann og viðskiptafélagi
hans, Kristján Ra. Kristjáns­
son settu upp einleikinn Hell­
isbúann sem hafði sprengt
alla vinsældaskala og hefur
því Árna að líkindum fund­
ist hann geta sigrað heiminn,
enda lét hann slag standa.
Árni og Kristján, ásamt Ey­
þóri Arnalds, keyptu Skjáeinn
af þáverandi eigendum, Hólm­
geiri Baldurssyni og Róberti
Árna Hreiðarssyni (síðar Ró­
bert Downey).
Stanslaust stuð
„Ég býð því öllum ungum
andans mönnum góða endur­
gjaldslausa skemmtun á
SKJÁEINUM í vetur og um
ókomna framtíð,“ sagði Árni
Þór í kynningarblaði Skjás­
eins þann 21. október 1999
þegar stöðin fór í loftið. Strax
fóru í loftið þættir sem hafa
orðið ódauðlegir með tíð og
tíma, Innlit/Útlit með Völu
Matt, Silfur Egils með Agli
Helgasyni og síðar bætt­
ust við gullmolarnir Djúpa
laugin með Dóru Takefusa
og Íslensk kjötsúpa með Erpi
Eyvindarsyni svo dæmi séu
tekin.
Mikið af ungu og lítið
reyndu fólki kom að Skjá­
einum í upphafi, enda Árni og
Kristján báðir rétt skriðnir
yfir tvítugt. Markhópur
Skjás eins var því eðlilega
unga fólkið og þótti stöðinni
FÓKUS 27DV 2. OKTÓBER 2020
Erla Dóra
Magnúsdóttir
erladora@dv.is
„Ég vel Skjáeinn
umfram aðrar rásir“
Sjónvarpsstöðin sem hafði íslenskt efni í hávegum var fjármögnuð
með ágóða af einu umfangsmesta fjársvikamáli Íslandssögunnar.
takast mjög vel að fanga
landsmenn í yngri kantinum.
Segir sagan að mikið hafi
verið um gleði á nýjum vinnu­
stað þar sem menn brugðu
sér að jafnaði á Prikið eftir
vinnu, en Prikið var einnig í
eigu Árna og Kristjáns. Þeir
félagar urðu þekktir innan
íslenska samkvæmislífsins
fyrir mikinn íburð, kampa­
vín og fallegar konur. Gullöld
Skjáseins hófst strax á fyrsta
degi. Þó leið ekki á löng áður
en ballið var búið.
Fjármagnið og fallið
Það kostar hins vegar sitt að
reka ljósvakamiðil, hvað þá
einn slíkan sem leggur mikla
áherslu á innlenda þáttagerð
með tilheyrandi kostnaði.
Hvaðan fengu tveir 23 ára
karlmenn peningana fyrir
þessum stórræðum? Ljóst var
að þeir höfðu efnast nokkuð á
velgengni Hellisbúans en það
var þó ekki nóg til og veltu
margir fyrir sér hvar gull­
gæsin lægi grafin.
Árni ræddi við Morgun­
blaðið í október 1999 og var
þar spurður hvernig fjár­
mögnum Skjáseins væri
háttað
„Við höfum auðvitað þurft á
gríðarlega mikilli lánafyrir­
greiðslu að halda. Sem betur
fer hefur bankakerfið fengið
aukna trú á ungum, kraft­
miklum mönnum með góðar
hugmyndir, eins og við teljum
okkur vera.
Nú eigum við Kristján 90%
hlutafjár í íslenska sjónvarps­
félaginu og fyrrum eigendur
Nýja bíós, Guðmundur Krist­
jánsson og Guðbergur Davíðs­
son 10% en við erum að ganga
frá samkomulagi við fleiri
fjárfesta. Það eru mjög sterk­
ir aðilar með mikla reynslu
í viðskiptalífinu sem gaman
væri að geta sagt frá en það
verður að bíða.“
Sex árum síðar kom á dag­
inn að hluti þess fjármagns
sem keyrði rekstur Skjáseins
áfram í upphafi var ágóði af
einu umfangsmesta fjársvika­
máli sem þá hafði komið upp
hér á landi, Landssímamálinu.
Fyrir tilstuðlan Svein­
björns Kristjánssonar, bróður
Kristjáns Ra., runnu um 130
milljónir með ólögmætum
hætti frá Landssímanum
yfir í rekstur Skjáseins á ár­
unum 1999­2001 og árið 2005
voru Árni Þór og Kristján
Ra. dæmdir til fangelsis­
vistar fyrir hlut sinn í fjár­
svikunum.
Báru við heimsku
Málið komst upp eftir að
skattrannsóknarstjóri hóf
rannsókn á bókhaldi Skjás­
eins enda virtist reksturinn
ekki standa undir sér. Þá
kom á daginn að stórar fjár­
hæðir höfðu verið lagðar inn
á reikninga tengda Skjáeinum
og komu fjárhæðirnar frá
Landssímanum. Sveinbjörn
var aðalféhirðir Landssím­
ans og játaði hann brot sín
afdrifalaust eftir að upp um
hann komst.
Hins vegar töldu Kristján
og Árni að þeir hefðu ekkert
rangt aðhafst. Þeir hafi tekið
við fjárhæðunum í góðri trú.
Í DV birtist frétt eftir að Árni
og Kristján áfrýjuðu niður­
stöðu héraðsdóms til Hæsta­
réttar undir fyrirsögninni
„Skjábræður verjast í Hæsta­
rétti með heimsku“, en þeir
félagar byggðu vörn sín á því
að það væri ekki ólöglegt að
vera einfaldur eða auðtrúa og
því væru þeir saklausir.
Hæstiréttur beit ekki á það
agnið, en mildaði þó fang­
elsisrefsingu þeirra félaga
um nokkra mánuði. Áður en
Landssímamálið var útkljáð
fyrir dómstólum höfðu bæði
Kristján og Árni sagt skilið
við Skjáeinn og haldið til
nýrra verkefna.
Árið 2012 birtist þáttur af
vinsælu þáttaröðinni Sönn ís­
lensk sakamál þar sem farið
var yfir Landssímamálið og
aðkomu þeirra Kristjáns og
Árna Þórs. Og hvar var þátt­
urinn sýndur? Nú hvar ann­
ars staðar en á Skjáeinum. n
Skjáreinn fór í loftið fyrir rúmlega tveimur áratugum. MYNDIR/TIMARIT.IS