Víkurfréttir - 04.11.2020, Blaðsíða 10

TÍMABUNDIÐ LEYFI TIL SÖLU SKOTELDA Í SMÁSÖLU OG LEYFI TIL SKOTELDASÝNINGA
Upplýsingar til umsækjanda tímabundins leyfis fyrir sölu skotelda í smásölu og leyfis til skoteldasýninga frá og með 28. desember
2020 til og með 6. janúar 2021.
Þeir aðilar sem hyggjast sækja um leyfi fyrir sölu skotelda í smásölu í Reykjanesbæ, Suðurnesjabæ, Grindavík og Vogum fyrir og eftir
áramót 2020–2021, ber að sækja um slíkt leyfi til lögreglunnar á Suðurnesjum í síðasta lagi þriðjudaginn 1. desember fyrir kl. 15:00.
Hægt er að nálgast umsóknirnar á logreglan.is og á lögreglustöðinni í Reykjanesbæ að Hringbraut 130. Einnig á lögreglustöðinni í
Grindavík, Víkurbraut 25. Leyfi eru veitt að fullnægðum skilyrðum vopnalaga nr. 16/1998 og gildandi reglugerðar um skotelda.
Athugið:
• Umsóknaraðilar skila inn umsókn í síðasta lagi 1. desember 2020, til lög-
reglu að Brekkustíg 39, 260 Reykjanesbæ.
• Fylgigögn umsókna skulu berast slökkviliði viðkomandi sveitarfélags.
• Umsóknir um sölustaði sem berast eftir 1. desember 2020 verða ekki
teknar til afgreiðslu.
• Umsóknaraðilar skulu vera komnir með leyfin í hendur þriðjudaginn 22.
desember 2020.
• Óheimilt er að hefja sölu, nema söluaðilar hafi í höndum leyfisbréf frá
lögreglu.
• Söluaðilar sæki leyfisbréf á lögreglustöðina við Hringbraut þriðjudaginn
22. desember 2020, kl. 09:00.
Sérstök athygli er vakin á eftirfarandi:
1. Leyfi eru aðeins veitt fyrir sölu skotelda að fyrir liggi umsögn viðkomandi
slökkviliðs til aðstöðu og sölu skotelda, pökkunar- og geymslustaði.
Einnig liggi fyrir leyfi lóðareiganda, húseiganda eða húsfélags ef um-
sækjandi er ekki umráðamaður lóðar eða húsnæðis þar sem sala á að
fara fram og staðfesting tryggingafélags vegna sölu, geymslu og notkun
skotelda.
2. Ef fyrirhugað er að selja úr skúrum eða gámum, skal vera búið að ganga
frá slíkum sölustöðum fyrir kl. 16:00, þriðjudaginn 15. desember 2020
svo lokaúttekt geti farið fram á aðstöðu og öryggisþáttum. Sölustaðir
skulu vera minnst 25 fermetrar og búnir samkvæmt kröfum slökkviliðs
viðkomandi sveitarfélags.
Tilgreina þarf ábyrgðarmann fyrir sölustað, sem hefur sérþekkingu á skoteldum og hefur náð 18 ára aldri.
Að gefnu tilefni skal vakin athygli á að sala og meðferð skotelda er einungis heimil á tímabilinu frá og með 28. desember 2020 til og með 6. janúar 2021.
Gjald fyrir sölustað skotelda í smásölu er kr. 6.000, skoteldasýningar er kr. 11.000
og greiðist við innlögn umsóknar hjá lögreglu.
Reykjanesbær 5. nóvember 2020.
Lögreglustjórinn á Suðurnesjum.
Brekkustíg 39 - 260 Reykjanesbæ - Sími 444 2200
Lögreglan á Suðurnesjum
HÖ
NN
UN
: V
ÍK
UR
FR
ÉT
TIR
Að vinna í fiski er eins og að vinna í lottó
Blessaður október búinn og við tók nóvember, maður hefði nú haldið að hlutirnir myndu
lagast – en nei, þetta blessaða Covid hefur heldur betur sett strik í reikning hjá ansi mörgum.
Ferðaþjónustan alveg steindauð,
ekkert um að vera. Mikið atvinnu-
leysi, sundlaugar lokaðar og pirr-
ingur í þjóðfélaginu eykst.
Aftur á móti hefur sjávarútveg-
urinn haldið sjó á þessum tímum og
að vinna í fiski í dag er bara eins og
að vinna í lottó, því núna er þó margt
um betra að komast í að vinna í fiski
en að vera atvinnulaus heima og geta
lítið sem ekkert gert.
Fiskvinnslufyrirtæki á Suður-
nesjum standa nokkuð vel að vígi,
þau eru kvótastór og hafa nokkuð
öflugan flota en eru á sama skapi
orði tæknivæddari og þurfa því færra
starfsfólks en áður.
Það er samt nokkuð áhugavert
að skoða bæina og sjá þá að stærsti
staðurinn á Suðurnesjum, Keflavík
og Njarðvík sem mynda Reykja-
nesbæ, er má segja öll fiskvinnsla
hrunin og eftir standa bara tvö fyrir-
tæki, Saltver ehf. sem gerir út Erling
KE og Hólmgrímur Sigvaldason sem
er með stóra saltfiskvinnslu úti á
Vatnsnesi og gerir út fjóra báta.
Sömuleiðis er lítil sem enginn fisk-
vinnsla í Vogum en þar var í mörg
ár fiskvinnslan Valdimar hf. sem átti
meðal annars Ágúst Guðmundsson
GK og Þuríði Halldórsdóttur GK. Það
fyrirtæki rann saman við Þorbjörn
ehf. og er fyrirtækið með smá starfs-
stöð í Vogum en það er þó ekkert í
líkingu við það sem áður var þar.
Skoðum aðeins Keflavík/Njarðvík
nánar. Hvaða fiskvinnslur voru þar
fyrir 35 árum síðan eða árið 1985.
Jú, t.d Hraðfrystihús Keflavíkur hf.
sem meðal annars gerði út togarana
Aðalvík KE og Bergvík KE.
Hluta aflans sem Miðnesbátarnir
og -togararnir veiddu og lönduðu
í Sandgerði var ekið til vinnslu í
Keflavík HF en eftir að Keflavík HF
brann var aðeins lítill hluti af þeim
fiski unnin í þeim hluta sem ekki
brann.
Fiskverkun Arnar og Þorsteins
Erlingssonar sem vann síld t.d. af
Erni KE og Búrfelli KE, síðan var
Saltver ehf. líka til og vann meðal
annars af Búrfelli KE.
Fiskverkun Hilmars og Odds í
Keflavík gerði út tvo báta, Vatnsnes
KE og Stafnes KE. Stafnes KE er
bátur sem margir þekkja og skip-
stjórinn á honum, Oddur Sæ-
mundsson, var mikill aflamaður og
landsþekktur fyrir mikinn afla í net
sem var það veiðarfæri sem hann
notaði hvað mest.
Sjöstjarnan hf. var stórt fyrirtæki
sem gerði t.d. út togarann Dags-
tjörnuna KE og var mjög stór í fryst-
ingu á loðnu yfir vertíðina. Þegar að
Faxaflóinn opnaði fyrir veiðar drag-
nótabátanna þá var Sjöstjarnan eitt
stærsta fyrirtækið sem tók á móti
kola í vinnslu af bátunum, t.d. af
Vikari Árnasyni KE og Reykjarborg
RE svo dæmi séu tekin.
Vonin HF vann fisk af sínum eigin
bát sem hét Vonin KE.
Axel Pálsson hf. var meðal annars
í rækju og af sínum eigin bátum sem
hétu Jöfur KE og Jarl KE.
Baldur hf vann fisk af sínum báti,
Baldri KE, ásamt fleiri bátum.
Happasæll sf. vann fisk af bátnum
Happasæli KE en það nafn þekkja
allir, báturinn er enn til í dag og heitir
Grímsnes GK.
Norðurvör hf. vann t.d. fisk af afla-
bátnum Bergþóri KE sem Magnús
Þórarinsson var skipstjóri á. Sonur
hans, Einar Magnússon, gerði síðan
út bátinn Ósk KE í vel yfir tuttugu
ár og var jafn fiskinn og faðir sinn ef
þannig má orða hlutina.
Heimir hf. var stórt fyrirtæki og
gerði út nokkra báta, t.d. Helga S KE
og Heimir KE.
Fiskverkun Jóhannesar Jóhanns-
sonar verkaði fisk t.d. af bátnum Jó-
hannes Jónsson KE.
Fiskverkun Hákonar E Reynalds
var með Arnar KE og Þorstein KE
Valfóður hf. var fiskimjölsverk-
smiðja
Bás hf. Keflavík var t.d. með Svein
Guðmundsson GK og Búðanes GK
frá Grindavík ásamt fleiri bátum.
Síðan var það Brynjólfur hf.
sem var staðsett í Innri-Njarðvík
og húsin standa þar enn en eru
notuð undir geymslur undir hús-
bíla og tjaldvagna. Það fyrirtæki var
nokkuð stórt en gerði þó enga báta
út heldur var með báta í viðskiptum,
t.d. Hraunsvík GK og Farsæl GK
frá Grindavík og Sæljón RE frá
Reykjavík ásamt því að vinna humar.
Eins og sést á þessu voru ansi
mörg fiskvinnslufyrirtæki í Keflavík/
Njarðvík fyrir 35 árum síðan en eru
nú öll horfin nema Saltver og til við-
bótar er, eins og áður segir, Hólm-
grímur Sigvaldason sem merkilegt
nokk er stærsti útgerðaraðilinn í
Reykjanesbæ.
Gísli Reynisson
gisli@aflafrettir.is
10 // aFlaFrÉttir á SuðurneSJuM Í 40 ár