Samtökin '78 - Samtakafréttir - 01.12.1999, Qupperneq 3

AGÆTU SAMTAKAFELAGAR
Frá formanni
Loks hefur stjórn Samtakanna ,78 náð þeim áfanga að
gefa út eintak af Samtakafréttum sem að öllu leyti er
prentað í prentsmiðju. í hálfan áratug höfum við ein-
ungis haft bolmagn til að gefa út nokkur tölublöð með
prentaðri kápu, en innsíður blaðsins hafa verið Ijósritaðar.
Svo er frábærri hönnun Kristins Gunnarssonar að þakka að
þetta hafa fáir séð en útgáfa af því tagi er tímafrek og
krefst mikillar vinnu við frágang og samsetningu að Ijósrit-
un lokinni. Sú leið var því valin að gefa mánaðarlega út lítil
fréttabréf með tilkynningum og auglýsingum en vanda til
sérstakra viðbótareintaka, tvisvar til þrisvar á ári. Með því
næst það markmið að Samtakafréttir koma reglulega út en
einnig gefst tími til að leggja nokkra vinnu í útgáfuna, án
þess að þeim sem að verkinu koma sé ofboðið með óhóf-
legu vinnuálagi eins og reyndin hefur verið þegar fyrri
tölublöð Samtakafrétta hafa verið unnin. Til þess að kosta
útgáfuna voru seldar auglýsingar í blaðið, enda er ekki
unnt að greiða prentun og annan kostnað án þess. Um leið
gefst fyrirtækjum kostur á að kynna sig eða starfsemi sína
fyrir þeim stóra hópi sem samkynhneigðir neytendur eru.
Það er eftirtektarvert hvað forsvarsfólk fyrirtækja er í aukn-
um mæli að vakna til meðvitundar um nauðsyn þess að ná
til okkar sem sérstaks markhóps fyrir vöru eða þjónustu.
Slík vakning er af hinu góða því að bæði er það sýnt að
lesbíur og hommar eru sterkur neytendahópur en einnig er
það kostur fyrir okkur að sjá hvaða fyrirtæki eru tilbúin að
lýsa yfir stuðningi við málstað okkar með því að styðja við
útgáfu á okkar vegum. Ég vil óska okkur öllum til hamingju
með hversu vel til hefur tekist og um leið þakka þeim Þor-
valdi Kristinssyni og Kristni Gunnarssyni sérstaklega fyrir
þeirra mikla framlag til blaðsins.
Á sama tíma og við stöndum á tímamótum í útgáfu-
málum þá eru það einnig tímamót að hafa búið í nýju hús-
næði í bráðum ár. Að því tilefni er vert að staldra við og
íhuga hverjar hugmyndir félaga í Samtökunum eru varð-
andi notkun nýrrar félagsmiðstöðvar. Lögð hefur verið á
það áhersla undanfarna mánuði að Ijúka flestum þeim
verkþáttum sem eftir voru þegar félagsmiðstöðin var tekin
í notkun og hafa þeir Ragnar Ragnarsson og Sigþór Sig-
þórsson tekið drýgstan skerf af því starfi. Margt hefur unn-
ist á þessum tíma en ennþá hefur ekki tekist að fram-
kvæma allar þær breytingar sem áætlaðar voru á húsnæð-
inu. Vonir standa til að unnt verði að Ijúka þeim fyrir vorið.
Til þess að nýting húsnæðisins sé sem best þarf meira líf í
húsið, fleiri opnunartíma og aukna þjónustu. Stjórn Sam-
takanna '78 réði í byrjun desember veitingastjóra, Rósberg
Snædal, til þess að vinna að þessum þáttum. Hlutverk veit-
ingastjóra er að sjá um mönnun kaffivakta, standa fyrir
uppákomum og þemakvöldum, auka girnileika veitinga á
kaffistofu og vera myndlistarhópi innan handar um að afla
listsýninga í húsið. Meðal þeirra nýjunga sem Rósberg hef-
ur þegar sett á dagskrá er „Fyrirlestraröð fröken Rósu"
sem kynnt er á fimmtudagskvöldum í vetur. Einnig hyggst
Rósberg láta reyna á tíðari opnanir félagsmiðstöðvarinnar
og verða þær auglýstar í félagsmiðstöðinni og í Samtaka-
fréttum. Efling starfseminnar er því þegar hafin, en betur
má ef duga skal. Skoðanir Samtakafélaga þurfa að koma
fram um hvernig unnt er að bæta og auka starfsemi félags-
miðstöðvarinnar. Því er hér með lýst eftir hugmyndum um
nýjungar í starfseminni eða athugasemdum um það hvað
betur mætti fara. Þeir félagar sem búa yfir hugmyndum
um starfsemi félagsmiðstöðvarinnar eða um félagsstarfið
almennt eru beðnir um að koma þeim á skrifstofu Samtak-
anna '78 sem er opin milli 11-12 alla virka daga eða stinga
þeim í póstkassa Samtakanna sem er á fyrstu hæð á
Laugavegi 3.
Um leið og við siglum inn í annríki aðventunnar með
tilheyrandi menningar- og matarveislum er vert að rifja
upp að í allsherjarnefnd Alþingis bíður frumvarp að lögum
um ættleiðingar eftir afgreiðslu nefndarinnar. Það er mikil-
vægt að þingmenn í nefndinni afgreiði frumvarpið til ann-
arrar umræðu með þeim sjálfsögðu breytingum að lesbíur
og hommar öðlist rétt til jafns við aðra þegna landsins til
frum- og stjúpættleiðinga. Til þess að sá réttur fáist þarf
einnig að breyta lögum um staðfesta samvist, en slík
breyting yrði minni háttar og ætti það ekki að vefjast fyrir
vöskum þingmönnum að leggja fram lítilsháttar breyting-
arfrumvarp þess efnis áður en haldið er af stað í jólagjafa-
leiðangra. Einnig er vert að rifja upp þegar stórhátíð krist-
inna manna gengur í garð að þjóðkirkja okkar íslendinga
hefur ekki ennþá fullnægt jafnrétti innan sinna vébanda
hvað varðar þjónustu öllum þegnum hennar til handa,
óháð kynhneigð. Það er sjálfsagt réttlætismál allra lands-
manna að kirkjan sem ríkisstofnun varpi af sér því oki að
vera ofurseld öfgatúlkunum á heilagri ritningu og fari í
auknari mæli að vera sú mannræktarhreyfing sem lagt var
upp með í öndverðu.
Með aðventukveðju og von um gott starf þingmanna
og presta.
Matthías Matthíasson.
r.h
L uritt
GUESTHOUSE
GISTIHÚSIÐ
Lufltt
Spítalastígur 1
101 Reykjavík
•
Sími: 511 2800
og 896 1263
Fax: 511 2801
•
Netfang:
luna@islandia.is
Veffang:
www.islandia.is/~luna/
SAMTAKAFRÉTTIR 3