Samtökin '78 - Samtakafréttir - 01.12.1999, Qupperneq 25

Góðar stelpur klappa manni á bakið í
mjólkurdeild matvöruverslananna
því þær vilja hvetja mann og örva.
Góðar stelpur gefa manni pening
fyrir súkkulaði þegar maður er svangur.
Góðar stelpur tala um góða veðrið í
góðu veðri og vonda veðrið í vondu veðri.
Góðar stelpur sjá gott þarsem er gott
og vont þarsem er vont.
Góðar stelpur kunna að hátta sig.
Þær fara í ákveðinni röð úr fötunum.
Þær fara fyrst úr sokkunum.
Góðar stelpur gorta sig aldrei af
skítugum tám.
Og næstfyrst úr peysunni.
Þriðja næstfyrst úr pilsi eða buxum.
Alltaf síðast úr nærbuxunum.
Góðar stelpur ríða með góðmennskunni.
Og gráta að samförum loknum.
Góðar stelpur þefa aldrei af eigin sokkum
heldur annarra. Þannig vilja þær koma
góðu til leiðar.
Góðar stelpur strjúka manni um hárið
á síðkvöldum.
Góðar stelpur gefa mömmum sínum
bækur um gott fólk.
Góðar stelpur segja við mömmur sínar:
Mamma, verum góðar hvor við aðra.
Góðar stelpur eru grenjuskjóður í laumi.
Góðar stelpur.
Vonandi er mynd þeirra hér skýr
og varhugaverð.
Góðar stelpur.
Gæða sér á guðsgjöfunum og bursta
tennurnar á eftir.
Góðar stelpur.
Passiði ykkur (bara) á mér.
Ljód um
góðar
stelpur
Kristín Ómarsdóttir
SAMTAKAFRETTIR