Samtökin '78 - 40 ára afmælisrit Samtakanna '78 - 01.06.2020, Síða 51

GALLERI78
51
Listir hafa löngum skipað stóran sess í tilveru
hinsegin fólks. f gegnum listræna sköpun má tjá
tilfinningar og veruleika sem ef til vill samræmist ekki
hugmyndum þorra fólks um ást, erótík, kyn, kynvitund og
samfélagsmál. Þegar líða tók á 20. öld átti hinsegin fólk á
Vesturlöndum sér víða tryggan samastað í margvíslegum
listamannahópum og ísland var þar engin undantekning.
Kaffihúsið á Laugavegi 11 var þekkt sem samkomustaður
hinsegin fólks og listamanna á sjötta áratug 20. aldar.
Slúðurpressan átti jafnvel til að slá þessu tvennu saman
og gerði lítinn greinarmun á listafólki og kynvillingum í
umfjöllunum um hnignandi siðferðisástand Reykjavíkur.
Annar staður sem hýsti listræna starfsemi, Þjóðleikhúsið,
fékk oft álíka ákúrur frá blaðamönnum sem töldu sér annt
um siðferðislega velferð þjóðarinnar. Hins vegar var fyrsta
listsýningin í húsnæði Samtakanna ’78 ekki haldin fyrr
en árið 1985 þegar Örn Karlsson sýndi í félagsmiðstöð
Samtakanna í Brautarholti 18. Síðan þá hafa húsakynni
Samtakanna verið hluti af íslenskri listasögu.