Fréttablaðið - 30.09.2020, Blaðsíða 28

Á hjúkrunarheimilinu Drop-laugarstöðum, sem velferðar-svið Reykjavíkurborgar
rekur, er 81 íbúi. „Aldursbilið er
breitt. Hér búa tveir einstaklingar
undir fertugu og tveir yfir hundrað
ára. Stærsti hópurinn er ein-
staklingar fæddir 1920-40. Íbúar
Droplaugarstaða þurfa daglega
hjúkrun og aðhlynningu og hafa
verið tilnefndir af miðlægri mats-
nefnd er metur færni,“ segir Jórunn
Frímannsdóttir, forstöðumaður.
Flóknir og skrítnir tímar
Húsið er á fjórum hæðum og skipt í
fjórar deildir. Á fyrstu hæð eru þrír
MND-sjúklingar á sérhæfðri hjúkr-
unardeild. Deildunum á næstu
þremur hæðum er skipt í þrjár
8-10 manna einingar. Allir íbúar
á Droplaugarstöðum eru í einbýli
með baði.
Tímarnir vegna COVID-19
faraldursins hafa verið skrítnir og
flóknir og var einingunum breytt í
sóttvarnahólf. „Það er erfitt að geta
ekki haldið veislur og fengið fólk
inn á heimilin eins og við vildum.
En til þess að bæta ástandið
bættum við tæknimálin hjá okkur
í vor. Við fjárfestum í stórum sjón-
vörpum fyrir hverja einingu, þar
sem viðburðum er streymt fyrir
íbúa. Um daginn héldum við til
dæmis stólajóga sem var sýnt á
öllum deildum. Einnig héldum við
okkar eigin Eurovision, eða Dropa-
vision í vor. Þá var samkeppni á
milli eininganna og starfsfólk og
íbúar unnu saman að því að búa
til atriði við Eurovisionlagið hans
Daða. Allar einingarnar tóku þátt,
enda voru allir ótrúlega til í þetta
og skemmtu sér konunglega.“
Fyrsta flokks aðstaða
Droplaugarstaðir hafa góða
aðstöðu bæði úti og inni við og er
heimilið vel útbúið tækjakosti. Allir
íbúar Droplaugarstaða eiga kost
á því að nýta sér sjúkraþjálfun og
iðjuþjálfun. „Fólk er misvel í stakk
búið að mæta til sjúkraþjálfara,
en þeir fara til íbúa ef þess er þörf
og framkvæma teygjur og tog með
þeim. Í garðinum er gróðurhús
sem er upphitað allan veturinn og
gefur kost á öðru umhverfi. Einnig
eru gönguleiðir í fallega garð-
inum okkar upphitaðar, svo íbúar
komast í göngur allan ársins hring.
Hér er líka starfandi hárgreiðslu-
stofa og snyrtistofa.
Síðan í byrjun árs höfum við
verið að breyta verklagsreglum.
Matartíminn er orðinn eins
konar samverustund í borðstofu
eininganna, en þar kemur stór hluti
íbúanna saman. Einnig hvetjum við
starfsfólkið til að breyta viðhorfi
frá því að vera að „leysa vandamál“
yfir í að njóta með íbúunum. Þá
hefur næringarfræðingur hjálpað
okkur að auka gæði matarins og
gera sérfæði eins og maukfæði
áhugaverðara fyrir íbúana.“
Gæðavottun fyrir framtíðina
Mikilvægur árangur náðist í ár
þegar Droplaugarstaðir hlutu
ISO-gæðavottun, fyrst hjúkrunar-
heimila á Íslandi. „Ég kom hingað
í byrjun ágúst 2018 úr Blóðbank-
anum og sá mikilvægi þess að setja
upp virkt gæðakerfi fyrir heimilið.
Ég myndaði gæðaráð með starfs-
fólki og fékk hver og einn sitt
hlutverk. Það var gott að koma
inn á vinnustað þar sem allir voru
tilbúnir að taka skrefið með mér,
því mér hefði aldrei tekist þetta ein
á svo skömmum tíma. Eitt af því
sem hjálpaði mikið var ábendinga-
kerfi, sem við tókum upp í janúar
2019. Þar geta starfsmenn, íbúar og
aðstandendur sent inn kvartanir
eða hrós, óskir um umbætur og
fleira. Við notum CCQ-kerfi til að
halda utan um allt gæðastarfið
og tryggja að allt sé unnið sam-
kvæmt verklagsreglum. Kerfið er í
skýinu og starfsmenn geta skoðað
leiðbeiningar, fundið gátlista og
annað í símanum. Það er mikilvægt
á vinnustað eins og okkar.
Það er himinn og haf á milli þess
að setja gæðareglur eða gera gæða-
handbók og að fá raunverulega
vottun. Vottunin heldur okkur á
tánum í gæðastarfinu. Gæðastarfi
er aldrei lokið og stór hluti þess er
sífelld endurskoðun og umbóta-
starf. Því um leið og vottun fæst
þarf að viðhalda henni og úttekt er
gerð árlega. Þetta er miklu meira
en bara prik í kladdann. Þó að einn
yfirmaður hætti, þá deyr ekki starf-
ið. Næsti er knúinn til að viðhalda
því, ætli hann að halda vottuninni.
Ég veit að þetta umbótastarf okkar
hefur nú þegar skilað miklu og við
munum halda áfram að gera gott
starf betra.“
Droplaugarstaðir hljóta ISO-vottun
Frá árinu 2018 hefur starfsfólk Droplaugarstaða unnið að því að bæta gæðastaðla og gæði þjón-
ustunnar og hefur heimilið nú hlotið ISO gæðavottun, fyrst íslenskra hjúkrunarheimila.
Jórunn, forstöðumaður Drop-
laugarstaða hefur náð mjög góðum
árangri. FRÉTTABLAÐIÐ/VALLI
Íbúar Droplaugarstaða eiga kost á því að nýta sér sjúkra- og iðjuþjálfun.
Ultra Macular augnvítamín og fjölvítamín · Fæst í öllum helstu apótekum
ULTRA MACULAR
Augnvítamín
+ fjölvítamín
Sannreynd meðferð á
aldursbundinni augnbotnahrörnun.
Samsetning Ultra Macular er byggð á
niðurstöðum rannsóknar á þessu sviði, AREDS2.
Ultra Macular er bæði augnvítamín og
fjölvítamín og er því heildarvítamínlausn
fyrir líkamann.
Hagkvæmur
valkostur
• Fullkomin samsetning 16 vítamína
og steinefna (100% RDS)
• Inniheldur andoxunarefnið lycopene
• Aðalbláber sem styðja við nætursjón
• B12 vítamín
• Ráðlagt af augnlæknum
• Hylki sem er auðvelt að kyngja
REPOSE LÉTTIR UNDIR MEÐ ÞÉR
Ný byltingarkennd vara sem aðstoðar einstaklinga
sem eru í áhættuhópi fyrir þrýstingssár.
stefaniaf@icepharma.is . 520-4322
6 KYNNINGARBLAÐ 3 0 . S E P T E M B E R 2 0 2 0 M I ÐV I KU DAG U REFRI ÁRIN