Fréttablaðið - 11.12.2020, Qupperneq 10

BREXIT Breska ríkisstjórnin og fram-
kvæmdastjórn Evrópusambandsins
eru nú í óðaönn að undirbúa þann
möguleika að viðskiptasamningur
náist ekki í þessum mánuði. Aðlög-
unartímabilinu lýkur um áramót og
tilraunir Boris Johnson til að þvinga
fram samning hafa enn engu skilað.
Hingað til hafa Bretar hafnað
því að framlengja aðlögunartíma-
bilið vegna þrýstings frá útgöngu-
sinnum. Nú eru hins vegar farnar
í gang viðræður um að framlengja
hluta þess til eins árs í viðbót. Þar á
meðal fiskveiðarnar sem hafa verið
einn helsti ásteytingarsteinninn í
viðræðunum.
„Við áttum gott samtal en
þetta er erfitt,“ sagði Ursula von
der Leyen, forseti framkvæmda-
stjórnar ESB, við BBC eftir að hafa
rætt við Johnson. Hann og samn-
inganefndin eru nú í Brussel og
verða yfir helgina. Dominic Raab,
utanríkisráðherra Bretlands, sagði
að viðræðurnar myndu klárast
um helgina, hvort sem samningur
næðist eða ekki.
Í yfirlýsingu sem Evrópusam-
bandið gaf úr í gær var sagt að helstu
samgönguleiðir yrðu tryggðar til
sex mánaða, svo sem leyfi fyrir flug-
vélar og ferjur. Þó má búast við því
að hægist á öllum farþega- og vöru-
flutningum vegna herts eftirlits og
tolla. Þá voru einstök ríki Evrópu-
sambandsins hvött til að gera ekki
tvíhliða samninga við Breta. Það
myndi grafa undan samningsstöðu
ESB og ógna innri markaði sam-
bandsins.
Von der Leyen ítrekaði að þó að
samningar myndu nást um helg-
ina gæti farið svo að Bretar færu
samningslausir út úr sambandinu
um áramót. Þing allra Evrópusam-
bandslandanna þyrftu að sam-
þykkja og staðfesta samninginn.
Ekkert launungarmál er að
Frakkar hafa þrýst á harðari afstöðu
gagnvart Bretlandi í viðræðunum,
og krafa ESB um aðgang að bresku
hafsvæði er sögð runnin undan
rifjum Emmanuel Macron Frakk-
landsforseta.
Frakkar eru þó ekki einir um
að vilja verja innri markaðinn og
sníða Bretum þröngan stakk vilji
þeir áfram hafa aðgang að honum.
Á miðvikudag funduðu Evrópu-
sendiherrar Frakklands, Spánar,
Ítalíu, Hollands, Belgíu, Írlands og
Danmerkur með Michel Barnier,
samningamanni ESB, og hvöttu
hann til að sýna Bretum ekki lin-
kind í viðræðunum.
Sættist Boris Johnson á að fram-
lengja fiskveiðiréttindi ESB verða
mjög þung skref fyrir hann aftur
heim til Lundúna. Óvíst er að þing-
menn Íhaldsflokksins myndu sam-
þykkja slíkt samkomulag, enda
væru það talin svik við hörðustu
útgöngusinnana. Nigel Farage, for-
maður Brexitf lokksins, sagði til-
boðið „mikla móðgun“ við Breta.
Þó að samkomulag um fiskveiðar
yrði pólitískt högg fyrir ríkisstjórn
Johnson gæti svo farið að það yrði
samþykkt í ljósi hins efnahagslega
veruleika. Aðgangur að innri mark-
aðinum skiptir atvinnulíf Bretlands
langtum meira máli en fiskveiðar.
Bretar búast við því að vöruverð
í búðum hækki töluvert um ára-
mót náist ekki samningar í ljósi
þess hversu stór hluti varnings er
keyptur frá löndum Evrópusam-
bandsins. Á miðvikudag sagði John
Allan, stjórnarformaður verslunar-
keðjunnar Tesco, að matarkarfan
myndi hækka um fimm prósent og
sumar vörur um allt að 40 prósent.
Raab fullvissaði Breta hins vegar
um að matarhillurnar myndu ekki
tæmast.
kristinnhaukur@frettabladid.is
Rætt um tímabundnar lausnir
Bretar og Evrópusambandið ræða nú um framlengingu fiskveiðiréttinda til eins árs. Samninganefndir
funda í Brussel yfir helgina en útlit er fyrir að Bretland gangi samningslaust úr sambandinu um áramót.
Johnson og Von der Leyen funduðu í Brussel. Líkur á samningi minnka með hverjum deginum. FRÉTTABLAÐIÐ/GETTY
Við áttum gott
samtal en þetta er
erfitt.
Ursula von der Leyen, forseti
framkvæmdastjórnar ESB
Rýma byggingu í Hong Kong vegna COVID-19
Íbúar sjást yfirgefa þéttbyggða íbúðabyggingu í Hong Kong í gær eftir að þeim var gert að rýma húsið eftir að þar kom upp COVID-19 smit. Öllum
íbúum var gert að gangast undir COVID-19 skimun og segja yfirvöld í Hong Kong að fundist hafi hönnunargalli við frárennslislagnir í húsinu sem
leitt hafi til smits hjá íbúum á mörgum hæðum hússins. Alls höfðu í gær verið staðfest 7.292 tilfelli í Hong Kong og 114 dauðsföll. FRÉTTABLAÐIÐ/GETTY
EVRÓPA Mannréttindavaktin og
Amnesty International hafa birt
skýrslur þar sem vitni lýsa stríðs-
glæpum í skammvinnu stríði
Armena og Asera um héraðið
Nagornó-Karabak. Einnig fylgja 22
myndbandsupptökur. Samkvæmt
skýrslunum voru stundaðar pynt-
ingar og afhöfðanir í stríðinu.
Aserar unnu sigur í stríðinu og
náðu fjölda þorpa á sitt vald. Fleiri
dæmi eru um stríðsglæpi Asera
en skýrslurnar sýna hins vegar að
glæpirnir voru stundaðir á báða
bóga. Meðal annars kemur fram að
tveir óbreyttir borgarar frá Armen-
íu hafi verið afhöfðaðir og aserskur
landamæravörður skorinn á háls.
Einnig sýna myndböndin hvern-
ig lík fórnarlambanna voru sví-
virt. Ekki hefur hins vegar tekist
að greina öll fórnarlömbin eða
nákvæmlega hvar í héraðinu glæp-
irnir voru framdir.
„Myndböndin sína algjört sið-
leysi og skort á mennsku. Ásetn-
ingurinn var að valda fórnar-
lömbunum ómældum skaða og
niðurlægingu í trássi við alþjóða-
lög,“ sagði Denis Krivosjev forstjóri
Austur-Evrópu og Mið-Asíu deildar
Amnesty.
Þúsundir létust í stríðinu sem
stóð yfir í einn og hálfan mánuð,
frá 27. september til 10. nóvember
síðastliðins. Samkvæmt vopnahlés-
samkomulagi munu Rússar sjá um
friðargæslu í héraðinu. Mörg stríð
og skærur hafa verið háð í Nagornó-
Karabak síðan Sovétríkin leystust
upp fyrir tæpum 30 árum og sér-
fræðingar eru ekki vongóðir um að
vopnaskakinu sé lokið til framtíðar.
– khg
Stríðsglæpirnir
á báða bóga
Aserar fagna sigri eftir friðarsamn-
ingana í haust. FRÉTTABLAÐIÐ/GETTY
BANDARÍKIN Fimm aftökur á vegum
bandaríska alríkisins eru skipu-
lagðar á síðasta mánuði Donalds
Trump á forsetastóli. Verði af þeim
öllum verður Trump sá forseti sem
heimilað hefur f lestar aftökur í
rúma öld.
Meðal þeirra sem taka á af lífi
er Brandon Bernard, sem er í dag
fjörutíu ára gamall. Hann hefur
setið á dauðadeildinni síðan hann
tók þátt í ráni og morði á hjónum í
Texas árið 1999, þá átján ára gamall.
Annar maður, Christopher Vialva,
skaut hjónin til bana í bíl og Bern-
ard kveikti í honum. Til stendur
að taka Bernard af lífi í fangelsinu
í Terre Haute í Indianaríki og yrði
hann þá sá yngsti sem alríkið tekur
af lífi í meira en 70 ár.
Fjölmargir hafa beðið Trump um
að milda dóminn yfir Bernard, þar á
meðal fimm af níu eftirlifandi með-
limum kviðdómsins sem dæmdu
hann. Einnig frægt fólk eins og
Kim Kardashian, sem vakið hefur
athygli á máli hans á samfélags-
miðlum.
William Barr, dómsmálaráð-
herra Bandaríkjanna, hefur sagt
að alríkisstjórnin sé eingöngu að
fylgja lögunum. Gagnrýnendur
hafa hins vegar bent á það að meira
en aldargömul hefð er fyrir því að
framfylgja ekki aftökum á stjórnar-
skiptatímabili eins og nú er. – khg
Aftökuhrina
á lokadögum
Trumps
1 1 . D E S E M B E R 2 0 2 0 F Ö S T U D A G U R10 F R É T T I R ∙ F R É T T A B L A Ð I Ð