Fréttablaðið - 30.09.2020, Blaðsíða 13

Hildur Rut Ingimarsdóttir, matarbloggari á Trendnet, hefur getið sér góðan orð-
stír með girnilegum og hollum
uppskriftum og komið að útgáfu
nokkurra matreiðslubóka. Kínóa
er hráefni sem Hildur notar mikið,
enda er hún mikill aðdáandi
Quinola.
Hollari valkostur í kínóa
„Allir ættu að innleiða kínóa í sitt
mataræði enda einstaklega hollt
og hægt að gera mikið af bragðgóð-
um réttum úr því,“ segir Hildur.
Kínóa er planta sem á uppruna
sinn í Suður-Ameríku. Uppruninn
nær allt að þrjú til fjögur þúsund
ár aftur í tímann, þegar Inkarnir
áttuðu sig á að fræin í plöntunni
voru hæf til manneldis. Það má
segja að kínóa sé hin fullkomna
ofurfæða en kostir plöntunnar eru
meðal annars:
n Ein próteinríkasta fæða sem
hægt er neyta og inniheldur
allar níu amínósýrurnar sem
líkami okkar þarf.
n Inniheldur allt að tvisvar sinnum
meira af trefjum en önnur grjón.
Neysla á trefjum hjálpar við að
draga úr blóðþrýstingi, minnka
kólesteról og þar af leiðandi
minnka hættu á hjartasjúk-
dómum.
n Inniheldur járn sem hjálpar við
að halda rauðu blóðkornunum
heilbrigðum
n Inniheldur magnesíum sem
meðal annars hjálpar við að
draga úr þreytu.
n Létt og mettandi fæða sem
eykur seddu í lengri tíma.
Einfaldleiki
„Að elda kínóa er ekki eins flókið
og margir halda,“ segir Hildur.
„Gullna reglan er að nota 2 desí-
lítra af vatni á móti hverjum 1
desílítra af kínóa og tekur það
um 20 mínútur að sjóða. Hægt
er að stytta þann tíma niður í 10
mínútur ef kínóað er lagt í bleyti
áður.“ Express-línan er foreldað
kínóa og þarf því ekki að sjóða
það heldur er nóg að setja það í
2 mínútur í örbylgjuofn eða létt-
steikja á pönnu.
Í Express-línunni eru fjórar teg-
undir: Pearl&Black sem inniheldur
hvítt og svart kínóa, Pearl&Red
sem inniheldur hvítt og rautt
kínóa og síðan tvær bragðbættar
tegundir, Spicy Mexican og Indian
Style Chickpeas. Allar tegundirnar
koma í 250 gramma pokum og
henta fullkomlega sem meðlæti í
staðinn fyrir hrísgrjón, út í salatið,
í vefjuna og svo framvegis.“
Hugmyndafræðin
„Fyrir utan bragðgóðu og hollu
vörurnar, þá var það saga og sýn
Quinola á heiminn sem heillaði
mig mest,“ segir Hildur. Quinola
var stofnað árið 2012 af James
Livingstone Wallace, breskum
fjárfesti, sem uppgötvaði dálæti
fólks á kínóa og ríka arf leifð
kínóaplöntunnar á ferðalagi
um Perú. Eftir ferðalagið varð
ekki aftur snúið og hann yfirgaf
fjármálaheiminn til að stofna
Quinola. „Heimurinn þarf á meira
örlæti að halda, þegar þú kaupir
vörur, þá kaupir þú heiminn sem
fylgir þeim,“ segir James, en við-
skiptamódel Quinola er byggt upp
með djúpri virðingu fyrir öllum
sem eiga hlut að máli og reynt að
gera hlutina öðruvísi án þess að
skerða gæði.
Flestar Quinola-vörurnar eru
Fairtrade-vottaðar, sem staðfestir
sanngjarna viðskiptahætti. Qui-
nola tryggir ávallt lágmarksverð
fyrir uppskeru samstarfsbænda
sinna og borgar þeim verð sem
tryggir að þeir geti lifað á inn-
komunni.
Umhverfið í fyrirrúmi
„Umhverfið og virðing fyrir því er
hjartað í starfsemi Quinola,“ segir
Hildur. „Bændurnir sem rækta
kínóað nota ekkert skordýraeitur,
tilbúinn áburð eða önnur efni,
ásamt því sem þeir stunda þurran
landbúnað til að varðveita vatns-
lindir.“
Til að að vega upp á móti kol-
efnisfótspori sjóflutninga á vörum
sínum frá Perú til Evrópu, fjárfestir
Quinola í skógræktarverkefni í
San Martín á Amazonsvæðinu í
Perú. Þetta svæði varð fyrir mikilli
eyðingu á áttunda áratugnum, en
síðan verkefnið hófst árið 2010
hefur um 1,6 milljónum trjáa verið
plantað. Það er áætlað að fyrir hver
1.000 tré plöntuð, séu um 17,1 tonn
af koltvísýringi fjarlægt úr and-
rúmsloftinu.
Baráttan gegn plastnotkun
hefur aldrei verið meiri en í dag
og fyrirtæki eru sífellt að reyna að
finna leiðir til að minnka hana.
Quinola hefur lagt sitt af mörkum
í þessari baráttu með því að láta
hlutfall af tekjum fyrir hverja selda
vöru renna í þróunarverkefni á
Indlandi. Sorphirðumenn þar í
landi tína upp plast á víðavangi,
sem annars myndi lenda í sjó
eða landfyllingum. Plastið er
síðan sent í sementsverksmiðjur í
Hin fullkomna ofurfæða
Quinola er nýtt vörumerki á Íslandi, sem hefur getið sér gott orð erlendis fyrir vörur framleiddar
úr kínóa, ásamt því að stunda viðskiptahætti sem bæta umhverfið og samfélögin í kringum sig.
Hildur Rut Ingimarsdóttir er himinlifandi með vörurnar frá Quinola og notar þær mikið í eldhúsinu sínu. FRÉTTABLAÐIÐ/SIGTRYGGUR
Quinola hentar afar vel í tortillur en er einnig tilvalið sem meðlæti.
Quinola er fáanlegt í fjórum bragðtegundum.
nágrenninu og nýtt sem eldsneyti
í staðinn fyrir kol. Síðan átakið
var sett af stað hafa safnast yfir 2,3
tonn af plasti og verið komið í veg
fyrir 6 tonna losun koltvísýrings út
í andrúmsloftið.
„Ég gæti ekki mælt meira með
dásamlegu vörunum frá Quinola,“
segir Hildur að lokum og deilir
uppskrift sem inniheldur Quinola.
Burrito með kjúklingi,
kínóa og guacamole
Fyrir 4
Afar fljótlegur og gómsætur réttur
sem krakkarnir elska líka!
Mæli með 1-2 burrito á mann.
600 g kjúklingalundir (má nota
kjúklingabringur eða annað)
1 lítill laukur, skorinn í strimla
2 msk. ólífuolía
½ límóna
¼ tsk. cayennepipar
½ tsk. cumin
1 tsk. salt
½ tsk. pipar
Stórar tortillur
Express quinoa spicy mexican
Rjómaostur
Rifinn cheddarostur
Sýrður rjómi
Guacamole með cheddarosti
2 avókadó
1 dl rifinn cheddarostur
½ límóna
1 msk. ferskt kóríander (má
sleppa)
Salt og pipar
Cayennepipar
1-2 msk. rauðlaukur
2 tómatar
Snyrtið kjúklinginn og skerið í
minni bita. Blandið saman ólífu-
olíu, límónusafa, cayennepipar,
cumin, salti og pipar og veltið
kjúklingnum upp úr blöndunni.
Steikið kjúklinginn og laukinn
upp úr ólífuolíu þar til hann er
eldaður í gegn. Smyrjið rjómaosti á
tortillurnar, dreifið 2-3 matskeið-
um af kínóa á þær, kjúklingi og
rifnum cheddarosti. Rúllið tortil-
lunum upp í burrito, penslið með
ólífuolíu og bakið í 10 mínútur við
180°C. Berið fram með guacamole
og sýrðum rjóma.
Gómsætt guacamole
með cheddarosti
Blandið avókadó, cheddarosti, lím-
ónusafa, kóríander, salt og pipar
með töfrasprota (það er líka gott
að stappa þessu saman ef þið eigið
ekki töfrasprota). Skerið rauðlauk
og tómata smátt og blandið saman
við með skeið.
FÓLK KYNNINGARBLAÐ 3 M I ÐV I KU DAG U R 3 0 . S E P T E M B E R 2 0 2 0