Víkurfréttir - 11.11.2020, Qupperneq 12

Þjálfarahræringar í boltanum
Sömu aðalþjálfarar verða áfram hjá Keflavík
Eysteinn Húni Hauksson og Sigurður
Ragnar Eyjólfsson stýrðu Keflvíkingum
til sigurs í Lengjudeild karla í sumar, mikil
ánægja hefur verið með störf þeirra í her-
búðum Keflvíkinga og þeir verða áfram
með liðið á næsta ári í efstu deild karla.
Hjá meistaraflokki kvenna verður Gunnar
Magnús Jónsson áfram aðalþjálfari en
Haukur Benediktsson hefur látið af störfum
aðstoðarþjálfara. Keflavík mun leika í efstu
deild kvenna á næsta ári og nú stendur yfir
leit að nýjum aðstoðarþjálfara. Að sögn
framkvæmdastjóra knattspyrnudeildar
Keflavíkur munu þau mál líklega skýrast í
þessari viku.
Sigurbjörn og Ólafur áfram með Grindavík
Hver tekur við meistaraflokki kvenna?
Ray Anthony Jónsson hætti sem þjálfari meistaraflokks kvenna
hjá Grindavík eftir að liðið sigraði aðra deild kvenna og kemur
því með að leika í Lengjudeildinni næsta sumar. Ray þjálfaði liðið
síðustu þrjú keppnistímbil og hætti þjálfun liðsins að eigin ósk.
Grindvíkingar eru að vinna í að finna eftirmann hans.
Sigurbjörn Hreiðarsson verður áfram með meistaraflokk karla
og Ólafur Tryggvi Brynjarsson verður honum til aðstoðar eins og
í sumar. Tímabilið í ár var Grindvíkingum mikil vonbrigði en þeir
höfðu sett stefnuna upp í efstu deild og setja hana eflaust þangað
á næsta tímabili.
Njarðvíkingar réðu Bjarna og Bóa
Rétt fyrir helgi gekk knattspyrnudeild
Njarðvíkur frá ráðningu þeirra Bjarna Jó-
hannssonar og Hólmars Arnar Rúnarsson
sem aðalþjálfara meistaraflokks karla til
næstu tveggja ára.
Með þessari ráðningu er stefnan tekin
beint upp í Lengjudeildina að ári en liðið
hafnaði í fjórða sæti í ár. Bjarni Jóhannsson
er einn reynslumesti knattspyrnuþjálfari
landsins og reynsla hans á efalaust eftir
að reynast Njarðvíkingum happadrjúg.
Meðal þeirra liða sem Bjarni hefur stýrt eru
Grindavík, ÍBV, KA, Stjarnan og nú síðast
Vestri á Ísafirði. Hólmar Örn, eða Bói eins
og hann er jafnan kallaður, stýrði Víðisliðinu
síðustu tvö ár samhliða því að leika með
liðinu en nú ætlar Bói að leggja knattspyr-
nuskóna á hilluna og einbeita sér alfarið að
þjálfun.
Hermann og Andy verða áfram með Þrótt
Hermann Hreiðarsson verður áfram aðalþjálfari Þróttar
Vogum og Andrew James Pew hefur framlengt samningi
sínum við Þrótt um eitt ár. Hann verður áfram spilandi að-
stoðarþjálfari Hermanns næsta sumar.
Andy hefur leikið með Þrótti síðustu tvö ár og verið fyrirliði
liðsins. Hann býr yfir mikilli reynslu úr íslenska boltanum eftir
að hafa spilað fyrir Selfoss í sjö ár áður en hann skipti í Þrótt.
Andy er 39 ára gamall varnarmaður og á vel yfir 200 leiki að
baki hér á landi.
Engra breytinga að vænta hjá Reyni
Haraldur Freyr Guðmundsson heldur áfram með lið Reynis sem mun
leika í annari deild á næsta ári.
Sigursveinn Bjarni Jónsson, formaður Reynis, segir það von
stjórnar að Luka Jagacic verði áfram sem aðstoðarþjálfari liðsins á
næsta tímabili. Þá eru Reynismenn að vinna í að styrkja liðið fyrir
baráttuna framundan í annari deild.
Ekki vitað hver tekur við Víði
Víðismenn, sem féllu í þriðju deildina í ár, segja að þeirra mál
séu í skoðun. Það er ljóst að Víðismenn munu vera með nýjan
aðila við stjórnvölinn á næsta ári þar sem Hólmar Örn Rún-
arsson er farinn til Njarðvíkur og Guðjón Árni Antoníusson
hefur ákveðið að taka sér frí frá þjálfun. Sólmundur Ingi Ein-
varðsson, formaður Víðis, segir að þessi mál séu í skoðun hjá
félaginu og væntanlega verði tekin ákvörðun í næstu viku.
Keflavík á flesta leikmenn í liði ársins
Joey Gibbs leikmaður Lengjudeildarinnar
Keflvíkingar eiga fimm leikmenn í liðinu,
þá Sindra Þór Guðmundsson, Nacho Heras,
Rúnar Þór Sigurgeirsson, Davíð Snæ Jó-
hannsson og Joey Gibbs, auk þess sem ástr-
alski markahrókurinn Joey Gibbs var valinn
besti leikmaðurinn.
Keflavík stóð uppi sem Lengjudeildarmeistari
2020 og þótti leika frábærlega í sumar. Liðið
skoraði 57 mörk í nítján leikjum, af þeim átti
Gibbs 21 mark. Bæði Keflavík og Joey Gibbs
voru hársbreidd frá því að slá markamet deild-
arinnar þegar mótið var blásið af.
Þrír Suðurnesjamenn í annarrar deildarliði ársins
Hemmi Hreiðars þjálfari ársins
Njarðvíkingarnir Marc McAusland og Ken-
neth Hogg ásamt Andy Pew úr Þrótti eru
allir í liði ársins í annari deild karla en allir
voru þeir máttarstólpar í sínum liðum.
Hogg var öflugur með Njarðvík í sumar og
skoraði þrettán mörk á meðan fyrirliðinn
Marc var öflugur í vörninni. Andy Pew, fyrir-
liði Þróttar og spilandi aðstoðarþjálfari, var
einnig mikilvægur hlekkur í liði Þróttara.
Hermann Hreiðarsson tók við liði Þróttar
Vogum í sumar og var valinn þjálfari ársins.
Hann hefur verið að gera góða hluti með
Þróttara sem náðu besti árangri í sögu fé-
lagsins og voru hársbreidd frá því að tryggja
sér sæti í næstefstu deild.
Magnús Þorsteinsson í þriðju deildarliði ársins
Fufura Baros og Strahinja Pajic „á bekknum“
Það er athyglisvert að þótt Reynir hafi
tryggt sér örugglega sæti í annarri deild á
næsta ári þá á liðið aðeins einn leikmann
í úrvalsliði þriðju deildar. Reynismenn
unnu þrettán leiki, gerðu þrjú jafntefli og
töpuðu fjórum leikjum, svo það er óhætt
að segja að liðsheildin hafi gert gæfu-
muninn.
Markahrókurinn Magnús Sverrir Þor-
steinsson tók fram skóna á ný eftir þriggja
ára hlé og sýndi að hann hefur engu
gleymt, skoraði fimmtán mörk í fjórtán
leikjum, og uppskar sæti í liði ársins.
Fótbolta­
sumarið
2020
Knattspyrnumiðillinn Fótbolti.net gerði
upp fótboltasumarið 2020 og fékk þjálfara
og fyrirliða til að velja úrvalslið tímabilsins
2020. Þá hafa orðið einhverjar breytingar á
þjálfaramálum Suðurnesjaliðanna.
Gibbs átti frábært
tímabil með Keflavík.
Hemmi og hans lið voru
aðeins hársbreidd frá
sæti í Lengjudeildinni.
Fimm Keflvíkingar voru valdir í úrvalslið Lengjudeilarinnar.
Maggi Þorsteins
hefur engu gleymt.
12 // vÍKurFrÉttir á SuðurneSJuM Í 40 ár