Rit Búvísindadeildar - 15.06.1996, Page 18

Tafla 6. Útreikningar á hagkvæmni framleiðslunnar hjá bónda 1.
Vextir voru reiknaðir á upphaflegt verðmæti lambanna og var miðað við
meðalraunvexti á verðtryggðri bankabók sem bundin er í eitt ár fyrir síðastliðið ár
1993 og reyndust vextimir vera 4,5% samkvæmt upplýsingum hjá Seðlabanka
íslands. Ekki voru reiknaðir vextir fyrr en eftir 15. des (1. förgun ) þar sem það
er löggiltur síðasti útborgunardagur afurðastöðva til bænda fyrir þeirra innlegg.
Það skal ennfremur tekið fram að bændur seldu ull af þessum lömbum og
kemur það sem hrein viðbót (ca 450 kr/lamb). Ullin var ekki tekin inn í dæmið
því bændur fengu fullt verð fyrir gærur þar sem þær voru innan greiðslumarks þó
svo að ekki væri hægt að koma þeim í verð sökum þess að þær voru rúnar. En
samkvæmt upplýsingum frá Landbúnaðarráðuneyti þá ættu bændur að fá borgað
heimsmarkaðsverð fyrir þessa ull en engar niðurgreiðslur.
Tafla 7. Útreikningar á hagkvœmni framleiðslunnar hjá bónda 2.
Lömbin uxu að jafnaði meira hjá bónda 2 heldur en bónda 1. Hærri
fóðurkostnaður saxar þó nokkuð á endanlegan hagnað. En ef við lítum til þess
hvað lömbin borga fyrir fóðureininguna þá hefur bóndi 1 betur fyrir sláturhóp 2
og 3 sem kemur til af nokkuð færri FE á lamb.
Hagnaður bændanna er sú upphæð sem þeir hafa til að borga sjálfum sér
laun fyrir vinnuna við lömbin og e.t.v. húsaleigu fyrir lömbin.
10