Víkurfréttir - 11.11.2020, Síða 18

Frá heilsueflingu Janusar
í Íþróttahúsi Njarðvíkur.
Marína Ósk og Mikael Máni
gefa út nýja breiðskífu
Breiðskífan „Tendra“, sem er jafn-
framt fyrsta plata samnefndrar
hljómsveitar, kom út á CD og vínyl
6. nóvember 2020 hjá Smekk-
leysu. Hljómsveitina skipa tvíeykið
Mikael Máni og Keflvíkingurinn
Marína Ósk.
Hljóðheimurinn á plötunni er
ævintýraleg blanda af söngvaskálda-
stíl og „alternative“ poppi en þar sem
þetta er frumburður hljómsveitar-
innar leyfa þau sér að vera mjög
leitandi og blanda saman ólíklegum
stílum, formum og hugmyndum sem
leynast í skúmaskotum hugarfylgsna
þeirra. Textarnir fjalla um mjög
hversdaglega hluti; idolíseringu, lata
morgna, söknuð og sjálfsleit – frá alls-
konar skrítnum sjónarhornum.
Nafnið „Tendra“ kemur frá upp-
lifun hljómsveitarmeðlima þegar
þau sömdu lögin sín í sameiningu í
fyrsta skipti. Sem samstarfsfólk til
6 ára hafa þau unnið náið saman
og tengst djúpum böndum en eitt
er að vinna saman, annað að semja
og skapa. Báðir meðlimir upplifðu
líkt og tendrað væri á báli þegar
þau byrjuðu að semja tónlist saman
og lögin flæddu. T.a.m. þá tóku
þau upp og fullunnu í heildina 14
lög fyrir þessa plötu en ákváðu að
stytta plötuna niður í 9 lög í „early-
bítlaplötu lengd“ til að gefa nýjum
hlustendum tækifæri á að kynnast
þeim smátt og smátt.
Mikael Máni og Marína Ósk gáfu
út eina plötu saman fyrir 3 árum
undir nafninu Marína & Mikael en
sú tónlist var svo ólík því sem þau
eru að gera núna að þeim fannst ekki
rétt að nota sama hljómsveitarnafn.
Sú plata, Beint heim, er jazz og dæg-
urlagaplata og er aðeins með gítar og
söng en hún hlaut tilnefningu sem
jazzplata ársins hjá ÍSTÓN 2018.
Þetta eru ekki einu tilnefningarnar
sem þau hafa fengið en Marína Ósk
fékk tvær tilnefningar 2020 í opnum
flokki fyrir plötuna sína Athvarf, sem
plata ársins og lag ársins og Mikael
fékk tilnefningu sem lagahöfundur
ársins í jazzflokki fyrir plötuna sína,
Bobby.
Hljómsveitarmeðlimirnir tveir
spila að mestu leiti inn plötuna sjálf
en í 4 lögum njóta þau gestaflutnings
frá Kristofer Rodriguez Svönusyni á
trommur og slagverk og Heiði Láru
Bjarnadóttur á selló. Mikael sá um
að spila öll hin hljóðfærin inn á upp-
tökurnar og má þar heyra mjög fjöl-
breytta hljóðfæraflóru með allskyns
hljómborðum, bassa, gíturum, víbra-
fóni, hryngjammi, slagverki og fl.
Vegna þess að möguleikar á tón-
leikahaldi eru takmarkaðir, ætlar
Tendra að gefa út seríu stuttmynd-
banda í stað þess að halda útgáfu-
tónleika. Þar munu þau bjóða lands-
þekktu tónlistarfólki að koma og
flytja eitt lag af plötunni og eina
ábreiðu af íslensku lagi með hljóm-
sveitinni. Þau munu þannig gefa út 4
myndbönd sem svipa til örtónleika,
og mun fyrsta myndbandið koma út
í byrjun febrúar 2021.
Birgir Jón Birgisson sá um upp-
tökur og alla hljóðvinnslu. Brynja
Baldursdóttir sá um hönnun og um-
brot. Platan var tekin upp í Sund-
lauginni Mosfellsbæ í maí og júní
2020.
Alþjóðlegur minningardagur um
fórnarlömb umferðarslysa 2020
verður sunnudaginn 15. nóvember.
Að þessu sinni mun engin eiginleg
minningarathöfn fara fram með
viðbragðsaðilum en Samgöngustofa
og einingar Slysavarnafélagsins eru
að leita annara leiða.
Slysavarnadeildin Una í Garði mun
kveikja á kertum á nýja stígnum á
milli Garðs og Sandgerðis og verður
dregið úr birtu frá ljósastaurum á milli
klukkan 19 og 19:30.
„Félagar Unu vilja ekki að hvetja
til hópamyndanna en vona að fólk
minnist þeirra sem látist hafa og
leiði hugann að eigin ábyrgð í um-
ferðinni. Auk þess sem við þökkum
þeim viðbragsaðilum sem veita hjálp
og björgun,“ segir í tilkynningu.
Kveikja á kertum við nýjan göngustíg
og minnast fórnarlamba umferðarslysa
Innleiðing Barnasáttmála Sameinuðu þjóðanna í Reykjanesbæ:
Mörg tækifæri eru til úrbóta
í málum sem varða börn
– Spurningakönnun og barnaþing framundan
Eins og greint var frá á vef Reykjanesbæjar þann 10. september síðast-
liðinn hefur Reykjanesbær hafist handa við innleiðingu á Barnasáttmála
Sameinuðu þjóðanna. Eins og þar kemur fram snúa aðgerðir Reykjanes-
bæjar einkum að bæjarkerfinu sjálfu, að gera það aðgengilegra fyrir börn
og tryggja að raddir barna séu teknar með í umræðu um málefni sem
snerta þau.
Síðustu vikur hefur stýrihópur
verkefnisins unnið að því að safna
saman tölfræðilegum gögnum um
börn og svara gátlistum sem fylgja
fimm grunnþáttum barnvænna
sveitarfélaga. Vinnan hefur leitt í
ljós að mörg tækifæri eru til úrbóta í
málum sem varða börn, einkum þátt-
töku barna í ákvarðanatöku í málum
sem snúa að þeim. Eitt af mark-
miðum barnvænna sveitarfélaga er
einmitt að efla börn í að taka þátt í
ákvörðunum en til að það geti orðið
að veruleika þarf að skapa þeim vett-
vang þar sem þau geta komið skoð-
unum sínum á framfæri, á sínum
eigin forsendum.
Á næstu vikum verður spurninga-
könnun lögð fyrir starfsfólk, börn og
ungmenni í fimmta til tíunda bekk og
börn á aldrinum sextán til átján ára í
Fjölbrautaskóla Suðurnesja sem bú-
sett eru í Reykjanesbæ. Öllum þátt-
takendum og foreldrum verður sent
kynningarbréf, með hæfilegum fyrir-
vara, áður en könnunin verður lögð
fyrir. Markmiðið með könnuninni er
meðal annars að kanna þekkingu á
Barnasáttmálanum og hvort Reykja-
nesbær sé að framfylgja ákvæðum
sáttmálans. Í byrjun næsta árs
verður svo haldið ungmennaþing þar
sem börnum og ungmennum gefst
kostur á að koma sínum skoðunum
á framfæri. Þingið verður opið öllum
börnum á aldrinum tólf til átján ára
sem vilja taka þátt og þar fá börnin
tækifæri til að tjá skoðanir sínar og
viðhorf til sveitarfélagsins og þeirrar
þjónustu sem það veitir. Á fundinum
eru börnin meðal annars spurð að
því hvað þau vilja hafa áhrif á innan
sveitarfélagsins, hvernig þeim henti
best að koma skoðunum sínum á
framfæri og hvernig Reykjanesbær
ætti almennt að standa að sam-
ráði við ungt fólk. Ungmennaþingið
verður nánar auglýst síðar.
„Við hvetjum alla til að kynna
sér Barnasáttmálann og barnvæn
sveitarfélög UNICEF. Þá hvetjum
við einkum foreldra til að ræða við
börnin sín um sáttmálann,“ segir í
tilkynningu frá Reykjanesbæ.
Upplýsingar má nálgast á
www.barnasattmali.is,
www.barnvaensveitarfelog.is
og www.unicef.is
FIMMTUDAGA
KL. 20:30
HRINGBRAUT OG VF.IS
Veist þú um áhugavert
efni í miðla Víkurfrétta?
Á tímum Covid-19, þegar ró er yfir
mannlífinu, er erfiðara að finna áhugavert
efni í sjónvarpsþáttinn okkar. Lumar þú á
ábendingu? Sendu okkur línu á vf@vf.is
DEKKJASKIPTI

OLÍUSKIPTI

ALÞRIF

SLEPPTU BIÐINNI OG BÓKAÐU Á
NETINU WWW.BILAHOTEL.IS

ALHLIÐA BÍLAÞJÓNUSTA

GEYSIR - BOGATRÖÐ 11, ÁSBRÚ

SÍMI 455-0006

18 // vÍKurFrÉttir á SuðurneSJuM Í 40 ár