Víkurfréttir - 11.11.2020, Page 21

Heimanámsþjálfun
– námstækni
Námstækni er hugtak sem notað er yfir árangursríkar aðferðir sem felast
í því að afla sér þekkingar og leikni í námi. Íslensk orðabók skilgreinir
námstækni sem námsgrein „þar sem góð vinnubrögð við nám eru kennd“.
Á fyrsta áratugi 21. aldar var einnig orðið námsvenja notað um hugtakið
námstækni, um þær venjur sem námsmaður notar í námi sínu.
Fjögur atriði eru til grundvallar þegar
kemur að námstækni og þau eru:
1. Að vinna skipulega.
2. Að ákveða hvað skal læra.
3. Að ákveða hvenær eigi að læra.
4. Að ákveða hvernig skal læra.
Það skiptir gríðarlega miklu máli
í skipulagi náms að víkja ekki frá
þeirri ákvörðun að sinna eigin námi!
Skipulag
Mín reynsla er sú að í skipulagi
þrífast börnin best! Heima fyrir
getum við foreldrar og/eða forráða-
menn skapað rútínu og skipulag í
kringum heimanámsþjálfun, æfingar
og tómstundastörf barna okkar og
yfir þau verkefni sem börnin okkar
þurfa að sinna heima sem hluti af
þátttöku í heimilislífi fjölskyldunnar.
Börn og unglingar í grunnskóla
bera ekki lengur ábyrgð á því að skrá
niður hvað þau þurfa að þjálfa heima
í námi. Sú þróun hefur átt sér stað að
kennarar bera algjöra ábyrgð á því,
með skráningu í heimavinnuáætlun
í Mentor. Í mörgum grunnskólum hér
í Reykjanesbæ hefur sá háttur verið
á að kennarar eigi að skrá í hana
fyrir klukkan fjögur á daginn, upp
á skipulag heimilanna. Í flestum til-
fellum vita þó nemendur á unglinga-
stigi og í eldri bekkjum miðstigs hvað
eigi að vinna heima/ljúka heima.
Sá fyrirvari er þó á að börnin
okkar þurfa að halda skipulag í
kringum Mentor þegar um stærri
verkefni er að ræða, próf og/eða
námslegt ferli sem spannar yfir
lengri tíma. Við slíkar aðstæður þarf
barnið/unglingurinn okkar að nýta
þessi fjögur atriði sem talin eru upp
hér að ofan til þess að skipuleggja
námið heima fyrir. Í því felst að búa
til áætlun/skipulag og tiltaka hvað
eigi að læra á hverjum degi fyrir sig.
Ein jákvæð breyting í þessu sam-
hengi, sem ég hef orðið vör við, er
upptaka áætlana í stærðfræði á ungl-
ingastigi. Slíkt skipulag og vinnu-
brögð líkjast helst því sem tekur við
á næsta skólastigi, þ.e. í framhalds-
og fjölbrautaskóla, svokölluðum
kennsluáætlunum sem nemendur
eiga að vinna eftir.
Í skipulagi og áætlanagerð er
nauðsynlegt að tiltaka hvenær eigi
að setjast niður til þess að sinna
heimanámsþjálfun, í hversu langan
tíma skal þjálfa hverju sinni og
hvernig eigi að þjálfa. Þegar spurn-
ingunni hvernig á að þjálfa er velt
upp, þá þarf að skoða aðra hlið á
námstækni sem er aðferðir og tækni.
Hvaða aðferð og tækni er best að
beita á það verkefni sem staðið er
frammi fyrir. Ég mun fjalla sérstak-
lega um aðferðir og tækni í næsta
pistli.
Það kemur í okkar hlut, foreldra
og/eða forráðamanna, að bera
ábyrgð á því að heimavinnuáætlun
sé fylgt. Í lögum um grunnskóla
2008 nr. 91, segir í 19. grein að „for-
eldrar bera ábyrgð á námi barna
sinna og ber þeim að fylgjast með
námsframvindu þeirra í samvinnu
við þau og kennara þeirra“.
Nauðsynlegt er að fylgjast með
á Mentor daglega þegar nemendur
hefja nám á miðstigi og út unglinga-
stigið. Á miðstigi fá nemendur oft á
tíðum sinn eigin aðgang að Mentor
í gegnum skólann sinn og geta því
fylgst með heimavinnuáætlun í sam-
vinnu við foreldra/forráðamenn sína.
Þannig kemur inn sú sameiginlega
ábyrgð að bæði nemandinn sjálfur og
foreldrar/forráðamenn hans fylgist
með og sinni þeim verkefnum/fyrir-
mælum sem lögð eru til í námi. Það
kemur í hlut skólans að upplýsa
nemendur og foreldra/forráðamenn
reglulega um námsframvindu og
eins ef við getum gert betur gagn-
vart námslegri vinnu heima fyrir.
Mikilvægt er að við, foreldrar/for-
ráðamenn, tökum frumkvæði og
höfum samband við skólann okkar
ef áhyggjur vakna af námslegri fram-
vindu barns/barna okkar.
Jóhanna Helgadóttir,
grunnskólakennari, mannauðs-
ráðgjafi og verkefnastjóri.
Viltu fá ferskan fisk
sendan heim að dyrum?
- Ferskleiki og fjölbreytni
í fyrirrúmi í nýrri fiskbúð
- Þjónustum mötuneyti,
fyrirtæki og veitingastaði.
Brekkustígur 40, Njarðvík, s. 7839821
Opið mán.-fim. 10-19, föstudaga til kl. 18.
Komdu og skoðaðu úrvalið
en við sendum líka heim!
Heitur matur í hádeginu
fbr@fbr.is
Það er gott að geta verslað í heimabyggð!
Menntaskólinn á Ásbrú, í samstarfi við nemendur á stúdentsbraut
í tölvuleikjagerð, hefur nú opnað stafrænt leikjaherbergi á vefsíðu
sinni. Á hverjum föstudegi mun nýr leikur bætast í safnið á meðan
framboð leyfir.
Á hverri önn búa nemendur til
leik í áfanganum tölvuleikjagerð.
Þar fá þeir grunn hjá kennurum
sem þeir svo byggja ofan á en til
þess notast þeir við forritið Unity.
Hönnun, saga og framvinda leiks
er með öllu í höndum nemenda.
Leikirnir eru allir birtir með leyfi
höfunda og eru gestkomandi
beðnir að koma fram við hugverk
þeirra af virðingu.
„Óvíst er hvenær verður næst
hægt að bjóða gestum og gang-
andi á opið hús í raunheimum
þar sem þeir geta skoðað hús-
næði skólans, rætt við nemendur
og skoðað verk þeirra. Með staf-
rænu leikjaherbergi Mennta-
skólans á Ásbrú veitum við
áhugasömum því tækifæri til þess
að fá smjörþef af þeim verkefnum
sem nemendur vinna að þó þau
skorðist vissulega ekki aðeins
við gerð þessara leikja. Í gegnum
tíðina hafa nemendur hannað
leiki fyrir barnahorn Isavia, unnið
verkefni í samstarfi við einyrkja
á sviði tölvuleikjagerðar og fleiri
spennandi samstarfsverkefni eru
í pípunum fyrir næstu misseri,“
segir í frétt frá Keili.
Fyrstu leikirnir eru þegar
komnir á síðuna en eru þeir tví-
hleypan Goblin Goblin og Goblin
Goblin 2. Þar þurfa leikmenn
m.a. að berjast í gegnum hóp
rauðhærðra ribbalda, komast í
gegnum eitraða mýri og hrynj-
andi helli til þess að bjarga svar-
tálfsfélaga sínum.
Leikjaherbergið má finna á vef
Menntaskólans á Ásbrú
www.menntaskolinn.is
Menntaskólinn á Ásbrú
opnar stafrænt
leikjaherbergi

Okkar ástkæra
REBEKKA ELÍN GUÐFINNSDÓTTIR
Lengi húsmóðir og bókavörður
í Njarðvík og Reykjanesbæ
lést á hjúkrunarheimilinu Nesvöllum 3. nóvember síðastliðinn.
Útför verður frá Ytri-Njarðvíkurkirkju fimmtudaginn 12. nóvember
klukkan 14 að viðstöddum aðeins nánustu aðstandendum.
Athöfninni verður streymt á
www.facebook.com/groups/kvedjumreg/
Fjölskyldan þakkar innilega þeim sem önnuðust hana í langvarandi
veikindum fyrir alúð og vinsemd.
Kristján Einarsson
Kristín Kristjánsdóttir Aðalsteinn Valdimarsson
Guðfinnur Kristjánsson Jane Ann Leuenberger
Loftur Guðni Kristjánsson Kikka Sigurðardóttir
Anna Guðríður Kristjánsdóttir Sigtryggur Gíslason
barnabörn og barnabarnabörn.
Rétturinn
Ljúengur
heimilismatur
í hádeginu
Opið:

11-13:30
alla virka daga
  Bílaviðgerðir
Smurþjónusta
   Varahlutir
Brekkustíg 38 - 260 Njarðvík
sími 421 7979
www.bilarogpartar.is
vÍKurFrÉttir á SuðurneSJuM Í 40 ár // 21